Agenda a Chofnodion

Roedd y Cynghorwyr Peter Davies a Catherine Hughes wedi ymddiheuro am nad oedd modd iddynt ddod i’r cyfarfod.

Croesawodd y Cadeirydd bawb i’r cyfarfod.

 

Estynnwyd llongyfarchion i’r Cynghorwyr Paul Hinge ac Ifan Davies ar gael eu penodi’n Gadeirydd ac yn Is-gadeirydd y Cyngor yn y Cyfarfod Blynyddol diweddar.

     

 

Bu i’r Cynghorydd Ifan Davies ddatgan buddiant personol a buddiant sy’n rhagfarnu yng nghais A200449

PENDERFYNWYD cadarnhau bod cofnodion y cyfarfod a gynhaliwyd ar 10 Mawrth 2021 yn gywir, yn ddibynnol ar nodi bod y Cyfreithiwr, Mrs Ffion Lloyd, yn bresennol yn y cyfarfod.

 

 

Trafodwyd adroddiad Swyddog Arweiniol Corfforaethol – yr Economi ac Adfywio ynghylch y ceisiadau cynllunio a ganlyn a drafodwyd yn un o gyfarfodydd blaenorol y Pwyllgor ac yr oedd angen iddo eu hystyried ymhellach:-                  

 

A200449 Codi dwy annedd ar gyfer y farchnad agored gyda mynediad i gerbydau, Tir wrth ymyl Maes Wyre, Llanrhystud, Aberystwyth               

 

CYMERADWYO’R cais gyda chytundeb cyfreithiol Adran 106 a fydd yn sicrhau cyfraniad ariannol o 10% o werth y datblygiad ar y farchnad agored i’w ddefnyddio tuag at ddarparu tai fforddiadwy yn y sir yn unol â pholisi S05 o’r Cynllun Datblygu Lleol mabwysiedig.                                        

 

Nid oedd yr Aelodau’n cytuno ag argymhelliad y swyddogion am y rhesymau a ganlyn:-

·         Roedd yr Aelodau’n teimlo bod yr ymgeisydd wedi lliniaru’r problemau a godwyd yn yr adroddiad o ran Parth Llifogydd C2 drwy ddarparu mapiau wedi’u diweddaru sy’n rhoi sicrwydd na fydd unrhyw lifogydd yn y lleoliad hwn ac, o’r herwydd, dylid caniatáu’r datblygiad.

·         Roedd Cyfoeth Naturiol Cymru hefyd wedi cytuno dros dro ar Barth B.

·         Roedd y lleoliad o fewn ffiniau’r pentref.

·          Nid oedd yr anheddau ar y safle ymgeisio wedi’u lleoli ym Mharth Llifogydd C2 ond mewn ardal a ddynodwyd fel Parth Llifogydd B, felly roedd yr Aelodau’n tybio ei bod yn ddiogel adeiladu yn y lleoliad hwnnw.

·          Pan gafwyd achos hanesyddol o lifogydd yn y pentref, dywedodd yr Aelod lleol nad oedd y llifogydd wedi effeithio ar yr ardal hon.

 

Trafodwyd adroddiad Swyddog Arweiniol Corfforaethol – yr Economi ac Adfywio ynghylch ceisiadau datblygu, hysbysebu, statudol a’r awdurdod lleol:-

 

Darllenwyd sylwadau ysgrifenedig Mr Iwan Thomas (Asiant) i’r Pwyllgor yn unol â’r atodiad dros dro i’r weithdrefn weithredol sy’n caniatáu i’r cyhoedd annerch y Pwyllgor Rheoli Datblygu yn sgil Covid-19. 

 

 

A200945 Dymchwel y bwthyn gwreiddiol a chodi annedd yn ei le, Penrhiw Cottage, Ciliau Aeron

 

          CYMERADWYO’R cais.

 

Nid oedd yr Aelodau’n cytuno ag argymhelliad y swyddogion ac roeddent yn tybio bod modd cymeradwyo’r cais am y rhesymau a ganlyn:-

 

·         Roedd y cais hwn yn gyfystyr â lles cynllunio oherwydd bydd yr annedd yn cael ei lleoli ymhellach oddi wrth y ffordd

·         Roedd ôl troed o 140 metr sgwâr yn dderbyniol gan mai annedd ar gyfer y farchnad agored ydoedd

·         Ym marn yr Aelodau, roedd y cais yn cydymffurfio â pholisïau LU09 a DM06 oherwydd bydd yr ymgeisydd yn ailddefnyddio deunyddiau’r bwthyn gwreiddiol i adeiladu’r annedd newydd, a bydd yr annedd, felly, yn annedd gyfnewid

·         Roedd yn edrych i raddau helaeth fel annedd oherwydd bod ffenestr ac waliau ar y walblat; roedd hyn yn wahanol i farn y swyddogion.

 

 

          _____________________________________________________________

 

A200958 Cynnig i godi annedd ac ardal barcio, 3 Pen y Cei, Ffordd Felin-y-môr, Trefechan

 

CYMERADWYO’R cais yn ddibynnol ar amodau a chytundeb cyfreithiol Adran 106 a fydd yn sicrhau swm gohiriedig o 10% i’w ddefnyddio tuag at ddarparu tai fforddiadwy yn y sir, yn unol â darpariaeth polisi S05 o’r Cynllun Datblygu Lleol.                                         

 

          _______________________________________________________________________

Darllenwyd sylwadau ysgrifenedig Mr Gareth Richards (Ymgeisydd) i’r Pwyllgor yn unol â’r atodiad dros dro i’r weithdrefn weithredol sy’n caniatáu i’r cyhoedd annerch y Pwyllgor Rheoli Datblygu yn sgil Covid-19. 

 

A200694 Newid defnydd uned wyliau rhif 5 yn llety rheolwr, Penuwch Fawr, Capel Seion, Aberystwyth

 

CYMERADWYO’R cais yn ddibynnol ar gytundeb Adran 106 i glymu’r llety rheolwr at y busnes.

 

Nid oedd yr Aelodau’n cytuno ag argymhelliad y swyddogion am y rhesymau a ganlyn:-

 

·         Ar ôl i’r pwyllgor drafod y cais, roedd hi’n amlwg nad oes modd i’r perchennog barhau â’r gwaith sy’n deillio o’r busnes ar hyn o bryd a bod angen rheolwr ar y safle 24 awr y dydd. 

·         Bydd y penderfyniad hwn yn ysgafnhau baich y busnes ar y perchennog sy’n wynebu problemau iechyd.

·         Mae’r busnes eisoes yn llwyddiannus a bydd rheolwr yn cadw’r busnes i fynd yn yr economi wledig.

·         Nid oedd y cais hwn ond yn darparu llety i reolwr a fydd ynghlwm wrth y busnes.

·         O gymeradwyo’r cais, bydd yn cynllunio ar gyfer olyniaeth drwy ganiatáu i’r perchennog barhau â’i fusnes yn hytrach na’i gau. Bydd hefyd yn gyfle i eraill ddysgu gan y busnes at y dyfodol.

·         Mae cymeradwyo’r cais yn gydnaws â pholisïau Cyngor Sir Ceredigion.

 

 

          _____________________________________________________________________

 

Darllenwyd sylwadau ysgrifenedig Mr Cynan Jones, Ms Charmian Holloway a Ms Margaret Jones (Gwrthwynebwyr) a Mr Paul Nichollas (Asiant) a Mr Irvine i’r Pwyllgor yn unol â’r atodiad dros dro i’r weithdrefn weithredol sy’n caniatáu i’r cyhoedd annerch y Pwyllgor Rheoli Datblygu yn sgil Covid-19. 

 

         A200773 Annedd (Fforddiadwy) Anghenion Lleol Arfaethedig, Llwydlo  ...  Gweld y cofnodion lawn ar gyfer eitem 6.

PENDERFYNWYD nodi’r rhestr o geisiadau cynllunio y bu i Swyddog Arweiniol Corfforaethol – yr Economi ac Adfywio ymdrin â nhw.                                

 

Rhoddwyd diweddariad ynghylch y ceisiadau cynllunio yr aethpwyd i’r afael â nhw gan ddefnyddio’r awdurdod dirprwyedig. Nodwyd bod Covid-19 a’r sefyllfa o ran ffosffadau wedi effeithio’n sylweddol ar y gyfradd benderfynu.   

Dim.

·         Nododd y Cynghorydd Lyndon Lloyd MBE fod gofyn i Gyngor Sir Ceredigion ddarparu prisiad newydd o’r eiddo pan fydd eiddo a ddynodwyd yn ‘gartref fforddiadwy’ yn cael ei werthu. Fodd bynnag, cyfeiriodd at achos penodol yn ei ward lle nad oedd yr asiant gwerthu tai na’r gwerthwr yn cytuno â’r prisiad a ddarparwyd, yn enwedig o ganlyniad i’r cynnydd diweddar ym mhrisiau tai.  Dywedwyd y byddai’r swyddogion yn ymchwilio i’r mater ac yn ymateb.

·         Dywedwyd y bydd gweithdai’n cael eu cynnal i roi gwybodaeth i’r Aelodau am faterion amrywiol, gan gynnwys newidiadau i Bolisi Cynllunio Cymru, diweddariadau am geisiadau a alwyd i mewn, ffosffadau, a thai fforddiadwy.