Cofnodion:
Amlinellodd y Cynghorydd Ivor Williams, Cadeirydd y Pwyllgor, weithdrefn
y cyfarfod a chroesawodd Arweinydd y Cyngor, y Cynghorydd Ellen ap Gwynn, yr
Aelodau Cabinet a’r Swyddogion i'r cyfarfod.
Cyflwynodd Arweinydd y Cyngor, y Cynghorydd Ellen ap Gwynn, yr adroddiad
ar y gyllideb ddrafft ar gyfer 2022/2023 gan gynnwys y rhaglen gyfalaf tair
blynedd, gan esbonio mai setliad dros dro yw hwn, a disgwylir y setliad
terfynol ar 1 Mawrth, 2022. Cyfanswm y setliad refeniw, a elwir yn Gyllid
Allanol Cyfun, a ddyrannwyd i Geredigion ar gyfer 2022/23 yw £119.419m. Mae hyn
yn cymharu â dyraniad 2021/22 o £110.006m (wedi’i addasu ar gyfer
trosglwyddiadau) ac mae’n gynnydd o 8.6%. Mae Cymru gyfan wedi gweld cynnydd o
9.4% ar gyfartaledd gyda Cheredigion yn 19eg. Dywedodd yr Arweinydd wrth
Aelodau'r Pwyllgor fod £50 miliwn o arbedion wedi'u gwneud ers ei phenodiad yn
2012.
Dywedodd
yr Arweinydd hefyd fod llythyr wedi dod i law ar 17 Chwefror 2022 gan Rebecca Evans
AS, y Gweinidog Cyllid a Llywodraeth Leol, yn cyhoeddi cynnydd o £50m ar gyfer
y setliad llywodraeth leol ar gyfer 2021-2022. Nid oedd y swm a fyddai’n cael
ei ddyrannu i Gyngor Sir Ceredigion yn hysbys hyd yma ond roedd yn debygol o
fod tua £1m. Nid oedd y cyllid wedi'i neilltuo (h.y. heb ei ddyrannu i
wasanaethau penodol) a gellir ei gario ymlaen mewn cronfeydd wrth gefn i
flwyddyn ariannol 2022-2023. Esboniwyd y byddai angen ystyried goblygiadau'r
cyllid ychwanegol hwn a sut y byddai hynny'n cael ei ddyrannu ar gyfer cyllideb
2022-2023.
Croesawodd
yr aelodau’r cyllid ychwanegol ond mynegwyd siom bod y cyhoeddiad yn hwyr ac
nad oedd yn caniatáu i waith craffu ddigwydd yn seiliedig ar y wybodaeth
newydd. Cadarnhaodd y Prif Weithredwr y byddai gwybodaeth yn cael ei chyflwyno
i'r Cyngor ar 3 Mawrth 2022 ac y byddai cyfle i drafod yr opsiynau ar gyfer y cyllid
ychwanegol.
Mae Setliad Ceredigion yn adlewyrchu ystod
o symudiadau ailddosbarthu llai ffafriol yn ariannol a welir yn y boblogaeth
a dangosyddion niferoedd disgyblion Ysgol Uwchradd. Mae Asesiadau o Wariant
Safonol yn gyfrifiadau tybiannol o’r swm y mae angen i bob Cyngor ei wario er
mwyn darparu lefel safonol o wasanaeth. Yr Asesiad o Wariant Safonol ar gyfer
2022/23 yw £166.372m, sef cynnydd o 7.2% (2021/22 £155.153m). Y cynnydd mwyaf
sylweddol o ran gwasanaeth oedd Gwasanaethau Cymdeithasol Personol, sef
12.2%. |
Mae
model y Gyllideb wedi'i ddrafftio i gynnwys yr addasiadau o ran y setliad dros
dro. Bydd angen ystyried unrhyw addasiadau sydd eu hangen sy’n codi yn y
setliad terfynol a'u hymgorffori'n briodol yn y gyllideb.
