Agenda a Chofnodion

Ymddiheurodd y Cynghorwyr Wyn Evans a Caryl Roberts am na fedrent ddod i’r cyfarfod

Dim.

PENDERFYNWYD cadarnhau bod cofnodion cyfarfod y Pwyllgor a gynhaliwyd ar 16 Mawrth 2023 yn gywir.

Materion yn codi

Dim.

Ystyriwyd y diweddariad cyffredinol ynghylch tacsis a materion eraill (Anstatudol). Cyflwynwyd yr adroddiad er mwyn hysbysu’r Aelodau o waith yr Adain Drwyddedu ers cyfarfod diwethaf y Pwyllgor a’r gwaith oedd yn cael ei wneud ar hyn o bryd.

·       Papur Gwyn Llywodraeth Cymru  - Bil Tacsis a Cherbydau Hurio Preifat (Cymru)

• Ymgynghoriad – Cynllun trwyddedu statudol i ddarparwyr llety ymwelwyr yng Nghymru.

·       Wythnos Drwyddedu Genedlaethol 2023 - 12-16 Mehefin 2023

Cynllun “Dywedwch Wrthym Unwaith” y Llywodraeth a oedd bellach yn cynnwys trwyddedau a hawlenni.

Yn dilyn cwestiynau o’r llawr, CYTUNWYD:

(i) i nodi’r adroddiad er gwybodaeth; ac

(ii) i groesawu cynllun “Dywedwch Wrthym Unwaith” Wythnos Drwyddedu Genedlaethol 2023 (12-16 Mehefin 2023) a oedd bellach yn cynnwys trwyddedau a hawlenni gan y byddai hyn yn lleihau biwrocratiaeth yn y system.

Hefyd, awgrymodd yr Aelodau y dylai swyddogion y gwasanaeth ystyried cynnal eu harchwiliadau o fusnesau ar y cyd, pe byddai unrhyw fusnes yn y Sir yn gofyn am hynny. Dywedwyd bod hyn wedi’i wneud yng nghyswllt rhai archwiliadau, ac y byddai hyn yn cael ei ystyried ymhellach yn y dyfodol.