Cofnodion:
Dywedodd y
Cynghorydd Rhodri Evans, Aelod Cabinet, nad oedd y Cynghorydd Dafydd Edwards,
Aelod Cabinet yn medru bod yn bresennol yn y cyfarfod i gyflwyno’r adroddiad ac
felly byddai’r swyddogion yn gwneud hynny.
Croesawodd y
Cadeirydd Russell Hughes-Pickering, Rhodri Llwyd a Steve Hallows i’r cyfarfod.
Rhoddodd Russell
Hughes-Pickering grynodeb byr i’r Aelodau o’r wybodaeth a gyflwynwyd i’r
Pwyllgor ar 1 Hydref 2021. Cyfeiriodd yn benodol at y camau nesaf yr
oedd wedi sôn amdanynt yn y cyfarfod hwnnw a oedd yn cynnwys ymgysylltu â’r
Aelodau Lleol a’r Aelodau Cabinet ym mis Hydref a chyflwyno’r adroddiad hwn i’r Pwyllgor Craffu
heddiw. Dywedodd hefyd y byddai’r adroddiad hwn yn cael ei gyflwyno gerbron y
Cabinet ym mis Ionawr 2022. Pe byddai’r cynigion yn cael eu cefnogi,
cadarnhaodd y byddai Gorchymyn Rheoleiddio Traffig Arbrofol (ETRO) yn cael ei
gyflwyno ac y byddai hyn yn cynnwys cyfnod ymgynghori o chwe mis er mwyn casglu
barn y cyhoedd.
Ar ôl hynny
cyflwynodd Steve Hallows y cynigion ar gyfer Gorchmynion Rheoleiddio Traffig
Arbrofol fel rhan o’r broses o wneud elfennau dethol sy’n ymwneud â pharcio a
llif y traffig, a roddwyd ar waith dros dro mewn ymateb i’r pandemig Covid-19,
yn nodweddion parhaol. Dywedodd y Swyddog fod nifer o fesurau rheoli traffig
wedi’u cyflwyno drwy gyfrwng Gorchmynion Rheoleiddio Traffig Dros Dro (TRRO) yn
Aberaeron, Aberystwyth, Aberteifi a Cheinewydd, er mwyn hwyluso ymbellhau
cymdeithasol yn ystod cyfyngiadau’r cyfnodau clo yn sgil y pandemig Covid-19.
Mae Gorchmynion Rheoleiddio Traffig Dros Dro yn para uchafswm o 18 mis, ac
mae’r rhai hynny sydd mewn grym yn dechrau dod i ben o
fis Hydref 2022 ymlaen. Mae’n bosibl iddynt gael eu
hymestyn gyda chaniatâd priodol ond dim ond os yw’r rhesymeg sydd wrth wraidd
eu creu yn dal yn berthnasol ac yn ddilys. Dywedwyd bod hyn yn annhebygol ar
hyn o bryd o ystyried bod y cyfyngiadau clo cyntaf wedi’u llacio.
Dywedodd Mr
Hallows fod adolygiad o’r trefniadau dros dro wedi cydnabod bod rhai o’r
elfennau wedi bod o fudd ehangach i gymdeithas a bod achos dros ddechrau’r
broses gyfreithiol i ystyried gwneud y rhain yn fwy parhaol, drwy wneud dau
Orchymyn Rheoleiddio Traffig Arbrofol. Un er mwyn
ymdrin â’r cyfyngiadau parcio a fydd yn diwygio’r Gorchymyn Parcio Traffig sy’n
bodoli ar lefel sirol ac un i ymdrin â’r rheoliadau ‘symud’, megis llif traffig
unffordd, gwaharddiadau troi i’r dde/chwith, dim mynediad ayb.
Aeth y Swyddog
yn ei flaen wedyn i esbonio’r broses. Ar ôl cyhoeddi Hysbysiad o Fwriad, byddai gan aelodau’r cyhoedd gyfnod
o chwe mis pan fyddai modd iddynt gyflwyno gwrthwynebiadau ffurfiol i’r
broses Gorchmynion Rheoleiddio Traffig Arbrofol. Esboniodd hefyd y gall Gorchymyn Rheoleiddio Traffig Arbrofol barhau mewn grym am
gyfnod o hyd at 18 mis. Ar ddiwedd y cyfnod chwe mis cychwynnol ar gyfer
gwrthwynebiadau, gall yr Awdurdod benderfynu dirymu Gorchymyn Rheoleiddio
Traffig Arbrofol, ei ddiwygio neu ei wneud yn barhaol. Drwy ddefnyddio
Gorchmynion Rheoleiddio Traffig Arbrofol fel y broses o wneud nodweddion yn
barhaol a’u haddasu lle bo angen, caniateir cyfnod hwy, felly, pan ellir
monitro eu heffeithiau a gall aelodau’r cyhoedd fynegi unrhyw wrthwynebiadau
i gyflwyno Gorchmynion Rheoleiddio Traffig Parhaol. Ar ôl
hynny, cafodd y mesurau arfaethedig i gadw/newid eu cyflwyno i’r Aelodau fel
a ganlyn: |
ABERTEIFI Yn ogystal â’r Gorchmynion
Rheoleiddio Traffig Arbrofol a amlinellir uchod,
cynghorir cadw’r adrannau o’r droedffordd a ledwyd yn y lleoliadau canlynol.
Mae’r rhain wedi eu lleoli yn: ·
Y
Stryd Fawr (ger Belottis) ·
Neuadd
y Dref ·
Pendre
(ger y Siop Sglodion) ·
Stryd
y Priordy (Crwst) Cynigir cynnwys y mesurau parcio
canlynol yn y Gorchmynion Rheoliadau Traffig Arbrofol: 1. Cyflwyno Cilfan Lwytho newydd 12 metr o
hyd, o ddydd Llun i ddydd Sadwrn, rhwng 8am a 5pm am 20 munud a dim dychwelyd
o fewn 20 munud ar Y Stryd Fawr gyferbyn â’r safle bws (a fydd yn cael ei
adfer) i’r de o Neuadd y Sir. Bydd hon yn lle’r Gilfan Lwytho dros dro a
gyflwynwyd yn lleoliad y safle bws. Bydd y Gilfan Lwytho newydd yn lle rhan
o’r gilfan aros am amser cyfyngedig a oedd ar ochr arall y ffordd cyn
cyflwyno’r parth diogel. 2. Cyflwyno man parcio newydd i Ddeiliaid
Bathodyn Anabl yn unig, rhwng 8am a 6pm, 3 awr a dim dychwelyd o fewn 3 awr
wrth ochr y Gilfan lwytho uchod yn 1 er mwyn meddiannu gweddill y gilfan
lle’r oedd aros cyfyngedig. 3. Cyflwyno gwaharddiad newydd rhag Aros ar
Unrhyw Adeg ar y Stryd Fawr o ben gogleddol y safle bws i’r de o Neuadd y Sir
i’r groesffordd â Lôn y Farchnad (ychydig y tu hwnt i siop delicatessen
Belotti) 4. Cadw’r adran a gyflwynwyd dros dro yn yr
ardal lle y gwaharddwyd Aros ar unrhyw adeg ar Stryd y Priordy, ger Crwst,
lle y gosodwyd darn estynedig newydd. 5. Cadw’r adran a gyflwynwyd dros dro yn
lle parcio ar gyfer Deiliaid Bathodyn Anabl yn Unig, rhwng 8am a 6pm, 3 awr a
dim dychwelyd am 3 awr ger y Clinig Traed ar ochr arall Stryd y Priordy. 6. Cadw’r
gwaharddiad dros dro rhag aros ar unrhyw amser ym Mhendre o Mundos/Caffi Food
for Thought i’r gyffordd â Rhodfa’r Felin gerllaw
Caffi a Siop Pysgod a Sglodion Pendre. Cynigir cynnwys y Gwaharddiadau
canlynol rhag Symud yn y Gorchmynion Rheoliadau Traffig Arbrofol: 1. Cadw’r
llif traffig unffordd a gyflwynwyd dros dro yn Rhes y Coleg (o’r Stryd Fawr i
