Cofnodion:
Rhoddodd
yr aelodau ystyriaeth i Adroddiad Diogelu Chwarter 3 y Grŵp Gweithredu
Lleol Cyfun CYSUR/CWMPAS, rhwng y cyfnod 1.10.2022 a 31.12.2022, 2022/23.
Croesawodd
y Cadeirydd Elizabeth Upcott, Rheolwr Corfforaethol, i roi crynodeb o’r
pwyntiau allweddol, a oedd fel a ganlyn:
Crynodeb o'r Pwyntiau
Allweddol:
·
Yn Chwarter 3, bu cynnydd yn nifer y cysylltiadau / adroddiadau a dderbyniwyd
ynghylch plant / pobl ifanc o’i gymharu â Chwarter 2. Derbyniwyd 1112 o
gysylltiadau / adroddiadau yn Chwarter 3 o’i gymharu â 1030 yn Chwarter 2.
· Bu cynnydd yng nghyfanswm y cysylltiadau /
adroddiadau a arweiniodd at gymryd camau o dan y Gweithdrefnau Amddiffyn Plant.
Roedd 193 yn Chwarter 3 o’i gymharu â 171 yn Chwarter 2.
· Canran yr adroddiadau a aeth ymlaen i Drafodaeth Strategaeth
yn y chwarter hwn oedd 17.3% o’i gymharu â 16.7% yn Chwarter 2.
·
Yn Chwarter 3, aeth 7.3% o’r adroddiadau ymlaen i Ymholiad Adran 47 o’i
gymharu ag 8.3% yn Chwarter 2. Roedd angen i 0.97% o’r adroddiadau symud ymlaen
i Gynhadledd Gychwynnol Amddiffyn Plant yn Chwarter 2 o’i gymharu ag 1.6% yn y
chwarter hwn, sef Chwarter 3. Felly bu cynnydd yn nifer y cysylltiadau /
adroddiadau a dderbyniwyd yn Chwarter 3 a arweiniodd at gynnydd yn nifer y
trafodaethau strategaeth a gynhaliwyd a chynnydd yn nifer y plant a oedd yn
destun Cynadleddau Cychwynnol Amddiffyn Plant.
·
Cyfanswm y plant a roddwyd ar y Gofrestr Amddiffyn Plant yn y chwarter hwn
yn dilyn y Gynhadledd Gychwynnol Amddiffyn Plant oedd 31 o’i gymharu ag 16 yn
Chwarter 2.
·
Cyfanswm y plant a dynnwyd oddi ar y gofrestr yn y chwarter hwn yn dilyn y
Gynhadledd Adolygu Amddiffyn Plant oedd 28 o’i gymharu â 13 yn Chwarter 2.
·
Cyfanswm yr ymholiadau Adran 47 a gwblhawyd yn ystod y chwarter hwn oedd 81
o’i gymharu ag 86 yn Chwarter 2. Yn y chwarter hwn, cafodd 59 o’r ymholiadau eu
cynnal ar y cyd â’r Heddlu a chafodd 22 eu cynnal gan y Gwasanaethau
Cymdeithasol fel Asiantaeth Sengl.
·
Y prif gategorïau o
gam-drin a arweiniodd at ymholiad Adran 47 yn Chwarter 3 oedd cam-drin
corfforol (40), cam-drin / cam-fanteisio’n rhywiol (15), esgeulustod (13) a
cham-drin emosiynol (9). Mae hyn yn
dilyn yr un patrwm â’r hyn a welwyd yn Chwarter 2.
·
Roedd 49 o blant ar y Gofrestr Amddiffyn Plant ar ddiwedd y chwarter hwn,
o’i gymharu â 46 ar ddiwedd Chwarter 2. Yn y chwarter hwn, cofrestrwyd 29 o dan
y categori cam-drin emosiynol / seicolegol, 14 o dan y categori esgeulustod a 6
o dan y categori esgeulustod a cham-drin corfforol.
·
Y prif ffactorau risg ar gyfer y 49 o blant oedd ar y Gofrestr Amddiffyn
Plant ar 31/12/2022 oedd cam-drin domestig, iechyd meddwl rhieni, rhieni’n
camddefnyddio sylweddau / alcohol a rhieni’n gwahanu.
·
O ran Diogelu Oedolion, bu cynnydd sylweddol yn nifer yr oedolion yr
amheuir eu bod mewn perygl o gael eu cam-drin a / neu eu hesgeuluso, gyda 128
oedolyn yn cael eu hadrodd yn y chwarter hwn o’i gymharu â 113 yn Chwarter 2.
Yn arbennig, bu cynnydd sylweddol yn nifer yr oedolion yr adroddwyd eu bod mewn
perygl yn ystod mis Tachwedd (67) o’i gymharu â 53 ym mis Hydref a 37 ym mis
Rhagfyr. Nid yw’n glir pam y bu cymaint o gynnydd yn y mis hwnnw, ond roedd yr
adroddiadau’n ymwneud â phryderon ynghylch cam-drin domestig.
· Unwaith eto'r categori o gam-drin yr adroddwyd
amdano fwyaf yn ystod y chwarter hwn oedd cam-drin emosiynol / seicolegol, gyda
64 adroddiad yn datgan mai hwn oedd y prif gategori o gam-drin. Esgeulustod
oedd yr ail brif gategori o gam-drin a adroddwyd (51), yna cam-drin ariannol
(42), cam-drin corfforol (33) a cham-drin rhywiol (23). Mae hyn yn dilyn patrwm
y chwarter blaenorol.
· O’r adroddiadau a dderbyniwyd ynghylch pob categori
o gam-drin, menywod oedd mwyafrif y bobl yr adroddwyd eu bod mewn perygl, ac
roedd nifer y menywod yn sylweddol uwch na nifer y dynion. Fodd bynnag, o ran
cam-drin ariannol adroddwyd bod bron yr un nifer o ddynion a menywod mewn
perygl (20 dyn, 22 menyw). 3
· Yn Chwarter 3, yr Heddlu oedd prif ffynhonnell yr
adroddiadau (40) o’i gymharu â Chwarter 2 lle gwelwyd mai’r brif ffynhonnell
oedd Asiantaethau Darparu (30). Yn Chwarter 3, roedd nifer yr adroddiadau a dderbyniwyd
gan yr Heddlu yn sylweddol uwch nag unrhyw asiantaeth arall. Y ffynhonnell â’r
ail nifer uchaf oedd Asiantaethau Darparu (26).
Yn dilyn trafodaethau, nodwyd
y canlynol:
· Yn dilyn cwestiwn ynghylch cynnydd mewn
atgyfeiriadau amddiffyn plant, cytunwyd y byddai'r Swyddog yn rhoi gwybodaeth
am dueddiadau atgyfeirio amddiffyn plant cyn covid hyd yma,
· Gofynnwyd am eglurhad ar y diffiniad o ‘gam-drin
ariannol’ – rhoddodd y Swyddog rai enghreifftiau o hyn,
· Gofynnwyd am esboniad i’r broses atgyfeirio Amddiffyn Plant, h.y., y camau sydd ynghlwm wrth
y broses o roi plentyn ar y gofrestr a chymryd plentyn oddi ar y gofrestr,
· Yn dilyn cwestiwn, bydd y Swyddog yn codi pryderon
y Pwyllgor gyda chydweithwyr Addysg ynglŷn â chyfanswm y plant (229) sy’n
cael addysg ddewisol yn y cartref yn y Sir.
Cytunodd yr Aelodau i nodi
cynnwys yr adroddiad a'r lefelau gweithgarwch gyda'r Awdurdod Lleol, fel bod
llywodraethu gweithgarwch yr Awdurdod Lleol a'i asiantaethau partner yn cael eu
monitro.
Dogfennau ategol: