Cofnodion:
a)
Llongyfarchodd y
Cynghorydd Ellen ap Gwynn ‘Ynyshir Hall’ ar ennill dwy seren Michelin;
b)
Llongyfarchodd y
Cynghorydd Ellen ap Gwynn fwyty ‘SY23’ ar ennill ei seren Michelin gyntaf;
c)
Llongyfarchodd y
Cynghorydd Ellen ap Gwynn ‘Y Talbot’ ar gael ei gynnwys
yng Nghanllaw Michelin;
d)
Llongyfarchodd y
Cynghorydd Ellen ap Gwynn Robat ac Enid Griffiths, sylfaenwyr a pherchnogion y
wasg 'Y Lolfa', sydd wedi’u dewis i arwain Gorymdaith Dydd Gŵyl Dewi yn
Aberystwyth eleni;
e)
Llongyfarchodd y
Cynghorydd Ellen ap Gwynn Sefydliad y Merched sy’n dathlu eu
canmlwyddiant eleni;
f)
Nododd y Cynghorydd Ellen
ap Gwynn fod y Gweinidog Addysg wedi cyhoeddi cyllid o £5.7m ar gyfer creu
Canolfan Drochi Iaith Gymraeg a bloc o Ystafelloedd Dosbarth newydd yn Ysgol
Gymraeg Aberystwyth;
g)
Nododd y Cynghorydd Gareth Lloyd, Aelod Panel ac Ymddiriedolwr ar Fwrdd
Pensiwn Dyfed, fod y buddsoddiadau gyda Rwsia yn llai nag 1%, ond cytunwyd i
ddadfuddsoddi cyn gynted â phosibl;
h)
Diolchodd y Cynghorydd Ellen a Gwynn i bawb am eu cefnogaeth gan nodi y
byddai’n ymddeol ar ddiwedd y tymor hwn, gan ddiolch i’w chyd-gynghorwyr a
Swyddogion am eu cefnogaeth dros ei 10 mlynedd fel Arweinydd y Cyngor. Talodd
deyrnged i’r Cynghorwyr hynny a fyddai’n camu i lawr, gan gynnwys y Cynghorydd
Alun Lloyd Jones, y Cynghorydd John Adams Lewis, y Cynghorydd Odwyn Davies, y
Cynghorydd Lyndon Lloyd MBE, y Cynghorydd Lynford Thomas, y Cynghorydd Peter
Davies MBE, y Cynghorydd Ivor Williams a’r Cynghorydd Matthew Woolfall Jones.
Cydnabuwyd y sylwadau gan yr Aelodau perthnasol;
i)
Talodd y Cynghorydd Ceredig Davies deyrnged i’r Cynghorydd Ellen ap Gwynn a
dymunodd yn dda iddi ar ei hymddeoliad;
j)
Myfyriodd y Cynghorydd Ray Quant MBE ar arweinyddiaeth y Cynghorydd Ellen ap
Gwynn a thalodd deyrnged i’r holl Aelodau sy’n camu i lawr a diolchodd iddynt i
gyd am eu cyfraniadau;
k)
Talodd y Cynghorydd Dafydd Edwards deyrnged i’r Cynghorydd Ellen ap Gwynn,
a mynegodd ei ddymuniadau gorau i’r holl Aelodau sy’n camu i lawr;
l)
Ategodd Eifion Evans, Prif Weithredwr, bopeth a ddywedodd yr Aelodau, gan
nodi y byddai ymddeoliad Cynghorwyr profiadol yn cael effaith sylweddol o ran
colli arbenigedd a gwybodaeth. Nododd fod eu cyfraniadau wedi bod yn sylweddol
o ran cyflawni Bargen Twf Canolbarth Cymru gwerth £110m, cronfa Codi’r Gwastad,
cyllid ar gyfer Ysgolion yr 21ain Ganrif ac ati. Dymunodd yn dda i bob un
ohonynt yn eu hymddeoliad;
m)
Diolchodd y Cynghorydd Bryan Davies, a fydd yn camu i rôl Arweinydd
Grŵp Plaid Cymru, i’r Cynghorydd Ellen ap Gwynn a mynegodd ei ddymuniadau
gorau i’r holl Aelodau a fyddai’n camu i lawr;
n)
Nododd y Cynghorydd Bryan Davies, yn dilyn y Rhybudd o Gynnig yng
Nghyfarfod y Cyngor ar 9 Rhagfyr 2021, fod Aelodau wedi cyfarfod â’r Gwasanaeth
Ambiwlans ac wedi cael sicrwydd na fydd y Gwasanaeth Ambiwlans sy’n gwasanaethu
Ceredigion yn cael ei chwtogi.
o)
Nododd y Cynghorydd Bryan Davies y bydd Llanarth yn cymryd rhan mewn
prosiect arbrofol a ariennir gan Lywodraeth Cymru i arwynebu ffyrdd gan
ddefnyddio cewynnau wedi’u hailgylchu, a disgwylir i oes yr arwyneb bara
ddwywaith yn fwy nac oes tarmac arferol;
p)
Nododd y Cynghorydd
Maldwyn Lewis fod drama’n cael ei chynhyrchu am fywyd Carwyn James sydd â
chysylltiad agos ag ardal Rhydlewis;
q)
Llongyfarchodd y
Cynghorydd Maldwyn Lewis Gareth Thomas sydd wedi ennill 5 cap gyda thîm Rygbi
Cymru;
r)
Llongyfarchodd y
Cynghorydd Maldwyn Lewis Steffan Thomas sydd wedi'i ddewis i chwarae i Dîm
Rygbi’r Scarlets;
s)
Llongyfarchodd y
Cynghorydd Maldwyn Lewis y tîm sydd wedi cyhoeddi llyfr o'r enw ‘Ffrwyth y
Coed’ sy'n rhoi hanes cynhwysfawr o Ysgol Coed-y-Bryn;
t)
Llongyfarchodd y
Cynghorydd Gareth Lloyd Ffermwyr Ifanc Pontsian ar ennill cystadleuaeth Siarad
Cyhoeddus Ffermwyr Ifanc Ceredigion, a mynegodd ei ddymuniadau gorau i bawb a
fyddai’n cynrychioli’r Sir ar lefel Genedlaethol;
u)
Mynegodd y Cynghorydd
Gareth Davies ei ddymuniadau gorau i’r holl Aelodau a fyddai’n camu i lawr, a diolchodd i’r Cynghorwyr
Bryan Davies a Matthew Woolfall Jones am ddod â’r rhybudd o gynnig ynghylch y
Gwasanaeth Ambiwlans ar ei ran;
v)
Estynnodd y Cynghorydd
Gareth Davies gydymdeimlad â theulu Tegwen Jones, a oedd yn Glerc i Gyngor
Cymuned Llanbadarn Fawr;
w)
Llongyfarchodd y
Cynghorydd Odwyn Davies y Parchedig Goronwy Evans ar ennill MBE;
x)
Nododd y Cynghorydd Dafydd
Edwards mai heddiw yw Diwrnod Cenedlaethol y Llyfr a bod digwyddiadau amrywiol
wedi’u trefnu yn Llyfrgelloedd y Sir gan gynnwys lansiad llyfr ‘Lledrith y
Llyfrgell’ sy’n dathlu 25 mlynedd o Ddiwrnod Cenedlaethol y Llyfr;
y)
Llongyfarchodd y
Cynghorydd Paul Hinge Josh Hathaway sydd wedi’i ddewis i fod yn rhan o garfan
rygbi Dan 20 Cymru;
z)
Llongyfarchodd y
Cynghorydd Paul Hinge Joshua Tarling, Gruff Lewis a Finlay Tarling sy’n cael
llwyddiant mawr ym myd beicio;
aa)
Llongyfarchodd y Cynghorydd Lyndon
Lloyd MBE Doris James sy’n dathlu ei
phen-blwydd yn 100 oed;
bb)
Diolchodd y Cynghorydd Dai
Mason i bawb a fydd yn camu i
lawr yn yr etholiad nesaf, gan ddymuno’n dda iddynt ar eu hymddeoliad.
Wcrain
cc)
Cyfeiriodd y Cynghorydd
Ellen ap Gwynn at y sefyllfa enbyd yn Wcráin, gan nodi bod Prif Weinidog Cymru
wedi datgan bod Cymru’n genedl noddfa. Dywedodd fod Ceredigion yn sir noddfa a
gofynnodd i’r Aelodau am eu cefnogaeth i groesawu ffoaduriaid o Wcráin yn y
dyfodol, ac i roi awdurdod i Swyddogion wneud trefniadau addas ar yr adeg
briodol. Cytunodd yr Aelodau’n unfrydol drwy ddangos dwylo. Nododd hefyd ei bod
wedi gofyn i’r Prif Weithredwr adolygu a oes gan y Cyngor unrhyw gontractau neu
waith sy'n gysylltiedig â chwmnïau o Rwsia;