Res y Frenhines/Mwldan Ganol ger maes parcio
Caeglas). 2. Cyflwyno
gwaharddiad newydd rhag troi i’r chwith o’r [maes parcio] ym Mwldan Uchaf i
mewn i Res y Coleg 3. Cyflwyno
gwaharddiad rhag troi i’r dde o Fwldan Ganol i mewn i Res y Coleg. 4. Cyflwyno
llif traffig unffordd newydd ym Mhwllhai o Ganolfan Hen Bethau Aberteifi
(Cardigan Antiques Centre) i’r gyffordd â’r Stryd Fawr (o’r dwyrain i’r
gorllewin). 5. Cyflwyno
llif traffig unffordd newydd yn Lôn Siawnsri o gyfeiriad Stryd y Santes Fair
i’r Stryd Fawr (o’r de i’r gogledd). CEINEWYDD Cynigir cynnwys y mesur parcio
canlynol yn y Gorchmynion Rheoleiddio Traffig Arbrofol: 1. Cadw’r
parcio ar gyfer Deiliaid Bathodyn Anabl yn unig rhwng 9am a 5pm, 3 awr a dim
dychwelyd o fewn 3 awr a osodwyd dros dro ar yr ochr sy’n wynebu’r môr o Res
Glanmor yn y bae gyferbyn â’r Penwig. 2. Cyflwyno
Gwaharddiad newydd rhag Parcio ar unrhyw adeg ar ochr orllewinol Stryd Ioan
ac ar bob ochr i’w chyffordd â Stryd yr Efail i ymuno â’r Gwaharddiadau
presennol rhag Parcio ar unrhyw adeg. 3. Cyflwyno
Gwaharddiad newydd rhag parcio ar unrhyw adeg ar Stryd Ioan o ddiwedd y
gwaharddiad presennol rhag parcio ar unrhyw adeg ger eiddo o’r enw The Marina
i ffin yr eiddo ar ochr y tir o Dŷ Glyn yng Nglan Dolau gyferbyn â’r
gyffordd â Maes yr Odyn. Cynigir cynnwys y canlynol yn y
Gwaharddiad rhag Symud yn y
Gorchmynion Rheoleiddio Traffig Arbrofol: 1. Cadw’r
rhan o’r llif traffig unffordd ar Heol y Dŵr o’r gyffordd â Stryd yr Hen
Goleg wrth deithio i’r gogledd-ddwyrain i’r gyffordd â’r Beili. 2. Cyflwyno
gwaharddiad newydd rhag troi i’r dde o Res y Morwyr i mewn i Heol y Dŵr.
3. Cyflwyno
gwaharddiad newydd rhag troi i’r chwith o’r Beili i mewn i Heol y Dŵr. ABERAERON Yn ychwanegol at y
Gorchmynion Rheoleiddio Traffig Arbrofol a
amlinellir isod, cynghorir cadw’r adran a ledwyd o’r droedffordd yn y
lleoliadau canlynol. Mae’r rhain wedi’u lleoli ar ·
Heol y Farchnad (ger Tafarn Cadwgan, Celtic,
Costcutters) Argymhellir
i Lywodraeth Cymru / Asiant Cefnffyrdd Gogledd a Chanolbarth Cymru bod y rhan
o’r droedffordd sydd wedi ei lledu ger Ambassadors ar yr A487 yn cael ei
thynnu ymaith a bod y rhan hon yn dychwelyd i fod yn fan lle mae cyfyngu ar
aros, a bod y rhan sydd â llinellau melyn dwbl ger y gyffordd â’r A487 a
Sgwâr Alban ger y Royal Oak yn cael ei chadw. Cynigir cynnwys y mesurau
parcio canlynol yn y Gorchmynion Rheoleiddio Traffig Arbrofol: 1. Cadw hanner deheuol (tuag at gefnffordd
yr A487) y parcio i Ddeiliaid Bathodyn Anabl yn unig, 2 awr a dim dychwelyd
am ddwy awr a gyflwynwyd dros dro i’r gilfan ar ochr arall y ffordd i
Costcutter ar Heol y Farchnad. Bydd hanner gogleddol y gilfan (tuag at yr
harbwr) yn mynd yn ôl i fod yn aros cyfyngedig, o ddydd Llun i ddydd Sadwrn,
rhwng 9am a 6pm, 1 awr a dim dychwelyd o fewn yr awr. 2. Cadw’r rhan lle ceir gwaharddiad rhag