Mae'r
gwaith asesu manwl, a wnaed i nodi’r pwysau anochel o ran costau sy'n
wynebu'r
Gwasanaethau, wedi'i gwblhau, ac mae hwn wedi nodi cyfanswm net o £13.1m, a
grynhoir yn Atodiad 1 ym mhapurau’r agenda. Mae'r swm yma bron yn ddwbl y
blynyddoedd cynt ac yn £3.8m yn fwy na'r swm uwch sydd ar gael yn y setliad a
byddai hyn gyfystyr â'r angen i gynyddu Treth y Cyngor o bron i 8%, fodd bynnag
mae rhai arbedion ar gael i broses pennu’r gyllideb.
Daw
costau cynyddol Gofal yn unig i £7m, gan gynnwys:-
-
Cyflog Byw Gwirioneddol £9.90 y DU ac Yswiriant Gwladol Cyflogwyr 1.25%
– yn effeithio ar y rhan fwyaf os nad y cyfan o’r Gwasanaethau a Gomisiynir yn
ymwneud â Gofal (yn arwain at ffactorau chwyddiant dros dro o 8.87% ar gyfer
Gofal Cartref / Byw â Chymorth, 9.13% ar gyfer Gofal Preswyl ac 11.15% ar gyfer
Taliadau Uniongyrchol);
-
Cartrefi Preswyl – adolygiad pennu ffioedd yn mynd rhagddo ar hyn o
bryd;
-
Taliadau Uniongyrchol;
-
Plant sy’n Derbyn Gofal; a;
-
Gofal Cartref.
Dywedodd
yr Arweinydd hefyd fod darparu ar gyfer chwyddiant mewn cyflogau hefyd yn
ffactor arwyddocaol a amcangyfrifir yn £3.4m, ac nid oes cytundeb ffurfiol eto
ar brif ddyfarniad cyflog 2021/22. Ar ôl ystyried y cyllid posibl sydd ar gael,
gellir cyflawni cyllideb gytbwys.
Mabwysiadwyd
ffordd gorfforaethol o ymdrin â cholledion a chostau net COVID19, yn hytrach na
bod yn rhaid i bob gwasanaeth ysgwyddo symiau y gellir eu priodoli i
wasanaethau perthnasol. Mae’r dull hwn o weithredu wedi sicrhau bod rheolaeth
ariannol cyllidebau 2021/22 a gweithgarwch busnes fel arfer wedi parhau’n gryf.
Ar hyn o bryd rhagwelir y bydd y costau caledi a’r incwm a gollir yn dod i
gyfanswm gros o ychydig dan £7m gyda chymaint â phosibl yn cael ei adennill a’i
adhawlio drwy grantiau/arian Llywodraeth Cymru.
Bydd costau
ychwanegol yn sgil COVID-19 a rhywfaint o incwm coll yn parhau i gael eu gweld
i mewn i’r flwyddyn 2022/23 a thu hwnt ac felly mae angen cyllideb
gorfforaethol o £750k o fewn cyllideb y Grŵp Arweiniol, yn ogystal â
defnyddio’r gronfa wrth gefn a glustnodwyd gan gynnwys Cronfa Wrth Gefn
COVID-19 a amcangyfrifir i fod yn £1.25m. Nid oes unrhyw geisiadau am grant yn
ddyledus y flwyddyn nesaf gan y bydd y Gronfa Galedi yn cau ac mae'r Setliad
bellach yn caniatáu ar gyfer hyn. Mae Llywodraeth Cymru hefyd wedi ymrwymo i
barhau i gyflenwi Cyfarpar Diogelu Personol am ddim ar gyfer Iechyd a Gofal
Cymdeithasol cyhyd ag y bo angen ac i barhau i ddarparu cyllid ar gyfer Profi,
Olrhain a Diogelu.
Mae angen
cynyddu Treth y Cyngor i ariannu sefyllfa’r gyllideb yn llawn. Mae 4.75%
ychwanegol o Dreth y Cyngor yn codi £2.1m gros, sy'n cyfateb i £1.8m net ar ôl
darparu ar gyfer angen ychwanegol y gyllideb a roddir ar gynllun Gostyngiadau
Treth y Cyngor. Mae polisi adennill Incwm a chostau’r Cyngor yn golygu bod
gwasanaethau’n parhau i adennill eu costau chwyddiannol sy’n berthnasol i
wasanaethau y gellir codi tâl amdanynt gan ddefnyddwyr gwasanaethau, er mai’r
broblem ar hyn o bryd yn y tymor agos yw sicrhau bod ffrydiau incwm yn cael eu
hadennill i lefelau cyn Covid-19.
Eglurodd
yr Arweinydd gan mai cynnig cyllideb ddrafft yw hwn, yn seiliedig ar y setliad
Dros Dro, mae’n destun unrhyw addasiadau y gallai fod eu hangen unwaith y bydd
y Setliad Terfynol yn hysbys. Byddai unrhyw addasiadau angenrheidiol yn cael eu
gwneud yn unol â’r canlynol:
1. bydd gwerth unrhyw grantiau penodol a
drosglwyddir i’r Grant Cynnal Refeniw
yn cael eu pasio ymlaen at gyllideb y Gwasanaeth perthnasol;
2. bydd unrhyw
newidiadau penodol eraill yn cael eu targedu’n uniongyrchol at y Gwasanaeth(au) yr effeithir arnynt, os bydd hynny’n briodol; ac;
3.
ymdrinnir ag unrhyw newidiadau eraill i’r Grant Cynnal Refeniw drwy
addasu cyllideb refeniw gorfforaethol y Grŵp Arweiniol.
Mae Ardoll yr
Awdurdod Tân yn amodol ar gadarnhad ffurfiol a rhagwelir y bydd yn arwain at
bwysau o ran cost o £104k, a fydd yn gofyn am gyllid brigdoriad.
Gorffennodd
yr Arweinydd ei chyflwyniad gyda chrynodeb o bwysau costau ar draws yr holl wasanaethau/y
rhan fwyaf ohonynt, ac ailadroddodd fod yr adroddiad hwn ynghylch y gyllideb yn
ymdrin â chyhoeddiad y setliad dros dro gydag argymhelliad i'r Cyngor ar lefel
Treth y Cyngor ar gyfer 2022/23. Mae'r Cyngor i fod i ystyried y gyllideb
derfynol ar 3 Mawrth 2022 ar ôl craffu ar y papurau ynghylch y gyllideb a'r
cynigion drafft.
Rhoddwyd y cyfle i Aelodau’r
Pwyllgor ofyn cwestiynau ac atebwyd y cwestiynau yn eu tro gan yr Arweinydd
a/neu’r Swyddogion. Ymhlith y prif gwestiynau / pwyntiau
a godwyd oedd y canlynol:
Yn dilyn
trafodaeth, cytunodd yr Aelodau i ystyried sefyllfa gyffredinol y Gyllideb fel
y’i nodir yn yr adroddiad i’r Cabinet, er mwyn cynorthwyo i baratoi cyllideb
gytbwys ar gyfer y flwyddyn nesaf.
Yna cyflwynodd yr Aelod Cabinet perthnasol y wybodaeth a oedd yn
berthnasol i’w Maes Gwasanaeth (a ddangosir yn Atodiad B o bapurau’r agenda).
Ystyriodd Aelodau'r
Pwyllgor y cyllidebau ar gyfer y meysydd gwasanaeth hynny sydd o fewn cylch
gwaith y Pwyllgor (a ddangosir yn Atodiad C yr adroddiad); sef:
·
Cyfreithiol a Llywodraethu, Pobl a Threfniadaeth a’r
Gwasanaethau Democrataidd
Roedd Elin Prysor, Geraint Edwards a Lowri Edwards yn bresennol i ateb
unrhyw gwestiynau. Cyflwynwyd y wybodaeth gan yr Aelod Cabinet, y Cynghorydd
Ray Quant.
· Economi
ac Adfywio
Roedd Russell Hughes-Pickering yn bresennol i ateb unrhyw gwestiynau.
Cyflwynwyd y wybodaeth gan yr Aelod Cabinet, y Cynghorydd Rhodri Evans.
· Cyswllt
Cwsmeriaid
Roedd Arwyn Morris yn bresennol i ateb unrhyw gwestiynau. Cyflwynwyd y
wybodaeth gan yr Aelod Cabinet, y Cynghorydd Dafydd Edwards.
· Cyllid
a Chaffael / Polisi, Perfformiad a Diogelu’r Cyhoedd
Roedd Stephen Johnson ac Alun Williams yn bresennol i ateb unrhyw
gwestiynau. Cyflwynodd yr Aelodau Cabinet, y Cynghorwyr Ellen ap Gwynn a Gareth
Lloyd y wybodaeth a oedd yn berthnasol i’w portffolios Cabinet.
Diolchodd y Cadeirydd
i’r Aelodau Cabinet am gyflwyno'r wybodaeth.
Yna cyflwynodd yr Aelod
Cabinet perthnasol y Ffioedd a’r Taliadau arfaethedig fel yr amlinellwyd yn Atodiad D, tudalennau 45 i
51 ym mhapurau’r agenda.
Yna rhoddwyd
cyfle i’r Aelodau ofyn cwestiynau, a gafodd eu hateb yn eu tro gan yr Aelod
Cabinet neu’r Swyddog perthnasol. Ymhlith y prif gwestiynau / pwyntiau a godwyd oedd y canlynol:
·
Wrth ymateb i gwestiwn ynglŷn â rhai o’r arbedion a ragwelwyd a
oedd yn ymddangos yn flynyddol, er enghraifft, ad-drefnu gwasanaethau,
cadarnhaodd yr Arweinydd fod y rhain yn cael eu monitro bob chwarter yng
nghyfarfodydd y Grŵp Monitro Perfformiad yr oedd yr Uwch Swyddogion, yr
Aelodau Cabinet a Chadeiryddion ac Is-gadeiryddion y Pwyllgorau Trosolwg a
Chraffu yn bresennol ynddynt;
·
Yn dilyn cwestiwn ynglŷn â rhoi benthyg offer cyfieithu i Gynghorau
Tref a Chymuned, cadarnhaodd un o’r Swyddogion nad oedd y Cyngor yn codi tâl am
hyn. Roedd hyn i annog y Cynghorau Tref a Chymuned i ddefnyddio’r Gymraeg yn
ystod eu cyfarfodydd;
·
Cadarnhawyd bod ffi’r bandstand yn
gysylltiedig â chwyddiant ac nad oedd yn ffi newydd.
·
Wrth ateb cwestiwn ynglŷn â’r ffi ar gyfer newid enwau tai,
cadarnhaodd un o’r swyddogion fod 20 o enwau tai wedi newid o Saesneg i Gymraeg
yn ystod y cyfnod rhwng 1.2.2020 a 1.2.2022 a bod 2 wedi newid o Gymraeg i
Saesneg. Dywedodd un o’r cynghorwyr fod arwyddocâd hanesyddol i rai enwau Saesneg
ar yr arfordir.
Diolchodd y Cadeirydd i'r Arweinydd, yr Aelodau
Cabinet a'r Swyddogion am y wybodaeth a dderbyniwyd yn y cyfarfod, a gofynnodd
i Aelodau'r Pwyllgor bleidleisio yn eu tro a oeddent yn derbyn, yn erbyn, neu'n
ymatal rhag pleidleisio ar yr argymhellion canlynol:
Argymhelliad:
Ar ôl ystyried, cytunodd yr Aelodau i argymell
bod y Cabinet yn:
Diolchodd y Cadeirydd i
Aelodau’r Pwyllgor am fod yn bresennol a daeth y cyfarfod i ben.
Dogfennau ategol: