Agenda a Chofnodion

Roedd y Cynghorydd Marc Davies ynghyd â Mrs Elizabeth Upcott a Mr Timothy Bray wedi ymddiheuro am nad oedd modd iddynt fod yn y cyfarfod.

Dim.

Cyflwynodd Arweinydd y Cyngor, y Cynghorydd Bryan Davies, yr adroddiad

ynghylch CONTEST - Strategaeth Gwrthderfysgaeth Llywodraeth y DU. Cyflwynwyd yr adroddiad i’r Aelodau i roi’r wybodaeth ddiweddaraf am y trefniadau sydd ar waith i gyflawni strategaeth CONTEST yng Ngheredigion a ledled y rhanbarth ac yn genedlaethol. Hefyd, i fod yn ymwybodol o gyfraniad staff y Cyngor yn y gwaith pwysig hwn.

CYTUNWYD i nodi’r diweddariad a roddwyd.

Cyflwynodd Arweinydd y Cyngor, y Cynghorydd Bryan Davies, yr adroddiad a thynnodd sylw at y canlynol:

• Rhan 6 o Ddeddf Llywodraeth Leol ac Etholiadau (Cymru) 2021
• Prif bwyntiau’r broses Hunanasesu
• Proses amlinellol Hunanasesu
• Trywydd Ymholi Allweddol
• Ymarfer Myfyriol
• Llinell Amser
• Cylch Etholiadol 2022-27
• Integreiddio gyda’r Fframwaith Perfformiad
• Datganiad Polisi Rheoli Perfformiad
• Beth mae'n ei olygu i’r Pwyllgor Cydlynu Trosolwg a Chraffu?

Mynegwyd y canlynol:

• Gofynnwyd am eglurhad o ran pwy fyddai’n archwilio’r archwilydd a beth fyddai’r broses apelio yn dilyn yr asesiadau hyn. Mewn ymateb, dywedwyd mai proses hunanasesu oedd hon. Bydd llawer iawn o dystiolaeth berthnasol ac ategol yn cael ei chasglu i gydymffurfio â gofynion yr asesiad, yn unol â’r Cynllun Gweithredu. Ar ôl ei gwblhau, cyflwynir yr asesiad drafft i'r Pwyllgor Llywodraethu ac Archwilio er mwyn iddo bwyso a mesur yr adroddiad ac ystyried argymhellion, cyn i'r Cabinet ei gymeradwyo.
• Y gallai hunanasesiad blynyddol y Pwyllgorau Trosolwg a Chraffu hefyd fwydo i mewn i'r hunanasesiad hwn. Anogwyd yr Aelodau i ymateb i’r asesiad hwn mewn ffordd agored a thryloyw er mwyn datrys unrhyw anawsterau.
• Bod Cadeiryddion yr holl Bwyllgorau Trosolwg a Chraffu yn mynychu cyfarfodydd Chwarterol y Bwrdd Perfformiad a oedd ar fin ailddechrau, er mwyn iddynt ystyried unrhyw faterion/risgiau perthnasol ar gyfer eu Blaenraglenni Gwaith. Adroddwyd bod y cyfarfodydd hyn yn rhoi trosolwg o'r Cyngor yn ei gyfanrwydd.

CYTUNWYD i gymeradwyo Datganiad drafft y Polisi Rheoli Perfformiad a’r trefniadau Hunanasesu Perfformiad (yn unol â gofynion Deddf Llywodraeth Leol ac Etholiadau (Cymru) 2021).

Cyflwynodd Arweinydd y Cyngor, y Cynghorydd Bryan Davies, yr adroddiad ar gyfarfodydd Bwrdd Gwasanaethau Cyhoeddus Ceredigion a gynhaliwyd ar 18 Tachwedd 2021 a 7 Mawrth 2022, a’r Asesiad o Lesiant Lleol.

CYTUNWYD:

(i) i dderbyn cofnodion drafft cyfarfodydd Bwrdd Gwasanaethau Cyhoeddus Ceredigion a gynhaliwyd ar 18 Tachwedd 2021 a 7 Mawrth 2022;

(ii) i dderbyn yr Asesiad o Lesiant Lleol Ceredigion;

(iii) bod yr Aelodau yn annog y Cynghorau Tref a Chymuned i lenwi arolwg ymgysylltu Cynllun Llesiant Lleol y Bwrdd Gwasanaethau Cyhoeddus (roedd y Cynghorau Tref a Chymuned wedi derbyn yr holiadur drwy e-bost).

Roedd y Cynghorydd Alun Williams, Dirprwy Arweinydd y Cyngor gyda chyfrifoldeb dros Gydol Oes a Llesiant, wedi cyflwyno’r papur ar Adroddiad Diogelu Grŵp Gweithredol Lleol ar y Cyd CYSUR/CWMPAS, Chwarteri 2 a 3 2021-22.

Yn dilyn cwestiynau o’r llawr, CYTUNWYD i nodi cynnwys yr adroddiad a’r gweithgarwch sy’n digwydd yn yr Awdurdod Lleol.

Rhoddwyd ystyriaeth i gofnod penderfyniadau Grwp Rheoli Aur Covid-19.

CYTUNWYD i nodi cynnwys cofnod penderfyniadau Grŵp Rheoli Aur Covid-19 ar gyfer ei gyfarfodydd yn y cyfnod rhwng 1 Ionawr 2022 a 31 Mawrth 2022, fel y’i cyflwynwyd.

CYTUNWYD i gadarnhau cofnodion y cyfarfod blaenorol.

CYTUNWYD i nodi’r Flaenraglen Waith Ddrafft fel y’i cyflwynwyd.

Dim.