aros ar unrhyw adeg gyferbyn y cilfannau uchod – ar gyfer deiliaid bathodyn
anabl a lle ceir cyfyngu ar aros (i) y tu allan i Costcutter i gydfynd â’r
droedffordd a ledwyd (ac sydd wedi’i chadw. 3. Cadw’r
rhan o’r Gwaharddiad Rhag Aros ar Unrhyw Adeg a gyflwynwyd dros dro yng
Nghadwgan ar yr ochr sydd ar bwys Pwll Cam o’r gyffordd â Heol y Farchnad /
Stryd y Tabernacl hyd at y gyffordd â Lôn Ganol, ac ymestyn hyn i’r gyffordd
â Phen Cei ger The Hive, gan gynnwys y fynedfa at lan cei yr harbwr. 4. Cadw’r rhan lle ceir parcio i Ddeiliaid
Bathodyn Anabl yn unig, 2 awr a dim dychwelyd o fewn 2 awr a gyflwynwyd dros
dro ar ochr ddeheuol Stryd Buddug ger Neuadd y Sir. 5. Cyflwyno Cilfan newydd i Gerbydau
Nwyddau ar gyfer Llwytho yn unig, o ddydd Llun i ddydd Sadwrn, rhwng 9am a
5pm, 30 munud a dim dychwelyd o fewn awr, 12 metr o hyd ar ochr orllewinol
Sgwâr Alban ar ochr orllewinol y ffordd. 6. Cyflwyno cilfan newydd ar gyfer Deiliaid
Bathodyn Anabl yn Unig, 6.6 metr o hyd ar ochr orllewinol Sgwâr Alban ar ochr
orllewinol y ffordd.. Cynigir cynnwys y
Gwaharddiadau rhag Symud canlynol yn y Gorchmynion Rheoleiddio Traffig Arbrofol: 1. Cadw’r llif traffig unffordd a
gyflwynwyd dros dro ar ran isaf Ffordd y Gaer o’r gogledd i’r maes parcio
talu ac arddangos, hyd at lan y môr, ar hyd glan y môr ac i mewn i Stryd y
Tabernacl ac yna Heol y Farchnad. 2. Cyflwyno gwaharddiad newydd rhag troi
i’r chwith o Heol Tudur i Stryd y Tabernacl. 3. Cyflwyno gwaharddiad newydd rhag troi
i’r dde o Lan y Môr i Stryd y Tabernacl. ABERYSTWYTH
Yn ychwanegol at y
Gorchmynion Rheoleiddio Traffig Arbrofol a
amlinellir isod cynghorir bod y rhannau o’r droedffordd sydd wedi eu lledu yn
y lleoliadau canlynol yn cael eu cadw. Mae’r rhain wedi eu lleoli fel a
ganlyn: ·
Heol
y Wig (ger Sports Direct a Cactws) ·
Y
Ffynnon Haearn (ger Evola) ·
Ffordd
y Môr (ger Stars a Boots) Cynigir cynnwys y mesurau
parcio canlynol yn y Gorchmynion
Rheoleiddio Traffig Arbrofol: |
1. Cael
gwared ar y parcio ar gyfer Deiliaid Bathodyn Anabl, 2 awr a dim dychwelyd o
fewn 2 awr (2-3 lle) ar Stryd y Farchnad ac yn lle hynny rhoi Gwaharddiad
rhag Aros ar unrhyw Adeg. 2. Cadw’r
Gwaharddiad rhag Aros ar unrhyw Adeg a gyflwynwyd dros dro ar ochr orllewinol
Heol y Wig rhwng y gyffordd â’r Stryd Newydd a Stryd y Brenin. (Roedd hwn
wedi ei osod yn lle llinell felen sengl a oedd yn
Gwahardd rhag Aros rhwng 9am a 6pm). 3. Cadw’r
Gilfan i Gerbydau Nwyddau ar gyfer Llwytho yn unig, o ddydd Llun i ddydd
Sadwrn, 8am i 6pm, 1 awr a dim dychwelyd o fewn 1 awr a gyflwynwyd dros dro
ar ochr ddwyreiniol y Ffynnon Haearn y tu allan i
salon trin gwallt Evola a siop gigydd Rattray. 4. Cadw’r
Gwaharddiad rhag Aros ar Unrhyw Adeg a gyflwynwyd dros dro yn lle cilfan
lwytho ac aros cyfyngedig ar ochr orllewinol y Ffynnon Haearn gyferbyn â’r
Gilfan Lwytho yn ii) uchod. 5. Cadw’r
parcio ar gyfer Deiliaid Bathodyn Anabl yn unig rhwng 11am a 6pm, 2 awr a dim
dychwelyd o fewn 2 awr a gyflwynwyd dros dro ar ochr orllewinol y Ffynnon
Haearn ger Cymdeithas Gofal ayb. ond addasu’r amser
i fod rhwng 9am a 5pm, 2 awr a dim dychwelyd o fewn 2 awr.. 6. Cadw’r rhan parcio ar gyfer Deiliaid Bathodyn Anabl yn unig, o
ddydd Llun i ddydd Sadwrn, rhwng 9am a 5pm, 2 awr a dim dychwelyd o fewn 2
awr a gyflwynwyd dros dro ar ochr orllewinol Stryd y Popty (bydd y gilfan ar
ochr ddwyreiniol Stryd y Popty yn dychwelyd i fod yn Gilfan Lwytho, o ddydd
Llun i ddydd Sadwrn, rhwng 8am a 1pm, 1 awr a dim dychwelyd o fewn 1 awr;
Aros Cyfyngedig, o ddydd Llun i ddydd Sadwrn rhwng 1pm a 6pm, 30 munud a dim
dychwelyd o fewn 30 munud). 7. Cadw’r
parcio ar gyfer Deiliaid Bathodyn Anabl yn Unig, o ddydd Llun i ddydd Sadwrn,
rhwng 8am a 5pm, 2 awr dim dychwelyd o fewn dwy awr ar ochr ogleddol y Porth
Bach y tu allan i Downies Vaults, Fusion King ayb. 8. Cadw’r
gilfan i gerbydau nwyddau ar gyfer llwytho yn unig, o ddydd Llun i ddydd
Sadwrn, 8am i 5pm, 1 awr a dim dychwelyd o fewn 1awr a gyflwynwyd dros dro ar
ochr ogleddol Stryd Portland wrth y gyffordd â Ffordd y Môr, y tu allan i fynedfa fach fferyllfa Boots. 9. Cadw’r parcio ar gyfer deiliaid bathodyn
anabl yn unig 9am i 5pm, 2 awr a dim dychwelyd o fewn 2 awr a gyflwynwyd dros
dro ar ochr orllewinol Maes Lowri ger eglwys San Mihangel, ond newid yr amser
i 9am i 5pm, 2 awr a dim dychwelyd o fewn 2 awr. 10. Cadw’r
Gilfan i Gerbydau Nwyddau ar gyfer Llwytho yn unig o ddydd Llun i ddydd
Sadwrn rhwng 8am a 5pm, 1 awr a dim dychwelyd o fewn 1 awr y tu allan i rifau
8 i 10 am 14.6 metr a gyflwynwyd dros dro ar ochr orllewinol Heol y Wig (ger
Sports Direct) 11. Cadw’r
Gilfan i Gerbydau Nwyddau ar gyfer Llwytho yn unig o ddydd Llun i ddydd
Sadwrn rhwng 8am a 5pm, 1awr a dim dychwelyd o fewn 1 awr a gyflwynwyd dros
dro y tu allan i siop Cactws am 12 metr ar ochr
ddwyreiniol Heol y Wig. 12. Cadw’r
Gilfan i Gerbydau Nwyddau ar gyfer Llwytho yn unig o ddydd Llun i ddydd Sadwrn,
rhwng 8 am a 5pm, 1 awr a dim dychwelyd o fewn 1 awr a gyflwynwyd dros dro ar
ochr orllewinol Ffordd y Môr ger Stars. |
Cynigir
cynnwys y Gwaharddiadau Symud canlynol yn y Gorchmynion Rheoleiddio Traffig
Arbrofol: 1.
Cadw’r
llif traffig unffordd a gyflwynwyd dros dro ar Heol y Wig (o’r de i’r gogledd
o’r Stryd Fawr i’r Promenâd Newydd/Glan-y-Môr). 2.
Cyflwyno
Gwaharddiad rhag Troi i’r Chwith o’r Porth Bach i Heol y Wig, er mwyn ategu’r
system unffordd yn Heol y Wig. 3.
Cyflwyno
Gwaharddiad newydd rhag Troi i’r Dde o Stryd y Brenin i Heol y Wig. 4.
Cadw’r
llif traffig unffordd a gyflwynwyd dros dro ar Ffordd y Môr o lan y môr yng
Nglany-Môr i’r cyffyrdd â Stryd Portland 5.
Cyflwyno
Gwaharddiad newydd rhag Troi i’r Dde o fraich ddwyreiniol Stryd Portland i
Ffordd y Môr. 6.
Cyflwyno
Gwaharddiad rhag Troi i’r Chwith o fraich orllewinol Stryd Portland i Ffordd
y Môr. 7.
Cyflwyno
Gwaharddiad newydd rhag Troi i’r Dde o Ffordd Portland i Ffordd y Môr. 8.
Cadw’r
llif traffig unffordd a gyflwynwyd dros dro ar Stryd y Popty, o gyfeiriad y
gyffordd â Stryd Portland tuag at y gyffordd â Rhodfa’r Gogledd/Y Stryd Fawr. 9.
Cyflwyno
Gwaharddiad newydd rhag Troi i’r Dde o Stryd y Baddon i Ffordd y Môr. 10. Cadw’r llif traffig unffordd a
gyflwynwyd dros dro ar Stryd y Baddon. 11. Cyflwyno gwaharddiadau rhag troi (i’r
chwith ac i’r dde) o’r Morfa Mawr i Stryd Baddon. Diolchodd y Cadeirydd i Steve
Hallows am gyflwyno’r wybodaeth a gwahoddodd gwestiynau gan Aelodau’r
Pwyllgor. Gofynnodd yr Aelodau nifer o gwestiynau ynglŷn â’r ardaloedd a oedd o ddiddordeb ynddyn nhw ac atebwyd y cwestiynau
hynny yn eu tro gan y Swyddogion. Gofynnodd yr Aelodau i
ystyriaeth gael ei rhoi i bobl oedrannus ac eiddil nad oes ganddynt fathodyn
glas gan fod parcio yn agos i'r dref yn bwysig iawn iddynt. Wrth ymateb, cadarnhawyd
bod yr astudiaeth a wnaed wedi edrych ar bob tref yn unigol. Wrth ymateb i gwestiwn,
cadarnhaodd y Swyddogion y byddai angen iddynt ymchwilio i’r oriau a
ganiateir o dan y Bathodyn Glas. Roedd un o’r Aelodau wedi nodi bod yr oriau
a ganiateir wedi gostwng o 3 awr i 2 awr. Roedd yr Aelod o’r farn y dylai’r 3
awr a ganiateid yn wreiddiol ddychwelyd bellach ym mhob un o’r lleoliadau dan
sylw. Wrth ymateb i gwestiwn arall,
cadarnhaodd y Swyddogion fod dŵr yn cronni wedi bod yn broblem mewn rhai
mannau. Dywedwyd bod modd datrys y broblem hon yn weddol hawdd. Yn dilyn ymholiad, cadarnhawyd
y byddai ffioedd trwyddedu ar waith o 2022 ymlaen, ac mai’r rheswm am beidio
â chodi tâl tan hynny oedd yr angen i gefnogi masnachwyr Ceredigion yn ystod
cyfnod hynod o heriol ac anodd. Mynegodd un o’r Cynghorwyr ei
siom bod aelod o’r cyhoedd wedi gwneud cais i siarad ynglŷn â pharcio
i’r anabl yn y cyfarfod y bore yma ond bod y cais hwnnw wedi’i wrthod. Yn dilyn cwestiwn, cadarnhawyd
bod parcio i’r cyhoedd ar gael am 30 munud ar Stryd y Popty, Aberystwyth
rhwng 1pm a 6pm bob dydd. Pwysleisiwyd
hefyd, gan y byddai’r ymgynghoriad yn para 6 mis, y byddai pob sylw, awgrym a
barn ynglŷn â’r cynigion hyn a’r holl drefniadau eraill yn cael eu hystyried. Yn dilyn cwestiwn ynglŷn
ag Aberteifi, cadarnhawyd bod y gilfan lwytho ger y Castell wedi’i lleoli mor
agos ag y bo modd er mwyn i draffig fedru mynd heibio yn hwylus. Hefyd,
gofynnwyd i’r swyddogion ymchwilio i’r cais am arwyddion i rybuddio lorïau
bod ffordd benodol yn anaddas ar gyfer cerbydau nwyddau trwm. Gwnaed cais am
weld y warden traffig ym Mhendre yn amlach. Cytunodd Aelodau’r Pwyllgor
fod angen rhoi cyhoeddusrwydd i’r hysbysiad o fwriad, a fyddai’n ymddangos yn
y wasg ym mis Chwefror 2021 ac yn cynnwys gwybodaeth am y cyfnod ymgynghori 6
mis, gan sicrhau bod y cyhoedd yn ymwybodol ohono. Cytunodd Aelodau’r Pwyllgor
fod sicrhau mynediad rhwydd i bawb yn allweddol a bod angen ystyried
anghenion pobl hŷn ac eiddil (y rheiny heb fathodynnau glas) hefyd.
