Agenda a Chofnodion

Roedd y Cynghorwyr Ceredig Davies a Maldwyn Lewis wedi ymddiheuro am nad oedd modd iddynt ddod i’r cyfarfod.     

Roedd y Cynghorydd Paul Hinge wedi ymddiheuro am nad oedd modd iddo ddod i’r cyfarfod oherwydd ei fod yn ymgymryd â dyletswyddau eraill y Cyngor.         

Croesawodd y Cadeirydd bawb i’r cyfarfod.

. 

Dim.

PENDERFYNWYD cadarnhau bod cofnodion y cyfarfod a gynhaliwyd ar 10 Awst 2021 yn gywir.              

           Materion yn codi

           Dim.

Trafodwyd adroddiad Swyddog Arweiniol Corfforaethol – yr Economi ac Adfywio ynghylch y ceisiadau cynllunio a ganlyn a drafodwyd yn un o gyfarfodydd blaenorol y Pwyllgor ac yr oedd angen iddo eu hystyried ymhellach:-                      

A201050 Codi annedd, gan gynnwys gosod mynedfa i gerbydau a gwaith trin carthion, Tir wrth ymyl Awel y Mynydd, Pisgah, Aberystwyth

GOHIRIO’R penderfyniad ar y cais i ganiatáu mwy o amser neu ‘gyfnod callio’ er mwyn ystyried y pwyntiau a godwyd gan yr Aelodau, ystyried arwyddocâd y gwyriad ac ystyried y risgiau cyn adrodd yn ôl wrth y Pwyllgor.                      

           Rheswm:

Sicrhau bod y Pwyllgor yn cael mwy o gyngor am arwyddocâd y gwyriad a’r risgiau cyn gwneud penderfyniad terfynol.       

Pwyllgor yn unol â’r atodiad dros dro i’r weithdrefn weithredol sy’n caniatáu i’r cyhoedd annerch y Pwyllgor Rheoli Datblygu yn sgil Covid-19.                            

A210522 Cynnig i godi annedd sengl newydd, Tir i’r gogledd o Dŷ Blaencwm, Brynhoffnant, Llandysul, Ceredigion, SA44 6ED 

CYMERADWYO’R cais yn ddibynnol ar amodau ac yn ddibynnol hefyd ar gytundeb cyfreithiol Adran 106 a fydd yn sicrhau swm gohiriedig o 10% o werth y datblygiad ar y farchnad agored yn unol â gofynion polisi S05 (Tai Fforddiadwy) o’r Cynllun Datblygu Lleol mabwysiedig.                         

           Roedd yr Aelodau’n tybio bod modd cymeradwyo’r cais am y   rhesymau a ganlyn:-           

·         Roedd yr Aelodau’n cydnabod bod y safle mewn anheddiad cyswllt ac felly ei fod yn bodloni gofynion Cynllun Datblygu Lleol Ceredigion

·         Oherwydd prinder caniatadau yn yr anheddiad cyswllt, roedd modd cymeradwyo’r cais

·         Roedd prinder darpariaeth tai yng Nghanolfan Gwasanaeth Gwledig Aberporth / Parcllyn hefyd yn rheswm dros ganiatáu’r datblygiad

·         Roedd yr annedd arfaethedig gerllaw anheddiad

·         Roedd yr annedd y drws nesaf i anheddau eraill sy’n cael eu codi ar hyn o bryd

·         Gellid tybio ei bod yn rhy gynnar i gymeradwyo’r cais hwn, ond mae angen yr annedd hon ar hyn o bryd

·         Mae’r ymgeisydd sydd am godi’r annedd arfaethedig wedi buddsoddi’n helaeth mewn dau fusnes ym Mrynhoffnant sy’n cynorthwyo’r economi leol, ac mae hefyd yn ymlynu wrth bolisi’r Cyngor Sir a Pholisi Cynllunio Cymru o ran hyrwyddo busnesau mewn ardaloedd gwledig

·         Roedd angen i’r ymgeisydd fyw gerllaw ei fusnesau am resymau diogelwch

·         Roedd yr annedd wedi’i lleoli mewn pentref cynaliadwy sy’n darparu gwasanaethau i’r gymuned ehangach hefyd

PENDERFYNWYD nodi’r rhestr o geisiadau cynllunio y bu i Swyddog Arweiniol Corfforaethol – yr Economi ac Adfywio ymdrin â nhw        

Nodwyd y penderfyniadau a oedd wedi dod i law o ran apeliadau cynllunio.