Agenda a chofnodion drafft

Ymddiheurodd y Cynghorydd Delyth James am fethu â mynychu'r cyfarfod.

Dim

Ni chafwyd unrhyw ddatganiad o fuddiant personol na buddiant sy’n rhagfarnu.

Derbyniwyd cais am ollyngiad ar 20 Chwefror 2025 gan y Cynghorydd Matthew Vaux i siarad yn unig am y cais cynllunio ar dir Maes Parcio Canolog, Cei Newydd gan gymdeithas dai Barcud.  Mae’r Cynghorydd Vaux yn berchen ar siop decawê a bwyty pysgod a sglodion yng Nghei Newydd sy’n dibynnu ar y fasnach dwristiaeth yn ystod tymor yr haf.

Roedd y Cynghorydd Vaux yn bresennol yn y cyfarfod i gyflwyno ei gais ac atebodd gwestiynau ynghylch ei gais.

Gofynnwyd i'r Cynghorydd Vaux adael y Siambr er mwyn i’r Pwyllgor ystyried ei gais.

PENDERFYNWYD rhoi gollyngiad i’r Cynghorydd Vaux siarad yn unig ar y sail bod natur buddiant yr aelod o'r fath fel bod cyfranogiad yr aelod yn y busnes y mae'r buddiant yn ymwneud ag ef yn gyffredin i'r aelod ac i gyfran sylweddol o'r cyhoedd yn gyffredinol (rheoliad 2(e) o Reoliadau Pwyllgorau Safonau (Caniatáu Gollyngiadau) (Cymru) 2001.

Rhoddwyd y gollyngiad am gyfnod o 12 mis yng nghyfarfodydd y Pwyllgor Rheoli Datblygu.

Cofnod 6 - Adroddwyd bod yr hyfforddiant cod ymddygiad ar gyfer Cynghorau Tref a Chymuned wedi cael ei gynnal ar 11 Chwefror 2025.  Roedd wedi cael ei recordio ac roedd swyddogion yn trafod gyda’r rheolwr cyfathrebu a chyfieithu i gyhoeddi’r fideo gyda chyfieithiad.

Bydd arolwg adborth yn cael ei ddosbarthu i Gynghorwyr Tref / Cymuned sydd wedi cwblhau’r hyfforddiant.

Roedd dyddiadau'n cael eu pennu ar gyfer y cyfarfodydd canlynol gydag Arweinwyr y Grwpiau Gwleidyddol:

•Gweithdy ar ddiwedd y flwyddyn fwrdeistrefol

•Gweithdy’n dilyn y cyfarfod cyffredinol blynyddol

Dim