Cofnodion:
Croesawyd y Cynghorydd Alun
Williams, Aelod Cabinet ac Elizabeth Upcott, Rheolwr Corfforaethol, i’r cyfarfod i
gyflwyno adroddiad
CYSUR/CWMPAS chwarter 3.
Dyma grynodeb o’r prif
bwyntiau:
➢ Yn Chwarter 3, roedd
gostyngiad bach iawn yn nifer
y cysylltiadau/adroddiadau
a dderbyniwyd ynghylch
plant/pobl ifanc o'i gymharu â Chwarter
2 - gyda 926 o gysylltiadau/adroddiadau wedi’u derbyn yn Chwarter
3 o'i gymharu â 928 o gysylltiadau/adroddiadau a dderbyniwyd yn Chwarter 2.
➢ Fodd bynnag, er bod
lleihad yn nifer y cysylltiadau/adroddiadau a dderbyniwyd yn Chwarter 3, roedd cynnydd mawr
yn y nifer cyffredinol o gysylltiadau/adroddiadau a arweiniodd
at yr angen i gymryd camau
gweithredu yn unol â’r Gweithdrefnau
Amddiffyn Plant; cynnydd o
132 yn Chwarter 2 i 179 yn Chwarter
3.
➢ O’r adroddiadau a dderbyniwyd, canran yr adroddiadau a
aeth ymlaen i Drafodaeth Strategaeth
yn y chwarter hwn oedd 19.3%, o'i gymharu â 14.2% yn Chwarter 2 ac 19.4% yn Chwarter 1.
➢ Yn Chwarter 3, aeth
9.6% ymlaen i ymholiad Adran 47 o'i gymharu â 5.9% yn Chwarter 2 ac mae hyn o’i
gymharu ag 8.8% yn Chwarter 1.
➢ Roedd 1.3% yn mynd i Gynhadledd
Gychwynnol Amddiffyn Plant yn Chwarter 3 o'i
gymharu â 0.9% yn Chwarter 2, a 0.7% yn Chwarter 1.
➢ Felly, yn anffodus,
mae nifer yr achosion yr
oedd angen gweithredu arnynt o dan y Gweithdrefnau Amddiffyn Plant yn ôl i’r
un lefel ag yr oedd yn Chwarter
1.
➢ Mae cyfanswm y plant sy'n
destun Cynhadledd Gychwynnol Amddiffyn Plant wedi cynyddu i
17 yn y chwarter hwn o'i gymharu
ag 16 yn Chwarter 2 a 10 yn Chwarter 1.
➢ Cyfanswm y plant a roddwyd
ar y Gofrestr Amddiffyn
Plant yn y chwarter hwn yn dilyn
y Gynhadledd Gychwynnol Amddiffyn Plant oedd 16 o'i gymharu â 10 yn Chwarter 2.
➢ Cyfanswm y plant a dynnwyd
oddi ar y gofrestr ar ôl Cynadleddau Adolygu Amddiffyn Plant yn y chwarter hwn
oedd 21 o'i gymharu â 22 yn y chwarter diwethaf.
➢ Ar ddiwedd y chwarter
hwn, roedd 33 o blant/pobl ifanc
wedi'u cofrestru ar y Gofrestr Amddiffyn Plant o'i gymharu â 40 ar ddiwedd Chwarter 2 a 52 ar ddiwedd Chwarter 1. Felly, mae gostyngiad cyson yn nifer
y plant sydd ar y gofrestr.
➢ Roedd cynnydd sylweddol yn nifer
yr adroddiadau a dderbyniwyd gan yr Heddlu a staff mewnol y Gwasanaethau Cymdeithasol.
Fodd bynnag, yr ysgolion oedd
y ffynhonnell gyfeirio fwyaf yn ystod
y chwarter. Bu i’r ysgolion hefyd gofnodi cynnydd sylweddol mewn pryderon diogelu.
➢ Mae cyfanswm yr ymholiadau Adran 47 a wnaed wedi cynyddu
yn y chwarter hwn hefyd, gyda
89 yn Chwarter 3 o'i gymharu â 55 yn Chwarter 2. Roedd 74 ar y cyd â'r Heddlu yn
y chwarter hwn ac roedd 15 fel Asiantaeth
Sengl Gwasanaethau Cymdeithasol.
➢ Y prif gategori o
gam-drin a arweiniodd at ymholiad Adran 47 yn Chwarter
3 oedd honiadau o gam-drin corfforol a cham-drin/cam-fanteisio rhywiol – yr un oedd y sefyllfa yn Chwarteri 1 a 2.
➢ Yr hyn sy'n dal i beri
pryder yn y chwarter hwn yw’r
ffaith nad oeddem yn gallu
bodloni ein hamserlenni statudol o gynnal Cynhadledd Gychwynnol Amddiffyn Plant o fewn y 15 diwrnod ar ôl penderfynu ar ganlyniad ymholiad Adran 47 lle nodir
bod angen cynhadledd gan fod y plentyn
yn parhau i fod mewn
perygl. Er bod gwelliant wedi bod ers Chwarter
2 lle mai dim ond 43.7% oedd o fewn yr amserlen
(58.8% oedd y ffigwr yn Chwarter 3) roedd materion staffio ac argaeledd gweithwyr proffesiynol o asiantaethau eraill, yn dal i effeithio
ar gydymffurfiad ag amserlenni
statudol, er bod hyn yn gwella. Fodd
bynnag, cynhaliwyd 93.8% o'r grwpiau craidd
o fewn yr amserlen.
➢ O ran Diogelu Oedolion,
bu gostyngiad bach yn nifer
yr oedolion yr amheuir eu
bod mewn perygl o gael eu cam-drin
a/neu eu hesgeuluso a adroddwyd yn
y chwarter hwn (180) o'i gymharu â Chwarter
2 (181).
➢ Cyfanswm yr adroddiadau a dderbyniwyd yn y chwarter hwn
oedd 226 o'i gymharu â 228 yn Chwarter 2.
➢ Staff yn yr Awdurdod Lleol oedd prif ffynhonnell
yr atgyfeiriadau yn y chwarter hwn
fel yn y chwarter blaenorol gydag asiantaethau darparu yn ail brif ffynhonnell.
➢ Y categori cam-drin
a adroddwyd amdano fwyaf yn
y chwarter hwn oedd cam-drin emosiynol/seicolegol (111) ac esgeulustod
(90). Roedd 66 o adroddiadau
yn ymwneud â cham-drin corfforol, roedd 36 yn ymwneud
â cham-drin ariannol ac roedd 7 yn ymwneud
â cham-drin rhywiol. Cam-drin emosiynol/seicolegol ac esgeulustod oedd y categorïau cam-drin a adroddwyd
amdanyn nhw fwyaf yn y chwarter
blaenorol hefyd ond roedd esgeulustod
yn fwy cyffredin
yn y chwarter hwnnw.
➢ O’r adroddiadau a dderbyniwyd, mewn perthynas â’r holl
gategorïau cam-drin, roedd mwy o fenywod
yn ddioddefwyr o gymharu â dynion, ac eithrio cam-drin ariannol lle’r oedd nifer gyfartal
o adroddiadau ar gyfer dynion a menywod mewn perthynas â hyn.
➢ Yn Chwarter 3, fel yn achos Chwarter
2, adroddwyd bod rhan fwyaf y gamdriniaeth/esgeulustod wedi digwydd yng nghartrefi’r
bobl eu hunain,
gyda pherthynas / cyfaill yn gyfrifol
am y gamdriniaeth/esgeulustod
a gofnodwyd. Yr ail uchaf oedd mewn
cartref gofal, gyda gweithiwr cyflogedig yn gyfrifol
am y gamdriniaeth/esgeulustod
honedig.
Dyma’r prif bwyntiau a godwyd fel rhan o’r
drafodaeth:
·
Wrth ymateb i gwestiwn am gysylltiadau
ac atgyfeiriadau, cadarnhawyd
bod yr holl gysylltiadau ac atgyfeiriadau yn y lle cyntaf
yn cael eu
brysbennu.
·
Wrth ymateb i gwestiwn am gysylltiadau
ac atgyfeiriadau yng nghyswllt plant, cadarnhawyd mai’r prif gategorïau o gamdriniaeth
a gofnodwyd oedd
cam-drin corfforol a cham-drin rhywiol. O ran oedolion, y prif gategorïau o gamdriniaeth a gofnodwyd oedd cam-drin emosiynol, cam-drin seicolegol a cham-drin domestig.
·
Cadarnhawyd bod Swyddog Diogelu ar gyfer yr Ysgolion
yn cael ei
gyflogi.
Yn dilyn trafodaeth, gofynnwyd i Aelodau’r
Pwyllgor ystyried yr argymhelliad canlynol:
Argymhelliad:
nodi cynnwys
yr adroddiad a'r lefel o weithgarwch
o fewn yr Awdurdod Lleol
Rheswm dros y penderfyniad: fel bod trefniadau llywodraethu’r
Awdurdod Lleol a’r asiantaethau sy’n bartneriaid yn cael eu
monitro.
Cytunodd Aelodau’r Pwyllgor i nodi cynnwys yr adroddiad
a’r lefel o weithgarwch o fewn yr Awdurdod Lleol.
Diolchodd y Cadeirydd i’r Aelod Cabinet a’r Swyddog am gyflwyno’r wybodaeth.
.
Dogfennau ategol: