Cyswllt: Nia Jones
Rhif | eitem |
---|---|
Ymddiheuriadau Cofnodion: Ymddiheurodd
y Cynghorwyr Bryan Davies, Rhodri Davies, Elaine Evans, Hag Harris,
Maldwyn Lewis, Rowland Rees-Evans a Mark Strong am
nad oedd modd iddynt fod yn bresennol yn y cyfarfod. Ymddiheurodd
y Cynghorydd Alun Williams am nad oedd modd iddo fod yn bresennol am ei fod yn
cyflawni dyletswyddau eraill ar ran y Cyngor. Ymddiheurodd
y Cynghorydd Rhodri Evans oherwydd byddai’n ymuno â’r cyfarfod yn hwyrach. |
|
Datgelu buddianau personol / buddiannau sy'n rhagfarnu Cofnodion: Ni chafwyd dim datganiadau o fuddiant personol na buddiant sy’n rhagfarnu. |
|
Materion Personol Cofnodion: a)
Talodd y Cynghorydd Ray Quant deyrnged i bawb a
fu'n rhan o'r ymgyrch i newid y penderfyniad i israddio'r bad achub yng
Ngheinewydd, gan nodi y bydd bad achub bob tywydd ar gael bellach yng
Ngheinewydd yn dilyn adolygiad. Nododd y Cynghorydd Dan Potter, sydd hefyd yn
llywiwr ar fad achub Ceinewydd, bwysigrwydd yr orsaf hon. Diolchodd i griw'r
bad achub a'r gorsafoedd cyfagos a gefnogodd yr ymgyrch hon a thraddodiad mwyaf
yr RNLI, sef achub bywydau ar y môr.
Hefyd dywedodd y Cynghorydd Elizabeth Evans fod rhoi Cynnig gerbron y
Cyngor, a chefnogaeth unfrydol yr Aelodau iddo, wedi arwain at weld yr RNLI yn
‘newid gêr’ yn bendant gan ddangos pa mor effeithiol yw dod â chynigion o'r
fath gerbron y Cyngor; b)
Estynnodd y Cynghorydd Euros Davies ei
longyfarchiadau i Glybiau Ffermwyr Ifanc Ceredigion ar Eisteddfod lwyddiannus
ym Mhafiliwn Bont ac i bawb a enillodd yn y gwahanol gategorïau gan gynnwys
Llanwenog a enillodd y wobr gyntaf, Pontsiân a ddaeth yn ail a chlwb Troedyraur
a ddaeth yn drydydd. Twm Ebbsworth enillodd Coron yr Eisteddfod ac Ianto Jones
enillodd y Gadair. Aeth Ianto Jones ymlaen i ennill y Gadair dros Gymru gyfan a
daeth Twm Ebbsworth yn ail yn y Goron dros Gymru gyfan; c)
Estynnodd y Cynghorydd Euros Davies ei
longyfarchiadau i Eluned Jones ar ennill y Goron ac Martha Evans ar ennill y
Gadair yn Eisteddfod Clybiau Ffermwyr Ifanc Sir Gâr. d)
Estynnodd y Cynghorydd Euros Davies ei
longyfarchiadau i’r Clybiau Ffermwyr Ifanc ar gael Diwrnod Maes llwyddiannus, a
enillwyd gan Glwb Ffermwyr Ifanc Llangwyryfon. Dymunodd yn dda i bawb a fydd yn
mynd ymlaen i’r rownd nesaf yn y Ffair Aeaf. e)
Estynnodd y Cynghorydd Euros Davies ei
longyfarchiadau i Dai Thomas o Lanwnnen ar ennill y bustach gorau yn y Ffair
Aeaf yn Lloegr, ac i bawb arall a oedd yn llwyddiannus; f)
Estynnodd y Cynghorydd Meirion Davies ei
longyfarchiadau i Glwb Ffermwyr Ifanc Llangwyryfon ar ennill yn y Diwrnod Maes
am y seithfed flwyddyn yn olynol, a hynny ar fferm Trawsgoed yn ei Ward; g)
Estynnodd y Cynghorydd Lyndon Lloyd MBE ei
longyfarchiadau i Eluned Jones ar ddathlu ei phen-blwydd yn 102; h)
Nododd y Cynghorydd John Adams-Lewis fod y gwaith
ar y ffordd yn Ystâd Brynhafod bellach wedi'i gwblhau yn sgil cynllun gan
Lywodraeth Cymru, a diolchodd i’r Swyddogion am eu cefnogaeth; i)
Dymunodd y Prif Weithredwr Eifion Evans yn dda i
Caroline Lewis, Cyfarwyddwr Corfforaethol, ar ei hymddeoliad a diolchodd iddi
am ei gwaith dros y pymtheg mlynedd diwethaf, yn enwedig ei chyfraniad dros y
deuddeg mis diwethaf wrth hyrwyddo'r Strategaeth Gydol Oes a Llesiant. Ategwyd y diolch gan y Cynghorydd Ellen ap
Gwynn; j)
Dymunodd y Cynghorydd Elizabeth Evans yn dda i
Amanda Roberts, Rheolwr Corfforaethol Archwilio Mewnol ar ei hymddeoliad a
diolchodd iddi am ei gwaith dros y 36 mlynedd diwethaf yn cefnogi ac yn rhoi
hyder i’r Pwyllgor Archwilio. Ategwyd y diolch gan y Cynghorydd Ellen ap Gwynn; k) Estynnodd y Cynghorydd Ellen ap Gwynn ei llongyfarchiadau ... Gweld y cofnodion lawn ar gyfer eitem 3. |
|
Diweddariad ar lafar gan Arweinydd y Cyngor parthed COVID-19 Cofnodion: Rhoddodd y Cynghorydd Ellen ap Gwynn ddiweddariad ar lafar ynghylch
COVID-19 yng Ngheredigion. Nododd fod
cyfanswm o 6,330 o achosion wedi’u cofnodi yng Ngheredigion. Mae mwy o achosion yn awr nag ar ddechrau'r
pandemig, ond maen nhw’n dechrau gostwng. Mae'r gyfradd heintio wythnosol bresennol ar gyfer Ceredigion yn 266.9 am
bob can mil gyda chyfradd positif o 12.6%, o'i gymharu â Chymru gyfan, sef
499.9 a chyfradd positif o 19%. Ar lefel leol, yn ystod y cyfnod rhwng 14 ac 20
Tachwedd roedd y gyfradd heintio yn 450.6 am bob can mil yn Aberteifi ac
Aberporth, gyda 40 o achosion; 270.6 achos am bob can mil yn Beulah,
Troed-yr-aur a Llandysul gydag 20 o achosion; 502.1 o achosion am bob can mil
yng Ngheinewydd a Phenbryn gyda 33 o achosion; 157.7 achos am bob can mil yn
Llanbedr Pont Steffan a Llanfihangel Ystrad gyda 13 achos; 338.2 achos am bob
can mil yn Aberaeron a Llanrhystud gyda 24 o achosion; 147.2 achos am bob can
mil yn Rheidol, Ystwyth a Charon gydag 17 o achosion; 328.7 achos am bob can
mil yn Ne Aberystwyth gyda 22 achos; 113.2 achos am bob can mil yng Ngogledd
Aberystwyth gyda 10 achos; a 210.6 achos am bob can mil yn y Borth a Bont-goch
gyda 15 achos. Atgoffwyd pawb fod angen
bod yn ofalus o hyd. Nodwyd bod dau achos o COVID-19 yn Ysbyty Bronglais, 29 yn Ysbyty
Glangwili, 5 yn Ysbyty'r Tywysog Philip a 12 yn Ysbyty Llwynhelyg a bod y
niferoedd hefyd yn disgyn yn ôl pob golwg ym mhob un o ysbytai ardal Bwrdd
Iechyd Prifysgol Hywel Dda. Mae tri o gartrefi gofal y Cyngor wedi'u rhoi yn y categori coch oherwydd
yr achosion o COVID-19 ymhlith y staff, ac mae tri wedi'u rhoi yn y categori
melyn, oherwydd bod un aelod o staff wedi profi'n bositif. Gwelwyd cynnydd mewn achosion yn yr ysgolion yn dilyn hanner tymor, ond
mae’r rhain gryn dipyn yn is yn awr a’r gobaith yw y byddant yn parhau i ostwng
rhwng nawr a gwyliau'r Nadolig. Mae'r canolfannau gwastraff bellach yn gweithio yn ôl yr arfer ac mae
trefniadau clicio a chasglu ar waith o hyd yn ein llyfrgelloedd. Bydd hyn yn
cael ei adolygu yn y Flwyddyn Newydd. Mae gwaith yn mynd rhagddo yng Nghanolfan Hamdden Plascrug, Canolfan
Hamdden Aberteifi a Phwll Nofio Llanbedr Pont Steffan. Mae'r gwaith wedi cymryd
mwy o amser na'r disgwyl, ac rydym yn ymddiheuro am unrhyw anghyfleustra a
achosir. Mae’r Cynllun Cenedlaethol i Atgyfeirio Cleifion i Wneud Ymarfer Corff o
dan oruchwyliaeth feddygol, a fu’n cwrdd ar-lein, yn mynd i ddechrau cwrdd
wyneb yn wyneb a chynghorir y cyhoedd i fwrw golwg ar Gynllun Ffordd Ymlaen
Ceredigion i gael y diweddaraf am y newidiadau o ran gwasanaethau. |
|
Cofnodion Cyfarfodydd y Cyngor a gynhaliwyd ar 21 Hydref 2021 PDF 295 KB Cofnodion: PENDERFYNWYD cadarnhau bod cofnodion cyfarfod y Cyngor a gynhaliwyd ar 21 Hydref 2021 yn gywir. |
|
Cofnodion Cyfarfod Arbennig y Cyngor a gynhaliwyd 21 Hydref 2021 PDF 193 KB Cofnodion: PENDERFYNWYD cadarnhau bod cofnodion Cyfarfod Arbennig y Cyngor
a gynhaliwyd ar 21 Hydref 2021 yn gywir. |
|
Datganiad Llywodraethu Blynyddol 2020/21 - Diweddariad PDF 2 MB Cofnodion: Bu i’r Cynghorydd Ray Quant MBE,
Dirprwy Arweinydd y Cyngor ac Aelod Cabinet dros Wasanaethau Cyfreithiol a
Llywodraethu, Pobl a Threfniadaeth a Gwasanaethau Democrataidd, gyflwyno
Datganiad Llywodraethu Blynyddol diweddaredig 2020/21
i’r Cyngor, gan nodi fod y Datganiad Llywodraethu Blynyddol drafft wedi’i
gymeradwyo gan y Cyngor ar 18 Mawrth 2021 ac wedi’i adolygu gan y Pwyllgor
Llywodraethu ac Archwilio yn gynharach heddiw. Nododd fod
dau fân newid wedi’u gwneud i Ddatganiad Llywodraethu Blynyddol 2020/21 gan
gyfeirio at ‘Ddeddf Llywodraeth Leol ac Etholiadau (Cymru) 2021’. Nid yw Archwilio Cymru wedi argymell
newidiadau ond gwnaethpwyd newidiadau i adlewyrchu’r camau sydd wedi’u cymryd
a’u cwblhau erbyn hyn. Yn dilyn pleidlais, PENDERFYNWYD yn unfrydol, yn unol ag
argymhelliad Pwyllgor Llywodraethu ac Archwilio’r Cyngor, gymeradwyo Datganiad
Llywodraethu Blynyddol diwygiedig 2020/21. |
|
Adroddiad ISA260 Archwilio Cymru ar Ddatganiad Cyfrifon 2020/21 PDF 812 KB Cofnodion: Estynnodd
y Cadeirydd groeso i’r cyfarfod i Eleanor Ansell o
Archwilio Cymru. Cyflwynodd
Eleanor Ansell Adroddiad ISA260 ynghylch y Datganiad
o Gyfrifon y Cyngor ar gyfer 2020/21, gan nodi bod y terfynau amser statudol
wedi'u llacio gan Lywodraeth Cymru ac y byddai Cyngor Sir Ceredigion yn
bodloni'r terfynau amser newydd hyn. Nododd
nad oes dim materion o bwys yn codi o'r archwiliad. Hefyd maen nhw wedi
adolygu datganiad ariannol yr awdurdod harbwr ac nid oes dim materion o bwys yn
codi o hwn ychwaith. Diolchodd i'r staff
am gydweithio'n dda gyda nhw a daeth i'r casgliad mai bwriad Archwilio Cymru oedd cyhoeddi barn ddiamod ar ôl archwilio cyfrifon
eleni. |
|
Sylwadau Cadeirydd y Pwyllgor Archwilio ar yr adroddiad Cofnodion: Dywedodd y Cynghorydd Elizabeth Evans, Cadeirydd y
Pwyllgor Llywodraethu ac Archwilio, fod y Pwyllgor Archwilio wedi ystyried
Datganiad Cyfrifon 2020/21 yn fanwl yn gynharach y diwrnod hwnnw, a diolchodd
i'r tîm gan nodi nad oedd modd cael gwell canlyniad na hyn. Diolchodd i Archwilio Cymru am
weithio gyda’r swyddogion mewn ffordd adeiladol, gan nodi na fu'n rhaid mynd
i'r afael â materion ynglŷn ag Ystadau eleni, a diolchodd i'r Gwasanaeth
am fynd i'r afael â’r materion blaenorol. Estynnodd y Cynghorydd Ellen ap
Gwynn ei llongyfarchiadau i bawb ar adroddiad rhagorol, yn enwedig mewn amgylchiadau
mor anodd. |
|
Datganiad Cyfrifon 2020/21 PDF 2 MB Cofnodion: Mynegodd y Cynghorydd Gareth Lloyd, Aelod Cabinet dros Wasanaethau Cyllid a
Chaffael a Gwasanaethau Diogelu’r Cyhoedd, ei ganmoliaeth o’r Datganiad
Cyfrifon ac adroddiad ISA260 gan nodi fod yn rhaid i’r Cyngor gymeradwyo’r
Datganiad Cyfrifon erbyn 30 Tachwedd 2021, yn unol â Deddf Archwilio Cyhoeddus
(Cymru) 2004. Nododd fod yr alldro yn dangos fod
y gyllideb wedi’i mantoli, na fu newid yn y Gronfa Gyffredinol o £6.1m nac yn
lefel y Cronfeydd Wrth Gefn a Glustnodwyd, ac mai bwriad yr Archwilydd
Cyffredinol yw cyhoeddi adroddiad archwilio diamod parthed y Cyfrifon. Diolchodd i'r staff i gyd a’r
Archwilwyr am eu gwaith caled yn cyflwyno'r Datganiad Cyfrifon glân hwn tra
oeddent yn ymdrin â chyfrifoldebau ychwanegol hefyd. Nododd y Cynghorydd Elizabeth
Evans ddiolchgarwch y busnesau bach am fod y Cyngor wedi prosesu grantiau
gwerth £49 miliwn yn ddiymdroi. Hebddynt, byddai sawl busnes wedi methu. Yn dilyn trafodaeth, PENDERFYNWYD
cymeradwyo Datganiad Cyfrifon Cyngor Sir Ceredigion a Datganiad Cyfrifon
Awdurdod Harbwr Ceredigion ar gyfer 2020/21. |