Agenda a Chofnodion

Roedd y Cynghorwyr Ifan Davies, Paul Hinge, Catherine Hughes, Gwyn James a Lyndon Lloyd MBE wedi ymddiheuro am nad oedd modd iddynt ddod i’r cyfarfod.          

Croesawodd y Cadeirydd bawb i’r cyfarfod.

Cynhaliwyd munud o dawelwch er cof am yr Arglwydd Elystan Morgan a oedd wedi marw’n ddiweddar

            Dim.

PENDERFYNWYD cadarnhau bod cofnodion y cyfarfod a gynhaliwyd ar 23 Mehefin 2021 yn gywir.

Materion yn codi

Dim.

Dim.

          Trafodwyd adroddiad Swyddog Arweiniol Corfforaethol – yr Economi ac Adfywio ynghylch ceisiadau datblygu, hysbysebu, statudol a’r awdurdod lleol:-

          A210230 Newid defnydd o C3 (annedd) i C4 (tŷ amlfeddiannaeth), 8 Bythynnod Gogerddan, Ffordd Penglais, Aberystwyth

        CYMERADWYO’R cais yn ddibynnol ar amodau.

          _____________________________________________________________

          A210283 Codi dwy annedd, Lleiniau 16 ac 17 Clos y Gwyddil, y Ferwig,           Aberteifi

CYMERADWYO’R cais yn ddibynnol ar amodau ac yn ddibynnol ar gytundeb cyfreithiol Adran 106 a fydd yn sicrhau swm gohiriedig o 10% yn gyfraniad at ddarparu tai fforddiadwy yn y sir, yn unol â darpariaeth polisi S05 y Cynllun Datblygu Lleol, gyda’r gwaith i gychwyn cyn pen 18 mis ar ôl dyddiad rhoi’r caniatâd.                                             

Nid oedd yr Aelodau’n cytuno ag argymhelliad y swyddogion ac roeddent yn tybio bod modd cymeradwyo’r cais am y rhesymau a ganlyn:-

·         Nid oedd datblygiadau eraill ar y gweill yn yr anheddiad cyswllt

·         Rhoddwyd caniatâd gwreiddiol dros ddeng mlynedd yn ôl ac fe godwyd 15 annedd; deg ar gyfer y farchnad agored a phum annedd fforddiadwy, sef 50% o’r datblygiad. Roedd y gyfran hon yn fwy na’r ddarpariaeth tai fforddiadwy sy’n ofynnol fel arfer

·         Roedd yr ystad hon yn ddelfrydol, gyda lle i ddwy annedd a fyddai’n cwblhau’r safle

·         Mae’r Aelod Lleol a Chyngor Cymuned y Ferwig yn cefnogi’r cais 

·         Ni ddylid rhoi cymaint o bwyslais ar y sylwadau dienw gan drydydd partïon a gyflwynwyd ar dudalen 14 o’r adroddiad; ac mae un gwrthwynebydd yn gwrthwynebu oherwydd y bydd yn colli’r golygfeydd, ac nid yw hon yn ystyriaeth gynllunio sylweddol

·         Ni chafwyd unrhyw wrthwynebiadau gan y Gwasanaethau Priffyrdd, Draenio Tir nac Ecoleg, Cyfoeth Naturiol Cymru, Diogelu Mwynau, na Dŵr Cymru, ac roedd yr adran honno o adroddiad y swyddog a oedd yn ymwneud ag amwynder preswyl ar dudalennau 15/16 yn eithriadol o gadarnhaol ac yn datgan y tybir bod y datblygiad arfaethedig yn dderbyniol yn ôl maen prawf 7 polisi DM06 y Cynllun Datblygu Lleol

·         Roedd yr unig wrthwynebiad yn seiliedig ar niferoedd a chanrannau ac, oherwydd y newid o ran anghenion a phroblemau tai’r sir, gan gynnwys ffosffadau yn Ardal Cadwraeth Arbennig Afon Teifi, roedd yr Aelodau’n tybio bod modd iddynt gefnogi’r cais hwn

·         Roedd nifer o ddadleuon perthnasol dros gefnogi’r cais yn groes i strategaeth dai’r Cynllun Datblygu Lleol, a gellir gweld y rhain ar dudalennau 16/17. Yn gryno, nodwyd y sylwadau a ganlyn:-

§  Mae dros wyth mlynedd wedi mynd heibio ers y penderfyniad apêl ac mae’r sefyllfa dai wedi newid

§  Adeiladwyd yr ystad mewn dau gam, gyda’r naill gam a’r llall wedi’u cwblhau’n gyflym i ateb galwadau’r farchnad

§  Roedd y tai o ansawdd uchel

§  Mae’r ystad wedi’i lleoli mewn anheddiad cyswllt diffiniedig ac mewn lleoliad cynaliadwy yn y pentref

§  Bydd y datblygiad yn dod â thai newydd am bris rhesymol i’r farchnad yn y Ferwig, a hynny gan ddatblygwr lleol dibynadwy sy’n cyflogi gweithwyr lleol

§  Mae cryn alw am gartrefi â phedair ystafell wely yn yr ardal, a’r rheini ar gael i deuluoedd lleol, felly gwnaed y cais hwn mewn ymateb  ...  Gweld y cofnodion lawn ar gyfer eitem 6.

PENDERFYNWYD nodi’r rhestr o geisiadau cynllunio y bu i Swyddog Arweiniol Corfforaethol – yr Economi ac Adfywio ymdrin â nhw.                           

CYTUNWYD i nodi’r apeliadau cynllunio a oedd wedi dod i law.