Cofnodion:
Bu i’r Aelodau ofyn am adroddiad gyda rhagor o wybodaeth
ynghylch y cynigion a gyflwynwyd i'r Pwyllgor hwn ar 10 Hydref 2019. Yn dilyn y cyfarfod hwnnw, argymhellodd y
Pwyllgor y canlynol i’r Cabinet:
·
Cynnal rhagor o waith ar y cynigion a awgrymwyd
o ran y meysydd parcio talu ac arddangos;
·
Dilyn y prosesau ymgynghori gofynnol mewn
perthynas â’r cynnig ar gyfer Maes Parcio Pendre.
Cyflwynodd Gerwyn Jones y sefyllfa bresennol i Aelodau’r
Pwyllgor a hynny ar ffurf
cyflwyniad Pwerbwynt gan ddweud
fod pandemig COVID-19 wedi cael effaith sylweddol ar allu'r Gwasanaeth i ddatblygu prosiectau a
gweithio y tu hwnt i gynnal gwasanaethau rheng flaen.
Mae tîm y Gwasanaethau Parcio wedi bod yn ymwneud llawer
ag ymateb corfforaethol y Cyngor i'r pandemig, sydd wedi gweld staff yn cael eu hadleoli i rolau
yn y Tîm
Profi, Olrhain a Diogelu, y tîm Diogelu'r Cyhoedd a hefyd
yn cefnogi gweithgareddau megis dosbarthu bocsys bwyd i unigolion bregus.
Wrth i sefyllfa’r pandemig
esblygu, mae’r ymateb hefyd wedi esblygu,
ac yn achos tîm y Gwasanaethau Parcio mae’r tîm bellach wedi ailddechrau
ei gyfres lawn o weithgareddau sy'n ymwneud yn bennaf â monitro, cynghori a
gorfodi gwaith sy'n gysylltiedig â chynllun Gorfodi Parcio Sifil y Cyngor a
rheoli'r portffolio o feysydd parcio talu ac arddangos.
Penodwyd Rheolwr newydd ar y Gwasanaethau Parcio, Nicola
Parry, ac mae wedi bod yn ei swydd ers mis
Gorffennaf 2021. Roedd y rôl wedi bod yn wag am dros 12 mis cyn y dyddiad hwn oherwydd y pandemig
ac ailstrwythuro'r Gwasanaethau Amgylcheddol. Yn ogystal â Rheolwr y Gwasanaethau Parcio, mae Tîm bach y Gwasanaethau Parcio ar hyn o
bryd yn cynnwys 4 Swyddog Gwasanaethau Parcio ac 1
Arweinydd Gwaith y Gwasanaethau Parcio. Ar hyn o bryd mae 1
swydd wag ar gyfer Swyddog Gwasanaethau Parcio ac mae proses recriwtio yn mynd yn ei blaen mewn perthynas â hyn.
Mae aelodau’r Tîm Gwasanaethau Parcio bach yn cael eu
lleoli ar sail blaenoriaeth
lle ystyrir y mae’r angen mwyaf a lle mae eu presenoldeb
yn debygol o gael effaith gadarnhaol ar faterion neu bryderon. Mae rhai
materion a lleoliadau, megis yng nghyffiniau ysgolion ar ddechrau a diwedd y diwrnod ysgol, a sefyllfaoedd, megis parcio
ar y palmant, lle mae gallu’r tîm i ddylanwadu ar y rhain yn gyfyngedig.
Yna rhoddodd swyddogion wybod i'r Pwyllgor faint
o docynnau a brynwyd
a’r incwm o holl Feysydd Parcio Talu ac Arddangos
yn nhrefi Ceredigion, fel y dangosir yn yr Adroddiad. Mae'n amlwg y bydd pandemig COVID-19 wedi effeithio'n sylweddol ar y
blynyddoedd 2020/21 a 2021/22 o ran defnydd a’r incwm a gynhyrchwyd drwy'r
peiriannau.
Yna cyfeiriodd y swyddogion at wybodaeth
mewn perthynas â’r tocynnau tymor a ddefnyddir ym Meysydd Parcio Talu ac
Arddangos Ceredigion.
Mae
wedi bod yn bosibl datblygu'r awgrym a wnaed gan y Pwyllgor ym mis
Hydref 2019 o ran darparu mwy o beiriannau parcio sy’n derbyn cerdyn yn
unig.
Mae Meysydd Parcio Talu ac Arddangos y Cyngor wedi bod yn ddi-arian-parod ers
1 Rhagfyr 2020. Mae'r newid, gan
ystyried nifer y trafodion a wnaed, wedi mynd yn dda, gyda'r trefniadau'n cael
eu hadolygu a'u gwella'n barhaus i adlewyrchu'r adborth a dderbynnir a’r
profiad. Gellir gweld yr adroddiad i'r Cabinet, a gyflwynwyd ar 12 Ionawr 2021,
drwy'r ddolen ganlynol:
http://www.ceredigion.gov.uk/cpdl/Democratic_Services_Meetings_Public/(Dwyieitho
g)%20-%20Cashless%20Car%20Parking%20Charges.pdf
Bwriedir rhesymoli'r cynigion
ar draws y meysydd parcio a chodi pris cyson fesul gofod parcio ar gyfer y
rhain ar draws y portffolio o feysydd parcio, fel y nodir ar dudalennau 49 a 50
o’r adroddiad. Pe bai awydd i ystyried rhesymoli'r strwythur codi tâl byddai
angen gwaith modelu pellach i ragweld yr effaith ar gynhyrchu incwm. Oherwydd
lefel yr incwm a gynhyrchir, byddai angen rhoi ystyriaeth ofalus i'r opsiynau a
ystyrir.
Wedyn rhoddwyd cyfle i'r Aelodau ofyn
cwestiynau a atebwyd yn eu tro gan y Swyddogion. Dyma’r prif
bwyntiau:
·
Dywedodd Aelod fod awgrym yn
yr adroddiad ynghylch dechrau codi tâl ym meysydd parcio Llandysul a Thregaron. Bydd hyn
yn cael ei ystyried ymhellach yn ystod y Broses o Baratoi'r Gyllideb. Awgrymodd
yr Aelod fod Aelodau'r Pwyllgor yn ystyried sut y byddai hyn yn effeithio ar
ganol trefi o ran gweithgarwch economaidd. Cadarnhaodd yr Aelod nad oedd o'r
farn y byddai cyflwyno taliadau meysydd parcio yn gost-effeithiol i'r Awdurdod
yn y ddau achos;
·
Dywedodd Aelod o'r Pwyllgor
nad yw’r peiriannau di-arian-parod yn hawdd i’w defnyddio ac awgrymodd eu bod
yn ailystyried y mater. Cadarnhaodd y
Swyddog fod yr angen i fewnbynnu rhif cofrestru eisoes wedi'i ddileu yn dilyn
awgrym Craffu;
·
Dywedodd Aelod fod Swyddfa
Archwilio Cymru wedi cydnabod fod cost mannau parcio ceir yn rhwystr allweddol
rhag i bobl ymweld â Chanol Trefi, gan gael effaith andwyol ar yr economi.
Ar
ôl trafod, gofynnwyd i Aelodau’r Pwyllgor ystyried yr argymhelliad canlynol:
·
Bod y Pwyllgor yn
cefnogi gwneud rhagor o waith ar y cysyniad o
resymoli'r
strwythur codi tâl ym Meysydd Parcio Talu ac Arddangos
Cyngor Sir Ceredigion.
Cytunodd Aelodau’r Pwyllgor i gefnogi
gwneud rhagor o waith ar y
cysyniad o resymoli'r strwythur codi
tâl ym Meysydd Parcio Talu ac Arddangos
Cyngor Sir Ceredigion.
Diolchodd y Cadeirydd i’r Swyddogion
am y wybodaeth.
Dogfennau ategol: