Agenda a chofnodion drafft

Ymddiheurodd y Cynghorydd Endaf Edwards am ei anallu i fynychu'r cyfarfod.

Dim.

Dim.

PENDERFYNWYD cadarnhau cofnodion y cyfarfod a gynhaliwyd ar 31 Mai 2024 fel rhai cywir.

 

Nid oedd unrhyw faterion yn codi.

 

Cyflwynodd Nia Jones, Rheolwr Corfforaethol Gwasanaethau Democrataidd yr adroddiad i'r pwyllgor gan nodi bod 57 o fodiwlau e-ddysgu ar gael ar hyn o bryd i'r holl staff ac Aelodau, sy'n ategu cyfres gynhwysfawr o tua 100 o ddigwyddiadau hyfforddi wyneb yn wyneb sydd wedi'u trefnu ar gyfer Aelodau.  Nodwyd y modiwlau e-ddysgu sy'n orfodol i bob aelod o staff, ac ystyriodd yr Aelodau y categorïau arfaethedig gorfodol, blaenoriaeth, dymunol a’r rhai nad yw'n hanfodol i Aelodau.

 

Yn ystod y drafodaeth, nododd yr Aelodau fod y modiwl e-ddysgu ar gyfer 'Ymwybyddiaeth o'r Cyfryngau Cymdeithasol' wedi'i gynnwys yn y rhestr orfodol yn dilyn argymhelliad gan y Pwyllgor Moeseg a Safonau bod pob Aelod yn cwblhau'r hyfforddiant hwn.  Argymhellodd yr aelodau hefyd y dylid cynnwys modiwl e-ddysgu 'Cyllid Llywodraeth Leol' yn y categori gorfodol yn hytrach na'r rhestr flaenoriaeth.

 

Yn dilyn trafodaeth, PENDERFYNWYD argymell bod y Cyngor yn cymeradwyo:

 

a) Bod y modiwlau e-ddysgu canlynol yn orfodol, i'w cwblhau gan bob aelod

- Iechyd a Diogelwch

- ATAL

- Diogelu Data Personol

- Diogelu Plant ac Oedolion – Grŵp A

- Trais yn erbyn menywod

- Chwythu'r chwiban

- Rhianta Corfforaethol

- Cydraddoldeb ac Amrywiaeth – Aelodau Etholedig

- Ymwybyddiaeth o'r Cyfryngau Cymdeithasol

- Cyllid Llywodraeth Leol

 

b) bod y modiwlau e-ddysgu canlynol yn flaenoriaeth, ac y dylai pob aelod geisio eu cwblhau

- Cyflwyniad i Lywodraethu Corfforaethol

- Moeseg a Safonau

- Safonau'r Gymraeg

- Arweinyddiaeth Gymunedol a Gwaith Achos

- Craffu Effeithiol

- Cadeirio cyfarfodydd yn effeithiol

- Llywodraethu, Archwilio a Rheoli Risg

- Deddf Llesiant Cenedlaethau'r Dyfodol – Aelodau Etholedig

- Cyflwyniad i Gynllunio

- Cynllunio ar gyfer Pwyllgorau Cynllunio

- Deddf Gwasanaethau Cymdeithasol a Llesiant

- Cyflwyniad i Drwyddedu

- Siarad Cyhoeddus a Gweithio gyda'r Cyfryngau

- Diogelu Data

- Ymwybyddiaeth o'r Gymraeg

 

c) Bod y modiwlau e-ddysgu canlynol yn ddymunol:

- Gofyn a Gweithredu - Plant a Phobl Ifanc

- Cysylltu â Charedigrwydd

- Offer Arddangos Sgrîn

- Diogelwch gwybodaeth

- Amddiffyn unigolion sydd mewn perygl o droseddau bregusrwydd

 

Cyflwynodd Lowri Edwards, Swyddog Arweiniol Corfforaethol, Gwasanaethau Democrataidd yr adroddiad i'r Pwyllgor gan nodi bod cais wedi dod i law gan Aelodau i lunio protocol drafft i'w ystyried gan Aelodau'r Pwyllgor Gwasanaethau Democrataidd.  Nodwyd bod Swyddogion Gwasanaethau Democrataidd wedi ymgynghori â'r Tîm Iechyd a Diogelwch i gael cyngor ynghylch allanfeydd tân a chapasiti, a bod y protocol wedi'i ddatblygu gan ystyried y ddeddfwriaeth bresennol a'r dulliau amgen o fynychu a gwylio cyfarfodydd pwyllgorau, preifatrwydd i aelodau'r cyhoedd, capasiti, cyfleusterau cyfieithu, diogelwch cynghorwyr ac ymddygiad.

 

Nododd Lowri Edwards fod y protocol eisoes wedi'i rannu gyda Heddlu Dyfed-Powys i roi sylwadau a'u bod wedi cadarnhau eu bod yn fodlon â'i gynnwys a'i fod yn ymdrin â'r holl feysydd perthnasol.  Roedd ymarfer mewn mannau eraill hefyd wedi cael eu hadolygu, gan gynnwys rhai'r Senedd a Senedd y DU.

 

Nodwyd hefyd bod llawer o elfennau'r protocol eisoes wedi'u cynnwys yng Nghyfansoddiad y Cyngor, gan gynnwys cael gwahardd aelodau'r cyhoedd.

 

Nododd yr Aelodau fod dyluniad pensaernïol hanesyddol y Siambr yn adlewyrchu anghenion y Cynghorwyr yn hytrach na'r cyhoedd, ac nad oedd ganddo oriel gyhoeddus effeithiol ac y byddai'n rhaid gweithio oddi mewn i’r cyfyngiadau hyn er mwyn sicrhau diogelwch pawb sy'n mynychu.  Ystyriwyd yr arfer mewn mannau eraill megis archebu lle ymlaen llaw a nodwyd nad oedd gan y Pwyllgor Gwasanaethau Democrataidd y capasiti i gefnogi trefniant o'r fath. Nodwyd hefyd fod yr opsiwn i aelodau'r cyhoedd wylio cyfarfodydd o bell wedi cyfrannu at hygyrchedd i aelodau'r cyhoedd.

 

Nododd yr Aelodau nad oes rhwystr rhwng yr ardal gyhoeddus a'r Aelodau ac argymhellwyd y dylai pob aelod o'r cyhoedd a oedd yn mynychu cyfarfod fod yn eistedd. Fe wnaethant hefyd nodi eu pryder o ran eu diogelwch personol, a diogelwch pawb sy'n mynychu cyfarfod ar adegau lle'r oedd y capasiti a argymhellir ar gyfer y Siambr wedi'i rhagori, a sut y gellid rheoli hyn.  Nododd yr Aelodau eu bod yn dymuno ystyried y mater ymhellach a gofynnwyd i'r adroddiad gael ei ailgyflwyno yng nghyfarfod nesaf y Pwyllgor Gwasanaethau Democrataidd.

 

Yn dilyn trafodaeth,  PENDERFYNWYD gohirio'r mater i gyfarfod nesaf y Pwyllgor Gwasanaethau Democrataidd.

Cynigiwyd yr eitemau canlynol i'w cynnwys yn y Rhaglen Gwaith i'r dyfodol:

 

- Cynrychiolaeth ar gyrff allanol

- Adolygiad o'r protocol presenoldeb o bell peilot ar gyfer y Pwyllgor Gwasanaethau Democrataidd a'r Pwyllgor Llywodraethu ac Archwilio

- Defnyddio Deallusrwydd Artiffisial

- Paratoadau yn dilyn etholiadau lleol 2027.

 

Dim.