Agenda a Chofnodion

Derbyniwyd ymddiheuriadau gan y Cynghorydd Mark Strong am na allai fod yn bresennol yn y cyfarfod.     

Ni ddatganwyd unrhyw fuddiant personol/buddiant sy’n rhagfarnu. 

Croesawodd y Cadeirydd Nerys Lewis a Peter Skitt i’r cyfarfod.  Esboniodd Nerys y sefyllfa fel a ganlyn.  Wedi i Gymdeithas Dai Canolbarth Cymru (Barcud wedi hynny) roi’r gorau i fod yn bartner datblygu, drwy gydsyniad, nodwyd bod yr holl bartneriaid eraill yn parhau yn gwbl ymrwymedig i ddarparu Canolfan Adnoddau Integredig yn Nhregaron, sef Cylch Caron.   Esboniodd Nerys hefyd i Peter Skitt arwain y prosiect ers i Sue Darnbrook,  Cyfarwyddwr Statudol y Gwasanaethau Cymdeithasol ymddeol fel yr Uwch Swyddog Cyfrifol.   Hysbysodd Peter Aelodau’r Pwyllgor fod gweithgor o swyddogion y Bwrdd Iechyd a Swyddogion y Cyngor yn  adolygu ac yn  diweddaru’r  achos busnes ar hyn o bryd, yn barod ar gyfer bwrw ymlaen â’r cynllun.  Y bwriad yw cychwyn aildendro am bartner datblygu yn ystod tymor yr hydref 2021.  Cam nesaf y prosiect partneriaeth fydd trefnu digwyddiad ‘Cwrdd â’r Prynwr’ er mwyn ailsefydlu’r broses o ddenu partner datblygu newydd.  Bydd proses dendro ffurfiol ar waith wedi hynny. 

Yna, rhoddwyd cyfle i aelodau ofyn cwestiynau ac atebwyd y cwestiynau hynny gan y Swyddogion a oedd yn bresennol. 

Yn dilyn trafodaeth, gofynnwyd i Aelodau’r Pwyllgor nodi’r wybodaeth yn yr adroddiad.  Diolchodd y Cadeirydd i Peter Skitt a Nerys Lewis am fynychu’r cyfarfod ac am ddarparu’r wybodaeth ddiweddaraf am Gylch Caron.  Cynigiodd y Cadeirydd fod y Pwyllgor yn derbyn diweddariad arall ymhen 6/8 mis, yn dilyn y digwyddiad ‘Cwrdd  â’r Prynwr’ a’r broses dendro ffurfiol.  Cytunwyd i hyn

Croesawodd y Cadeirydd Diana Davies a Lynne Walters i’r cyfarfod i gyflwyno’r adroddiad. 

Cyfeiriodd y Cynghorydd Bryan Davies at bryder y dylid ystyried ei godi mewn cyfarfod o’r Bwrdd Gwasanaethau Cyhoeddus yn y dyfodol, sef pryder sy’n ymwneud â Chyfoeth Naturiol Cymru.  Gwnaeth y Cynghorydd Davies gais i’r pryder hwn gael ei drafod mewn Pwyllgor Craffu.  Mae Cyfoeth Naturiol Cymru yn rhoi caniatâd i Ddŵr Cymru ollwng carthion heb eu trin i afonydd.   Cyfeiriodd y Cynghorydd Davies at enghraifft yn ei ward, sef yr Afon Llethi, Llanarth ac enghraifft arall yng Ngilfachreda.  Mae’r afon hon yn llifo i’r môr rhwng Traeth Gwyn a Chei Bach.  Cafwyd rhybudd ar y cyfryngau cymdeithasol yr wythnos hon i’r cyhoedd beidio ag ymdrochi yn y môr oherwydd llygredd! 

Cododd y Cynghorydd Davies bryder arall a oedd yn gysylltiedig â’r pryder uchod, sef lefelau uchel o ffosffadau yn afon Teifi a’r afonydd / nentydd sy’n llifo iddi.  Mae ceisiadau cynllunio sydd yn y llefydd hyn yn wynebu proses hir oherwydd rheolau Cyfoeth Naturiol Cymru.  Mae’n effeithio ar ddwy ran o dair o Geredigion.  Oni ddylai Dŵr Cymru a Chyfoeth Naturiol Cymru fod yn unioni’r sefyllfa yn hytrach na beio’r ffermwyr neu’r datblygwyr?

Cytunwyd y byddai Diana Davies yn archwilio cysylltiadau gyda Chyfoeth Naturiol Cymru ac yn nodi’r pryder hwn mewn cyfarfod o’r Bwrdd Gwasanaethau Cyhoeddus yn y dyfodol. 

       Cyflwynodd Lynne Walters gofnodion drafft cyfarfod y Bwrdd Gwasanaethau Cyhoeddus a gynhaliwyd ar 12 Gorffennaf 2021, adroddiad pob un o Grwpiau Prosiect y Bwrdd Gwasanaethau Cyhoeddus ac Adroddiad Blynyddol Cynllun Llesiant Lleol Ceredigion ar gyfer 2020-2021.

Roedd llawer o gwestiynau ac fe’u hatebwyd yn eu tro gan y Swyddogion.  Tynnwyd sylw at y ffaith hefyd bod Bwrdd Gwasanaethau Cyhoeddus Ceredigion ar hyn o bryd yn cynnal ymarfer ymgysylltu er mwyn i’r wybodaeth honno fod yn sail i’r Asesiad Llesiant Lleol nesaf. Maent am gasglu gwybodaeth am lesiant pobl a chymunedau lleol, yn awr ac i’r dyfodol.  Gall llawer o bethau ddylanwadu ar lesiant unigolion a chymunedau, megis ffactorau economaidd, cymdeithasol, amgylcheddol a diwylliannol.  Mae gwybodaeth am yr ymgysylltiad wedi ei hanfon at bob Cynghorydd, Cyngor Cymuned a Chyngor Tref a rhanddeiliaid eraill er mwyn iddynt gyfrannu. Y dyddiad cau ar gyfer ymateb i’r Holiadur Llesiant Rhanbarthol yw 8 Hydref 2021. 

       Yn dilyn trafodaeth, gofynnwyd i Aelodau’r Pwyllgor ystyried yr argymhellion canlynol:

Croesawyd Michael Smith i gyflwyno’r adroddiad. 

       Yn dilyn trafodaeth, gofynnwyd i Aelodau’r Pwyllgor dderbyn a chefnogi Adroddiad Monitro’r Cynllun Cydraddoldeb Strategol rhwng mis Ebrill 2020 a mis Mawrth 2021 a gwneud argymhellion fel y bo’n briodol pan gyflwynir yr adroddiad i’r Cabinet ar 5 Hydref 2021. 

       Cytunodd yr aelodau i dderbyn Adroddiad Monitro’r Cynllun Cydraddoldeb Strategol rhwng mis Ebrill 2020 a mis Mawrth 2021 ac awgrymwyd y dylai’r Cabinet ei gefnogi fel y’i cyflwynwyd. 

       Diolchodd y Cadeirydd i Michael Smith am fynychu’r cyfarfod ac am ei gyflwyniad.

Croesawyd Rob Starr ac Alison Hodgson i’r cyfarfod.  Cyflwynodd Rob Starr Adroddiad Blynyddol Amcanion Llesiant a Gwella 2020/2021.

      Yn dilyn trafodaeth, cytunodd yr Aelodau ar Fersiwn Ddrafft Adroddiad Blynyddol yr Amcanion Llesiant a Gwella am y flwyddyn 2020-2021 cyn iddo gael ei ystyried gan y Cabinet a’r Cyngor.    

      Diolchodd y Cadeirydd i Rob Starr ac Alison Hodgson am fynychu’r cyfarfod ac am eu cyflwyniad. 

Croesawodd y Cadeirydd Elin Prysor a Hannah Rees i’r cyfarfod  Cyflwynodd Hannah yr adroddiad gan hysbysu aelodau’r pwyllgor na fu unrhyw weithgarwch RIPA gan unrhyw un o wasanaethau’r Cyngor yn ystod y cyfnod rhwng  1 Rhagfyr 2020 a 12 Awst 2021.  Mae Swyddogion Awdurdodi wedi cadarnhau nad ydynt wedi ystyried unrhyw geisiadau RIPA yn ystod y cyfnod hwn.  Cyfeiriodd Hannah at Bolisi Corfforaethol a Dogfen Weithdrefnu RIPA (dogfen ddrafft – atodiad 1 papurau’r agenda) sy’n cynnig crynodeb o’r newidiadau arfaethedig.  Yna, cyfeiriodd yr Aelodau at Bolisi Cyfryngau Cymdeithasol RIPA (atodiad 2 papurau’r agenda) a defnyddio’r rhyngrwyd/y cyfryngau cymdeithasol. 

      Yn dilyn trafodaeth, gofynnwyd i Aelodau’r Pwyllgor ystyried yr argymhellion canlynol:

1.    Nodi cynnwys yr Adroddiad;

2.    Nodi na fu unrhyw weithgarwch RIPA gan unrhyw un o wasanaethau’r Cyngor yn ystod y cyfnod rhwng 1 Rhagfyr 2020 a 12 Awst 2021; a

3.    Nodi cynnwys fersiwn ddiwygiedig ddrafft y Polisi Corfforaethol a Dogfen Weithdrefnau RIPA (Atodiad 1) a’r Polisi Cyfryngau Cymdeithasol RIPA drafft (Atodiad 2), ac yn argymell bod y Cyngor yn cymeradwyo’r dogfennau hyn.   

Cytunodd Aelodau’r Pwyllgor i (1) nodi cynnwys yr adroddiad (2) nodi na fu unrhyw weithgarwch RIPA gan unrhyw un o wasanaethau’r Cyngor yn ystod y cyfnod rhwng 1 Rhagfyr 2020 a 12 Awst 2021; a; (3) nodi cynnwys fersiwn ddiwygiedig ddrafft y Polisi Corfforaethol a Dogfen Weithdrefnau RIPA Corfforaethol a’r  Polisi Cyfryngau Cymdeithasol RIPA drafft ac yn argymell bod y Cyngor yn cymeradwyo’r dogfennau fel y’u cyflwynwyd.   

Diolchodd Elin Prysor i Hannah am y gwaith yr oedd hi wedi ei wneud ers iddi ddechrau yn ei swydd 12 mis yn ôl.  Diolchodd Hannah i Elin am ei geiriau caredig a diolchodd hefyd i  Alun Williams, Swyddog Arweiniol Corfforaethol ac Anne-Louise Davies, Swyddog Safonau Masnach am eu cyfraniad a’u cymorth.. 

Diolchodd y Cadeirydd i Elin Prysor a Hannah Rees am fynychu’r cyfarfod ac am gyflwyno’r adroddiad.

Croesawyd Cyfarwyddwr Statudol y Gwasanaethau Cymdeithasol, Sian Howys, i gyflwyno’r Adroddiad Diogelu am chwarter 4, 2020/2021.

      Yn dilyn trafodaeth, cytunodd Aelodau’r Pwyllgor i nodi cynnwys yr adroddiad a lefel y gweithgarwch yn yr Awdurdod Lleol, fel bod y modd y trefnir ac y rheolir gweithgarwch yr Awdurdod Lleol a’r asiantaethau partner yn cael ei fonitro. 

      Manteisiodd y Cadeirydd ar y cyfle i ddiolch i’r tîm am eu gwaith gwerthfawr a pharhaus yn ystod y pandemig.  Ategwyd hyn gan Aelodau’r Pwyllgor.

          Diolchodd y Cadeirydd hefyd i Sian Howys am fynychu’r cyfarfod ac a

Darparodd Cadeiryddion pob Pwyllgor wybodaeth yn eu tro am y Pwyllgor Trosolwg a Chraffu y maen nhw’n eu cadeirio. 

      Yn dilyn trafodaeth, cytunwyd i roi ystyriaeth i Gasglu Gwastraff yng nghyfarfod y Pwyllgor Cymunedau Ffyniannus ym mis Ionawr 2022. 

Cynigiodd y Cynghorydd Bryan Davies fod cofnodion cyfarfod y Pwyllgor Cydlynu  a gynhaliwyd ar 16 Mehefin 2021 yn gofnod cywir o’r cyfarfod ac eiliodd y Cynghorydd Dan Potter ei gynnig.  Nid oedd unrhyw faterion yn codi o’r cofnodion hynny.