Cofnodion:
Cyflwynodd yr
Arweinydd, y Cynghorydd
Bryan Davies yr adroddiad gan amlinellu’r canlynol o ran y trefniadau Gweithio Hybrid:-
• Y Cefndir
• Prosiect ‘Y Ffordd yr Ydym yn
Gweithio’
• Y Strategaeth Gweithio Hybrid
• Polisi Gweithio Hybrid Dros Dro
• Penawdau’r Polisi
• Adolygiad
• Rheolwyr Llinell
Dywedwyd bod 95% o weithwyr yn
cytuno bod eu profiad o weithio’n hybrid wedi bod yn gadarnhaol
a bod canlyniadau’r gweithwyr
a’r rheolwyr llinell yn debyg
iawn. Roedd y gweithwyr wedi nodi’r hyn yr
oeddent yn ei ffafrio yn
glir. Nid oedd cynifer o weithwyr wedi nodi eu bod yn ‘cytuno’n
gryf’ bod gweithio hybrid wedi arwain at fudd ariannol ond
roedd bron i 80% o weithwyr yn
credu bod gweithio hybrid wedi bod o fudd iddynt. Pan ofynnwyd iddynt a fyddent yn ystyried swydd
arall pe byddai eu hawl i weithio
mewn ffordd hybrid yn dod i ben, dywedodd
39% y bydden nhw; dywedodd 24% na fydden nhw, ac roedd y 37% a oedd
yn weddill yn ansicr.
Roedd canlyniadau’r
arolwg yn dangos yn glir,
o safbwynt y rheolwyr llinell a’r gweithwyr,
fod gweithio hybrid yn cael ei
ystyried yn rhywbeth buddiol ac yn fodd o gadw
staff. Argymhellwyd felly y dylid
derbyn gweithio hybrid fel opsiwn gweithio
hyblyg yn yr hirdymor ac y dylid diwygio’r Polisi Gweithio Hybrid Dros Dro i adlewyrchu hyn.
Pe byddai’r cynnig
i fabwysiadu’r opsiwn gweithio hybrid i weithwyr yn cael ei
gymeradwyo’n barhaol, dywedwyd y byddai modd rhyddhau gofod
swyddfa nad oedd wedi’i ddefnyddio’n
llawn yn ystod cyfnod treialu’r
trefniadau gweithio hybrid dros dro. Roedd
y 12 mis diwethaf wedi dangos bod y capasiti presennol o ran desgiau ar gyfer gweithio
hybrid yng Nghanolfan
Rheidol a Phenmorfa wedi gallu bodloni’r galw yn ei
ffurf bresennol. Serch hynny, derbyniwyd
y byddai angen rhoi trefniadau mwy parhaol ar
waith yn y ddau leoliad. Yn
ystod y cyfnod treialu a barodd 12 mis, roedd y defnydd o ddesgiau ar ei
uchaf ddechrau mis Rhagfyr, ac roedd nifer yr ystafelloedd
a archebwyd ar ei uchaf
ym mis Mawrth 2023. Gwelwyd
bod y defnydd cyfartalog dros fisoedd y gaeaf yn uwch
nag yn ystod misoedd cynhesach yr haf, ond
roedd yn parhau i fod o fewn terfynau’r capasiti mwyaf.
Cynigiwyd y dylai’r
swyddogion gynnal adolygiad o holl swyddfeydd y Cyngor ar draws ei ystâd gan
nodi’r posibiliadau o addasu’r swyddfeydd at ddibenion gwahanol. O ganlyniad i’r gwaith
ymgysylltu gyda’r cyhoedd ar y defnydd
o swyddfeydd y Cyngor yn y dyfodol, cafwyd nifer o awgrymiadau ynghylch ffyrdd posibl o’u defnyddio,
gan gynnwys defnyddio’r adeiladau fel cyfleusterau ar gyfer y gymuned,
ysbyty neu leoliad gofal iechyd ac fel mannau ar gyfer
busnesau a llety preswyl.
Cododd yr
Aelodau bryderon ynghylch canfyddiad y cyhoedd o'r trefniadau
gweithio o gartref a’u canfyddiad nad oedd gwaith
yn cael ei
gyflawni. Fodd bynnag, nid oedd
y canfyddiadau hyn yn gywir am fod
y swyddogion llawer yn fwy cynhyrchiol.
Er enghraifft, roeddent yn gweithio yn
ystod yr adegau y byddent wedi bod yn teithio
i’r gwaith ac oddi yno ac yn
ystod yr adegau y byddent yn teithio rhwng
cyfarfodydd mewn amrywiol leoliadau y tu hwnt i’w
prif swyddfa. Cytunwyd y byddai modd i’r Gwasanaeth
Cyfathrebu roi sylw i hyn.
CYTUNWYD:-
(i) argymell bod y Cabinet yn mabwysiadu gweithio
hybrid fel opsiwn parhaol i weithwyr sy’n gallu gweithio’r
un mor effeithiol o bell ag
y gallant yn y swyddfa;
(ii) datblygu Polisi Gweithio Hybrid i ddisodli’r
Polisi Gweithio Hybrid Dros
Dro presennol a dod ag ef gerbron y pwyllgor
Craffu yn dilyn ymgynghoriad; ac
(iii) y dylai’r polisi gweithio hybrid gynnwys y gofyniad i reolwyr sicrhau bod cyfarfodydd tîm yn cael eu
cynnal yn y cnawd naill ai bob wythnos, bob pythefnos neu bob
mis.
eekly or monthly physical team meeting
Dogfennau ategol: