Cofnodion:
Daeth Elizabeth Upcott i’r cyfarfod
i gyflwyno Adroddiad Diogelu Grŵp Gweithredol Lleol ar y Cyd
CYSUR/CWMPAS ar gyfer Chwarter 1 2021/22, 2021/2022. Bu iddi
amlinellu crynodeb o’r prif bwyntiau
fel a ganlyn:
·
Roedd tipyn o gynnydd yn nifer
yr adroddiadau diogelu plant o'i gymharu â'r chwarter
blaenorol a arweiniodd at Drafodaethau Strategaeth/Cyfarfodydd Strategaeth Amddiffyn Plant, 99 o adroddiadau
yn Chwarter 4 o'i gymharu â 116 yn Chwarter 1. Mae hwn yn gynnydd
sylweddol o'r un chwarter y flwyddyn
flaenorol pan gafwyd 85 o adroddiadau a aeth ymlaen i drafodaeth
strategaeth/cyfarfod strategaeth. Gyda'r cyfyngiadau'n cael eu llacio a'r
ysgolion yn ailagor cafwyd twf yn nifer
yr adroddiadau a dderbyniwyd ar ôl i lefelau
adrodd leihau yn ystod y cyfnod
clo.
·
Cynhaliwyd 18 o Gynadleddau
Cychwynnol Amddiffyn Plant yn ystod y chwarter
hwn o'i gymharu
â 9 yn y chwarter blaenorol, sef Chwarter 4.
·
Cyfanswm y plant a gafodd
eu rhoi ar
y Gofrestr Amddiffyn Plant yn dilyn Cynadleddau
Cychwynnol oedd 18 yn y chwarter hwn,
o'i gymharu â 7 yn ystod y chwarter
blaenorol.
·
Unwaith eto
yr heddlu oedd y brif asiantaeth
atgyfeirio yn y chwarter hwn wedi'i
ddilyn gan staff Addysg ac yna staff y
Gwasanaethau Cymdeithasol. Mae hyn
yn dilyn yr un patrwm
â Chwarter 4.
·
Y
pryderon mwyaf a arweiniodd at gwblhau ymholiadau amddiffyn plant oedd honiadau o gam-drin/camfanteisio'n rhywiol (25) a cham-drin corfforol (24). Yn Chwarter 4 y prif gategorïau o gam-drin a gafodd eu
hadrodd oedd cam-drin corfforol (17) a cham-drin rhywiol (16).
·
Roedd y cynadleddau cychwynnol amddiffyn plant a gynhaliwyd yn ystod
y chwarter hwn wedi dyblu o'r
chwarter blaenorol. Cynhaliwyd 94.4% o'r cynadleddau cychwynnol o fewn yr amserlenni.
·
Cynhaliwyd cyfanswm o 12
o Gynadleddau Adolygu Amddiffyn Plant yn ystod y chwarter hwn. Roedd y rhain
ar gyfer cyfanswm o 24 o blant o 12 teulu. O ganlyniad i'r cynadleddau adolygu roedd 7 plentyn wedi parhau
ar y gofrestr a chafodd 17 o blant eu dileu o'r
Gofrestr Amddiffyn Plant. O'r nifer y plant a gafodd eu dileu
o'r gofrestr, roedd 16 o blant yn parhau i
fod yn destun
Cynllun Plentyn sydd Angen Gofal
a Chymorth.
·
Mewn 95% o'r cynadleddau a gynhaliwyd roedd o leiaf un aelod o'r teulu
sydd â Chyfrifoldeb Rhieni yn bresennol
yn y gynhadledd, ac mewn 90% o'r cynadleddau
a gynhaliwyd cafodd barn y plentyn ei chynrychioli.
·
Y
prif ffactorau risg i blant
a gafodd eu cofnodi o'r cynadleddau
oedd cam-drin domestig, rhieni ddim yn cydweithredu
â Chynllun Amddiffyn Plant,
rhieni'n gwahanu, ac anawsterau iechyd meddwl rhieni.
·
Roedd nifer y plant ar y Gofrestr Amddiffyn Plant yn gyson â'r
chwarter blaenorol. Fodd bynnag, cafodd
17 o blant eu datgofrestru a chafodd 18 o blant eraill eu
cofrestru yn y Gynhadledd Gychwynnol Amddiffyn Plant.
Yn dilyn cwestiwn
ynglŷn â chapasiti’r staff,
cadarnhawyd bod yna swyddi gwag oedd
angen eu llenwi. Serch hynny,
roedd holl ofynion y gwaith statudol yn cael eu bodloni
ac roedd y staff yn parhau i weithio’n
ddiflino yn y gwasanaeth hwn. Roedd gwaith partneriaeth
yn allweddol. Er enghraifft, roedd Swyddogion Cyswllt yr Heddlu
wedi’u neilltuo i bob ysgol yng
Ngheredigion ac roedd galw am eu cefnogaeth
yn rheolaidd.
Codwyd pryder ynghylch
y cynnydd mewn atgyfeiriadau Amddiffyn Plant a chadarnhaodd y Swyddog fod Gweithwyr Cymdeithasol
wedi parhau i gynnal ymweliadau
hanfodol ar gyfer y teuluoedd hynny lle’r oedd
y plant ar y Gofrestr Amddiffyn Plant hyd yn oed yn
ystod y cyfnod clo, gan gadw
at ganllawiau Covid. Dywedodd un o’r
Aelodau wrth y Pwyllgor ei fod
yn ymwybodol o athrawon a oedd yn ymweld â chartrefi
teuluoedd y plant yn ystod y cyfnod clo i ddarparu
gwaith cartref i’r plentyn fel
ffordd o fonitro’r plant hynny a oedd ar
y Gofrestr Amddiffyn Plant.
Cadarnhaodd y Cynghorydd Alun
Williams, yr Aelod Cabinet,
fod recriwtio staff yn fater o bryder
a bod Staff Asiantaeth yn cael eu cyflogi
i gynorthwyo. Dywedodd hefyd fod nifer yr
atgyfeiriadau lefel uchel hefyd yn
fater o bryder. Ychwanegodd ei fod hefyd
o’r farn fod cyllideb sylfaenol
y Gwasanaethau Cymdeithasol yn
rhy isel i fodloni’r dyletswyddau
statudol. Diolchodd i’r Swyddogion / Staff am eu gwaith caled
parhaus.
Yn dilyn trafodaeth,
cytunodd yr Aelodau i nodi
cynnwys yr adroddiad a'r lefel
o weithgarwch o fewn yr Awdurdod Lleol
fel bod trefniadau llywodraethu gweithgarwch yr Awdurdod Lleol
ac asiantaethau sy’n bartneriaid yn cael eu monitro.
Nodwyd bod gan ddiogelu statws coch ar hyn
o bryd ar Gofrestr Risgiau’r Awdurdod.
Diolchodd y Cadeirydd i Elizabeth Upcott am gyflwyno’r wybodaeth a gofynnodd iddi ddiolch i’r
Staff am eu hymdrechion parhaus.
Dogfennau ategol: