Cofnodion:
Mae'r adroddiad hwn
yn darparu gwybodaeth yn ymwneud â gweithgarwch Canmoliaeth, Cwynion a Rhyddid
Gwybodaeth y Cyngor rhwng 1 Ebrill 2022 a 31 Mawrth 2023. Roedd yr adroddiad ei hun yn cynnwys gwybodaeth
benodol am nifer a math y ganmoliaeth a dderbyniwyd, y gwahanol gamau cwynion,
perfformiad a chanlyniadau sy'n ymwneud â'r rhain a gwybodaeth am gydymffurfio
â deddfwriaeth Rhyddid Gwybodaeth a Rheoliadau Gwybodaeth Amgylcheddol.
Cyflwynwyd hefyd
adroddiad yn manylu ar ganmoliaeth a chwynion mewn perthynas â'r Gwasanaethau
Cymdeithasol, a darparwyd gwybodaeth am y gwersi a ddysgwyd o ganlyniad i
gwynion (corfforaethol) hefyd. Mae'r
prif adroddiad yn cynnwys adran am y cyswllt a dderbyniwyd gan Ombwdsmon
Gwasanaethau Cyhoeddus Cymru ("yr Ombwdsmon") yn ystod y cyfnod
adrodd. Cyflwynwyd Llythyr Blynyddol yr
Ombwdsmon i’r Cyngor hefyd a rhoddodd fanylion pellach am holl weithgarwch yr
Ombwdsmon ar gyfer Ceredigion, yn ogystal ag ar gyfer Cynghorau eraill ledled
Cymru.
Dyma'r pedwerydd
adroddiad yn olynol lle na ddechreuwyd ymchwiliadau Ombwdsmon nac adroddiadau
ffurfiol mewn perthynas â chwynion a wnaed yn erbyn y Cyngor. Er bod llai o atgyfeiriadau gan yr Ombwdsmon
yn ystod y flwyddyn adrodd hon, mae gan y Cyngor gyfradd gyson uchel o
Setliadau Datrysiad Cynnar/Gwirfoddol.
Cydnabuwyd felly
bod heriau'n parhau mewn perthynas â chymhlethdod y cwynion a dderbyniwyd,
cynnydd cyffredinol mewn gweithgarwch sy'n ymwneud â chwynion, ceisiadau
Rhyddid Gwybodaeth, atgyfeiriadau Ombwdsmon ac atgyfeiriadau at Swyddfa'r
Comisiynydd Gwybodaeth, yn ogystal â'r heriau sy'n gysylltiedig â darpariaeth y
Tîm Cwynion a'r Rhyddid Gwybodaeth ei hun.
Roedd yn anochel bod yr heriau hyn wedi cael effaith ar allu'r Cyngor i
gyflawni ei amcanion perfformiad mewn perthynas ag amserlenni rhagnodedig.
Yn gryno, dywedwyd bod:
• 465 o sylwadau o ganmoliaeth wedi dod i law
• 403 o ymholiadau wedi’u prosesu gan y Gwasanaeth Cwynion a
Rhyddid Gwybodaeth
• 144 o gwynion wedi dod i law: Cyfnod 1 = 96 Cyfnod 2 = 48
• 35 o ‘Gsylltiadau' wedi’u cael gan
Ombwdsmon Gwasanaethau Cyhoeddus Cymru
• 882 o Geisiadau Rhyddid Gwybodaeth a Rheoliadau Gwybodaeth
Amgylcheddol wedi'u prosesu gan y Gwasanaeth Cwynion a Rhyddid Gwybodaeth
I grynhoi,
dywedwyd:-
•Cafwyd llawer mwy
o Ganmoliaeth yn ystod y cyfnod adrodd hwn.
Mae gwella'r ffordd y caiff canmoliaeth eu cyflwyno yn parhau i fod yn waith
y mae angen i'r Tîm Cwynion a Rhyddid Gwybodaeth ei wneud, ond roedd hyn yn
cael ei ohirio oherwydd cyfyngiadau capasiti.
•Derbyniodd y
gwasanaeth llawer mwy o ymholiadau –llawer ohonynt nail ai wedi’u dyrannu i’r
meysydd gwasanaeth i’w datrys yn rhagweithiol, neu roedd angen ymatebion
ffurfiol er mwyn egluro pam na ellid ymdrin â materion o’r fath o dan y
gweithdrefnau cwynion.
•Roedd yn werth
nodi mai nifer y cwynion a dderbyniwyd gan y Cyngor oedd y trydydd isaf yng
Nghymru.
•Roedd angen llawer
iawn o waith i atal cwynion Cyfnod 1 rhag cynyddu i Gyfnod 2 yn ddiangen
oherwydd na fu'n bosibl ymateb o fewn yr amser penodedig o ddeg diwrnod
gwaith.
•Mae cydymffurfio
a’r amser sydd wedi ei nodi yng Nghyfnod 2 hefyd angen sylw, ynghyd a’r diffygion
wrth ymdrin a chwynion a gafodd eu cyfeirio at yr Ombwdsmon. Mae’r Tim Cwynion a Rhyddid Gwybodaeth yn
parhau i wynebu’r heriau o gyrraedd y galw cynyddol yn y nifer o ganmoliaeth,
cwynion a cheisiadau rhyddid gwybodaeth.
•roedd llai eu
cyfeirio wrth yr Ombwdsmon na'r llynedd, ond noder mai nifer y Setliadau
Datrysiad Cynnar / Gwirfoddol yw'r uchaf yng Nghymru.
•Cwynion dros
faterion Casglu Gwastraff a materion Cynllunio yw’r rhesymau pennaf dros
gwynion o hyd; fodd bynnag, mae’r gwasanaethau hyn yn fwy tebygol o dderbyn
cwynion ac felly rhaid ystyried y cyd-destun a lefel y gweithgarwch a wneir gan
y ddau faes yma.
•Roedd
cydymffurfiaeth ag amserlenni Rhyddid Gwybodaeth a Rheoliadau Gwybodaeth
Amgylcheddol ar ei lefel isaf o ran y rheiny a adroddwyd, sef 54% a 44%. Roedd llawer o waith yn cael ei wneud i wella
hyn.
Y meysydd i
ganolbwyntio arnynt oedd:-
•Gwella ymlyniad gyda’r
amser a benodwyd ar gyfer cwynion a pholisïau/deddfwriaeth Rhyddid
Gwybodaeth/Rheoliadau Gwybodaeth Amgylcheddol
•Cryfhau gwydnwch o
fewn y Tîm Cwynion a Rhyddid Gwybodaeth
•Atgyfnerthu'r
egwyddor bod cwynion yn gyfrifoldeb ar hyd y Cyngor
•Darparu rhaglen
hyfforddi gynhwysfawr ar ymdrin â chwynion
•Gwella system ar
gyfer derbyn canmoliaeth a data ynghylch gwersi a ddysgwyd
•Parhau gydag
ymagwedd agored, dryloyw ac sy'n rhoi’r cyhoedd yn ganolbwynt wrth ddatrys
pryderon
CYTUNWYD:
·
i nodi
cynnwys Adroddiad Blynyddol Canmoliaeth, Cwynion a Rhyddid Gwybodaeth
2022-2023, yr atodiadau ategol, ac
·
i nodi cynnwys Llythyr Blynyddol yr Ombwdsmon
ar gyfer 2022-2023.
Dogfennau ategol: