Agenda a chofnodion drafft

Ymddiheurodd Ms Carol Edwards a Ms Llinos James am na fedrent ddod i’r cyfarfod.

Dim.

Mae’r Swyddog Monitro wedi penderfynu bod Categori 8 o’r Rheolau

Gweithdrefnau Mynediad at Wybodaeth yn berthnasol i’r adroddiad

canlynol (atodiad 3 a 4 o eitem 4). Ar ôl ystyried darpariaeth Rheol 11.8 Rheolau

Mynediad at Wybodaeth y Cyngor, ei barn ar brawf lles y cyhoedd oedd y

byddai gwneud y wybodaeth hon yn gyhoeddus yn datgelu gwybodaeth ar

unigolyn penodol ac y byddai’n caniatáu i wybodaeth fynd i’r parth

cyhoeddus cyn i’r unigolyn gael cyfle i gyflwyno sylwadau yn ei chylch.

Mae’r ffactorau hyn yn ei barn hi yn drech na’r budd o ddatgelu’r

wybodaeth i’r cyhoedd ar hyn o bryd.

Gofynnwyd i aelodau ystyried y ffactorau hyn wrth benderfynu ar y prawf

budd y cyhoedd, y mae’n rhaid iddynt benderfynu yn ei gylch wrth ystyried:

• a ddylai’r eitem eithriedig barhau i fod wedi’i heithrio, ac

• a ddylid gwahardd y cyhoedd o’r cyfarfod.

Roedd y Dirprwy Swyddog Monitro wedi penderfynu bod Categori 8 Gorchymyn Mynediad at Wybodaeth (Amrywio) (Cymru) 2007 yn berthnasol i'r adroddiad a ganlyn (atodiad 3 a 4 o eitem 4). Ei barn ar brawf lles y cyhoedd (ar ôl ystyried darpariaethau Rheol 11.8 o Reolau Mynediad at Wybodaeth y Cyngor) oedd y byddai gwneud y wybodaeth hon yn gyhoeddus yn datgelu gwybodaeth yn ymwneud ag unigolyn penodol ac yn caniatáu i wybodaeth ddod yn gyhoeddus cyn bod yr unigolyn wedi cael cyfle i wneud sylwadau yn ei chylch. Roedd y ffactorau hyn yn ei barn hi yn drech na lles y cyhoedd wrth ddatgelu'r wybodaeth ar hyn o bryd.

Gofynnwyd i'r aelodau ystyried y ffactorau hyn wrth benderfynu ar brawf lles y cyhoedd, y mae’n rhaid iddynt benderfynu arno wrth ystyried a:

•       ddylai'r eitem eithriedig barhau i fod wedi’i heithrio, ac

•       a ddylid gwahardd y cyhoedd a'r wasg o'r cyfarfod.

CYTUNODD y Pwyllgor:

i)        bod prawf lles y cyhoedd o gynnal yr eithriedig wedi'i fodloni.

ii)      y dylai atodiad 3 a 4 o eitem 4 barhau i fod yn eithriedig.

iii)     i wahardd y cyhoedd a’r wasg o’r Pwyllgor yn ystod ystyriaeth o’r fath, yn unol â Rhan 4 o Atodlen 12A i Ddeddf Llywodraeth Leol 1972 fel y’i diwygiwyd gan Orchymyn Mynediad at Wybodaeth (Amrywio) (Cymru) 2007.

Nid yw atodiad 3 a 4 sy’n ymwneud â’r eitem uchod i’w gyhoeddi gan ei fod yn cynnwys gwybodaeth eithriedig fel y’i diffiniwyd ym mharagraff 12 Ran 4 o Atodlen 12A i Ddeddf Llywodraeth Leol 1972 fel y’i diwygiwyd gan Lywodraeth Leol (Mynediad at Wybodaeth) (Amrywio) (Cymru) 2007. Os bydd y Cyngor, ar ôl cymhwyso’r Prawf Lles y Cyhoedd yn penderfynu ystyried yr eitem hon yn breifat, bydd y cyhoedd a’r wasg yn cael eu gwahardd o’r cyfarfod yn unol ag Adran 100B(2) o’r Ddeddf.

Wrth ddelio â’r eitemau, gofynnir i Aelodau ystyried a ddylid gwahardd y cyhoedd a’r wasg o’r Cyfarfod.

Nid oedd atodiad 3 a 4 sy’n ymwneud â’r eitem uchod i’w gyhoeddi gan ei fod yn cynnwys gwybodaeth eithriedig fel y’i diffinnir ym mharagraff 12 o Ran 4 o Atodlen 12A i Ddeddf Llywodraeth Leol 1972 fel y’i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007.

CYTUNODD y Pwyllgor:

(i)         mai'r gweithdrefnau sydd i'w mabwysiadu gan y Pwyllgor Moeseg a Safonau wrth gyflawni ei swyddogaethau a gwneud ei benderfyniad yw'r rheini sydd wedi’u hymgorffori yn Rhan 5 Dogfen S o Gyfansoddiad Cyngor Sir Ceredigion, sydd ynghlwm wrth yr Adroddiad hwn (Atodiad 1).

(ii)        i ystyried adroddiad Ombwdsmon y Gwasanaethau Cyhoeddus yn dwyn dyddiad 12 Ionawr 2024 (Atodiad 3), mewn perthynas â Chynghorydd, a

(iii)       i wneud ei benderfyniad cychwynnol yn unol â Rheoliad 7 o Reoliadau Ymchwiliadau Llywodraeth Leol (Swyddogaethau Swyddogion Monitro a Phwyllgorau Safonau (Cymru) 2001).

Rheswm dros y penderfyniad:

Cydymffurfio â’r gofynion o dan Reoliadau Ymchwiliadau Llywodraeth Leol (Swyddogaethau Swyddogion Monitro a Phwyllgorau Safonau) (Cymru) 2001.

Gadawodd y Pwyllgor i drafod yn breifat.

Roedd y Dirprwy Swyddog Monitro yn bresennol i gynghori'r Pwyllgor.

Yn dilyn trafodaethau gan y Pwyllgor, dychwelodd y Pwyllgor, y cyhoedd, y wasg a Swyddogion i’r sesiwn gyhoeddus.

Cadarnhaodd y Cadeirydd fod y Pwyllgor wedi PENDERFYNU fel a ganlyn:

Eitem 4:

1)    ar ôl ystyried Adroddiad Ymchwiliad yr Ombwdsmon yn dwyn dyddiad 12 Ionawr 2024 (Atodiad 3) bod tystiolaeth a allai fod yn gyfystyr â methiant i gydymffurfio â’r cod ymddygiad i roi cyfle i’r Cynghorydd Sir gyflwyno sylwadau, naill ai ar lafar neu’n ysgrifenedig mewn cyfarfod yn y dyfodol mewn perthynas â chanfyddiadau’r ymchwiliad ac unrhyw honiad ei fod ef neu hi wedi methu, neu y gallai fod wedi methu, â chydymffurfio â’r cod ymddygiad yn unol â’r gweithdrefnau a fabwysiadwyd uchod.

Rheswm dros y penderfyniad:

Cydymffurfio â'i rwymedigaethau yn unol â Rheoliad 7 (b) o Reoliadau Ymchwiliadau Llywodraeth Leol (Swyddogaethau Swyddogion Monitro a Phwyllgorau Safonau) (Cymru) 2001.

2)    rhoi pŵer dirprwyedig i'r Dirprwy Swyddog Monitro, mewn ymgynghoriad â'r Cadeirydd, i gadarnhau dyddiad gwrandawiad terfynol, gan ystyried yr ymatebion gan y Cynghorydd (a'r Swyddog Ymchwilio os oes angen) ar argaeledd.

Rheswm dros y penderfyniad:

Cydymffurfio â’i rwymedigaethau o dan Reoliadau Ymchwiliadau Llywodraeth Leol (Swyddogaethau Swyddogion Monitro a Phwyllgorau Safonau) (Cymru) 2001.

Miss C Davies (Cadeirydd)

Pwyllgor Moeseg a Safonau Cyngor Sir Ceredigion