Argymhellwyd y dylid sicrhau, wrth bennu ffioedd parcio, eu bod yn
fforddiadwy i bawb fel y gall y trigolion barhau i siopa yn eu trefi
lleol. Wrth ymateb i gwestiwn
ynglŷn â’r amserlen arfaethedig ar gyfer gweithredu’r cynigion, dywedwyd
mai cynigion y swyddogion oedd y rhain ac y byddai angen i’r Cabinet eu
cadarnhau. Dywedodd un o Aelodau’r
Pwyllgor ei fod wedi derbyn nifer o gwynion oddi wrth ei etholwyr a oedd yn byw y tu allan i Aberystwyth. Esboniodd nad
oeddent bellach yn teimlo’n gyffyrddus yn siopa yn y dref oherwydd y ffyrdd a oedd wedi’u cau a’r systemau unffordd. Cadarnhaodd un o’r swyddogion fod y parthau
diogel yn fater ar wahân ac y byddai gan y cyhoedd y cyfle i roi eu barn am y
gorchmynion arbrofol hyn. Croesawodd Aelodau’r Pwyllgor y cyfle i ymateb
drwy'r ymgynghoriad. Ar ôl hynny, rhoddodd y
Cadeirydd y cyfle i’r Aelodau nad oeddent yn Aelodau o’r Pwyllgor siarad a chodwyd y pryderon canlynol: · Bu’n hynod o anodd i’r preswylwyr barcio a dylid
ystyried yr effaith ar yr unigolion hynny; · Dylid ystyried effeithlonrwydd llif y traffig; · Byddai adroddiad llawn ar yr effaith economaidd
yn fuddiol; · Awgrymwyd y dylid ystyried man gollwng teithwyr y
tu allan i’r Factory Shop yn
Aberteifi; · Roedd ymestyn y palmentydd wedi arwain at fwy o
lifogydd ym Mhendre, Aberteifi. Yn dilyn trafodaeth hir,
gofynnwyd i Aelodau’r Pwyllgor ystyried yr argymhelliad canlynol: ARGYMHELLIAD: Argymhellir bod y
cynigion hyn ac unrhyw newidiadau, y tybir eu bod yn angenrheidiol, yn cael
eu cymeradwyo i’w cyflwyno i’r Cabinet, er mwyn ceisio caniatâd i wneud y
Gorchmynion Rheoleiddio Traffig Arbrofol a chyhoeddi Hysbysiad i’r perwyl
hwnnw yn y wasg leol a dirymu pob mesur arall sy’n gysylltiedig â Gorchmynion
Traffig Dros Dro y Parthau Diogel. Cytunodd
Aelodau’r Pwyllgor i argymell yr argymhelliad diwygiedig canlynol (y
newidiadau i’w gweld yn y print bras) i’r cabinet: Argymhellir bod y
cynigion hyn ac unrhyw newidiadau, y tybir eu bod yn angenrheidiol yn dilyn trafodaeth yng nghyfarfod y
Pwyllgor Trosolwg a Chraffu Cymunedau Ffyniannus a gynhaliwyd ar 8 Tachwedd,
ac ar ôl ymgynghori â’r Aelodau Lleol yn cael eu
cymeradwyo i’w cyflwyno i’r Cabinet, er mwyn ceisio caniatâd i wneud y
Gorchmynion Rheoleiddio Traffig Arbrofol a chyhoeddi Hysbysiad i’r perwyl
hwnnw yn y wasg leol a dirymu pob mesur arall sy’n gysylltiedig â Gorchmynion
Traffig Dros Dro y Parthau Diogel. Diolchodd y Cadeirydd i’r
Swyddogion, yr Aelod Cabinet a’r Aelodau eraill am eu cyfraniad i’r cyfarfod.
Dymunodd Nadolig Llawen i bawb gan ddweud ei fod yn edrych ymlaen at weld
pawb yn y Flwyddyn Newydd. |
|
|
|
Dogfennau ategol: