Cofnodion:
3
Strategaeth Gorfforaethol Ddrafft 2022-27 Roedd
Arweinydd y Cyngor, y Cynghorydd Bryan Davies, yn
bresennol i gyflwyno’r Strategaeth Gorfforaethol Ddrafft ar gyfer y 5 mlynedd
nesaf. Manteisiodd yr Arweinydd ar y cyfle i ddiolch i’r weinyddiaeth
flaenorol (Aelodau Cabinet a Chynghorwyr) am y Strategaeth Gorfforaethol
flaenorol. Dywedodd, yn dilyn yr etholiadau lleol ym mis Mai 2022, mae angen
Strategaeth Gorfforaethol newydd i nodi Amcanion Llesiant Corfforaethol
newydd y Cyngor (blaenoriaethau corfforaethol) a’r uchelgeisiau ar gyfer y
pum mlynedd nesaf. Mae’r Strategaeth yn nodi sut y bydd y Cyngor yn ceisio
gwella llesiant cymdeithasol, economaidd, amgylcheddol a diwylliannol
dinasyddion a chymunedau Ceredigion a chynyddu ei gyfraniad tuag at y saith
Nod Llesiant Cenedlaethol yn unol â Deddf Llesiant Cenedlaethau’r Dyfodol (Cymru)
2015. Dywedodd yr Arweinydd hefyd fod gan yr Awdurdod gyfnod heriol o’i
flaen. Roedd y Prif Weithredwr, Eifion Evans, hefyd yn bresennol, a chytunodd
gyda sylwadau’r Arweinydd. Diolchodd hefyd i’r Swyddogion a oedd ynghlwm â’r
strategaeth, sef Alun Williams, Diana Davies a Rob Starr, am eu gwaith caled
wrth lunio’r Strategaeth. Parhaodd Rob
Starr, Rheolwr Perfformiad ac Ymchwil, i gyflwyno cynnwys yr adroddiad.
Eglurodd mai pwrpas craidd y Strategaeth Gorfforaethol yw dangos sut y bydd
yr awdurdod yn cefnogi ac yn hyrwyddo cynaliadwyedd a lles dinasyddion
Ceredigion, trwy ei Weledigaeth hirdymor a’i Amcanion Llesiant Corfforaethol.
Yr Amcanion Llesiant Corfforaethol arfaethedig yw: ·
Hybu’r Economi, Cefnogi
Busnesau a Galluogi Cyflogaeth ·
Creu Cymunedau Gofalgar
ac Iach ·
Darparu’r Dechrau Gorau
Mewn Bywyd a Galluogi Pobl o Bob Oed i Ddysgu ·
Creu Cymunedau
Cynaliadwy a Gwyrdd sydd wedi’u Cysylltu’n Dda â’i Gilydd Esboniodd Rob Starr fod yr amcanion wedi’u nodi trwy
ddadansoddi tystiolaeth ac ymgysylltu gyda thrigolion, gan gynnwys
uchelgeisiau’r weinyddiaeth wleidyddol newydd, Asesiad o Lesiant Lleol
Ceredigion a’r ymgynghoriad cyhoeddus diweddar ar y strategaeth ddrafft a
gynhaliwyd rhwng 24 Awst a 30 Medi 2022. Cafwyd cyfanswm o 51 o ymatebion i’r
ymgynghoriad - daeth rhai ymatebion i law ar ôl y dyddiad cau ac felly nid
oedd y ffigurau wedi’u cynnwys yn y ddogfen eto ond maen nhw wedi cael eu
hystyried. |
|
|
|
Eglurodd Rob
Starr fod yr amcanion hefyd wedi’u nodi gan ystyried Deddf Llesiant
Cenedlaethau’r Dyfodol (Cymru) 2015. Roedd hyn yn cynnwys nodi sut mae modd i
ni wneud y cyfraniad mwyaf posib tuag at y nodau llesiant cenedlaethol a
hefyd sicrhau ein bod ni’n defnyddio’r egwyddor datblygu cynaliadwy i sicrhau
bod anghenion y presennol yn cael eu diwallu heb beryglu gallu cenedlaethau’r
dyfodol i ddiwallu eu hanghenion hwythau. Mae’r
Strategaeth Gorfforaethol ddrafft yn cynnwys cynllun gweithredu sy’n manylu
ar y camau sydd angen eu cymryd i gyflawni pob un o’r Amcanion Llesiant
Corfforaethol. Mae’r cynnydd yn cael ei adolygu bob blwyddyn, a bydd hyn yn
cael ei gyhoeddi yn Adroddiad Hunanasesu’r Cyngor. Yna,
esboniodd Rob Starr y broses a’r camau sy’n gysylltiedig â llunio’r
strategaeth. Cyfeiriodd hefyd at dudalen 6 o’r strategaeth, Gwella
Canlyniadau, a sut maent yn
cyd-fynd â’r hunanasesiad wrth ddiwallu Deddf Llywodraeth Leol ac Etholiadau
(Cymru) 2021. Dywedodd wrth Aelodau’r Pwyllgor mai’r 3 thema mwyaf cyffredin o’r
adborth a dderbyniwyd oedd yr iaith Gymraeg, Teithio Llesol a Gofal Plant.
Mae sylwadau’r cyhoedd bellach wedi’u hadlewyrchu yn y Strategaeth. Yna rhoddwyd
cyfle i’r aelodau ofyn cwestiynau, ac fe’u hatebwyd
yn eu tro gan Swyddogion. Mewn ymateb i
gwestiwn, cadarnhawyd mai’r canlyniadau diweddaraf sydd ar gael ynglŷn â
nifer y siaradwyr Cymraeg yw canlyniadau Cyfrifiad 2011 a bydd canlyniadau
2021 ar gael yn ystod mis Rhagfyr 2022/mis Ionawr 2023. Un pryder a
godwyd gan Aelod o’r Pwyllgor oedd a all yr Awdurdod fforddio’r targedau
uchelgeisiol a amlinellwyd yn yr adroddiad. Cadarnhawyd bod modd eu cyflawni
ar hyn o bryd. Mynegwyd
pryder ynghylch Ffosffadau gan y gallai atal yr amcan HYBU’R ECONOMI, CEFNOGI
BUSNESAU A GALLUOGI CYFLOGAETH rhag symud ymlaen. Cadarnhawyd bod grŵp
penodol sy’n monitro’r sefyllfa ffosffadau yn ofalus ac sydd mewn
trafodaethau parhaus gyda Chyfoeth Naturiol Cymru. Cadarnhaodd y Prif
Weithredwr hefyd fod Ffosffadau yn cael ei nodi fel risg ar hyn o bryd a’i
fod ar gofrestr risg yr Awdurdod felly gellir cadarnhau bod y mater hwn yn
cael sylw dyledus. Dywedodd
Cynghorydd bod y strategaeth yn nodi bod sedd wag yn Llanbedr Pont Steffan,
mae angen diwygio hyn nawr. Cyfeiriodd Aelod at dudalen 36, pwynt bwled 6, Galluogi
mwy o bobl ifanc i adeiladu cartref am oes, oherwydd yn ei farn ef mae’r CDLl yn cyfyngu ar ddatblygiadau i bobl ifanc mewn
lleoliadau gwledig. |
|
|
|
Cododd yr ymholiadau canlynol yn ystod y trafodaethau,
a bydd Rob Starr yn ymchwilio iddynt ac yn dychwelyd yr atebion i’r Pwyllgor: 1. Cyfeiriodd Aelod at y Cwestiynau Monitro Cydraddoldeb
ar dudalen 11 o Adroddiad Adborth yr Ymgynghoriad, oherwydd nodir mai 35 oedd
cyfanswm yr ymatebion a dderbyniwyd (ar 23 Medi) ond nid yw’r ffigurau’n
gwneud cyfanswm o 35. Pam hynny? 2. Nododd Aelod bod nifer yr ymatebion i’r ymgynghoriad yn
fach. Faint o’r rheini ymatebodd yn Gymraeg? 3. Cyfeiriodd Aelod at dudalen 13 y Strategaeth, oherwydd
bod un pwynt yn cyfeirio at ‘adeiladu’ amddiffynfeydd rhag llifogydd,
ond defnyddiwyd y gair ‘cwblhau’ mewn pwynt arall. A ddylai’r ddau
bwynt ddefnyddio’r un gair, naill ai ‘adeiladu’ neu ‘cwblhau’? 4. Cyfeiriodd Aelod at dudalen 36, pwynt bwled 5, Annog
pobl i beidio â phrynu ail gartrefi yn y sir, gan ofyn o ble y cafwyd y
wybodaeth hon? Cadarnhawyd y cafwyd y wybodaeth hon o faniffesto Grŵp.
Gofynnwyd am ragor o wybodaeth ar y pwynt hwn. 5. Cyfeiriodd Aelod at dudalen 38, cyfeiriad at lifogydd a
gofynnodd i’r canlynol hefyd gael eu henwi yn y strategaeth – Llanybydder,
Llandysul a Llechryd. 6. Mae cyfeiriad at Gysylltwyr Cymunedol yn y Strategaeth,
a allai Swyddog ymhelaethu ar beth yw eu rôl? Awgrymwyd ychwanegu esboniad yn
y Strategaeth. 7. Tynnwyd sylw at y ffaith bod rhai gwallau teipio a
threiglo yn fersiwn Gymraeg y Strategaeth. Mae angen diwygio’r rhain. Ar ôl
ystyried, cytunodd yr Aelodau y byddai pwyntiau 1-7 uchod yn cael eu
hymchwilio a’u diwygio fel y bo’n briodol gan Swyddogion. Bydd y Pwyllgor yn
ailymgynnull i ystyried eu hymatebion a’r argymhelliad ymhellach cyn cyflwyno
i’r Cabinet a’r Cyngor Llawn. |
|
|
|
Dogfennau ategol: