Agenda a Chofnodion

      Croesawodd y Cadeirydd bawb i’r cyfarfod.

   Roedd y Cynghorydd Gwyn James wedi ymddiheuro am nad oedd modd iddo ddod i’r cyfarfod.

Dywedodd y Cynghorwyr Rhodri Evans a Dai Mason y byddent yn gadael y cyfarfod yn gynnar oherwydd bod ganddynt ymrwymiadau eraill.

Dim.

PENDERFYNWYD cadarnhau bod cofnodion y cyfarfod a gynhaliwyd ar 12 Ionawr 2022 yn gywir.              

           Materion yn codi

           Dim.

 Trafodwyd adroddiad Swyddog Arweiniol Corfforaethol – yr Economi ac Adfywio ynghylch y ceisiadau cynllunio a ganlyn a drafodwyd yn un o gyfarfodydd blaenorol y Pwyllgor ac yr oedd angen iddo eu hystyried ymhellach:-                      

A210615 Llain adeiladu arfaethedig ar gyfer un annedd, gyda mynedfa newydd at y briffordd, Llain wrth ymyl Dolau Gwyn, Dole, Bow Street, Aberystwyth

GOHIRIO’R penderfyniad ar y cais yn ddibynnol ar gwblhau cytundeb Adran 106 ar gyfer annedd fforddiadwy, derbyn Asesiad o Ganlyniadau Llifogydd gan Gyfoeth Naturiol Cymru, a chytuno ar annedd lai o faint, gan ganiatáu i Swyddog Arweiniol Corfforaethol – yr Economi ac Adfywio GYMERADWYO’R cais os yw’r ymgeisydd yn cytuno â’r amodau a’i WRTHOD os na ellir dod i gytundeb. 

          ________________________________________________________________________

         A210722 Byngalo ymddeol arfaethedig, Garej Bayview, Parc-llyn, Aberteifi

GOHIRIO’R penderfyniad ar y cais am fis er mwyn ystyried gwybodaeth bellach a gyflwynwyd gan yr ymgeisydd ers y cyfarfod diwethaf am nad oedd pob swyddog na phob Aelod wedi cael cyfle i weld yr wybodaeth hon; hefyd, gofyn ar gais Swyddog Arweiniol Corfforaethol – yr Economi ac Adfywio i’r ymgeisydd a’r asiant ddarparu erbyn dydd Gwener yr wybodaeth gywir yr hoffent i’r swyddogion, y Grŵp Gorchwyl a Gorffen ac yna’r Pwyllgor ei hystyried o ran eu cais, a hynny oherwydd bod yr wybodaeth a ddarparwyd yn y cyfarfod hwn yn gwrthdaro â’r wybodaeth a ddarparwyd yn y cyfarfod blaenorol.                                                                         

            ________________________________________________________________________

        Trafodwyd adroddiad Swyddog Arweiniol Corfforaethol – yr Economi ac Adfywio ynghylch ceisiadau datblygu, hysbysebu, statudol a’r awdurdod lleol:-

A210966 Addasu dwy ysgubor yn llety gwyliau (Newid Defnydd) a chadw’r gwaith a wnaed hyd yma a’i gwblhau, ynghyd â darparu ardal barcio allanol ar fuarth y fferm i wasanaethu’r unedau, Fferm Pengarreg, Llanilar, Aberystwyth                          

Nodi bod y cais WEDI’I DYNNU YN ÔL.

_____________________________________________________________________

          A210997 Cadw dau gaban gwyliau pren a gwella’r briffordd i ddarparu lôn fynediad at y safle, gan gynnwys dwy gilfan basio a gwelliannau i’r gyffordd. Fferm Pengarreg, Llanilar, Aberystwyth

          Nodi bod y cais WEDI’I DYNNU YN ÔL.

          _____________________________________________________________

PENDERFYNWYD nodi’r rhestr o geisiadau cynllunio y bu i Swyddog Arweiniol Corfforaethol – yr Economi ac Adfywio ymdrin â nhw.                    

Dim.