Agenda a Chofnodion
Lleoliad: Hybrid - Neuadd Cyngor Ceredigion, Penmorfa, Aberaeron /o bell trwy fideo-gynadledda
Cyswllt: Nia Jones
Rhif | Eitem |
---|---|
Cod Ymddygiad ar Gyfer Aelodau Cofnodion: Anerchodd Elin Prysor, Swyddog Monitro, y Cyngor
ynghylch y gofyniad statudol ar i bob Aelod wneud Datganiad Derbyn ac ymrwymo i
gydymffurfio â’r Cod Ymddygiad, a chadarnhaodd bod pob Cynghorydd sy’n gwneud
ei Ddatganiad Derbyn Swydd swyddogol wedi derbyn hyfforddiant cynhwysfawr ar
Gôd Ymddygiad y Cyngor ddydd Llun 9fed Mai 2022. Diben
hyn yw eu galluogi i gyflawni eu swyddogaethau gan ddeall Egwyddorion Bywyd
Cyhoeddus, eu dyletswyddau a’u cyfrifoldebau o dan y Cod ynghyd â’r canlyniadau
o fethu â chyflawni hyn. |
|
Datganiad o Dderbyn Swydd ac Ymrwymiad i gadw at y Cod Ymddygiad Cofnodion: Derbyniodd pob Aelod a oedd yn bresennol ei Ddatganiad Derbyn Swydd ar lafar a’r ymrwymiad i gydymffurfio â’r Cod Ymddygiad a oedd wedi’i lofnodi gan bob un a’i gydlofnodi gan y Swyddog Priodol. |
|
Croeso gan y Cadeirydd Cofnodion: Croesawodd y Cadeirydd, Paul Hinge, bob Cynghorydd a etholwyd o’r newydd, pob Cynghorydd etholedig a oedd yn dychwelyd a thalodd deyrnged i bob cyn Aelod o’r Cyngor gan ddymuno’r gorau iddynt ar gyfer y dyfodol. |
|
Materion Personol Cofnodion: a)
Estynnodd y Cynghorydd Maldwyn Lewis ei
gydymdeimlad didwyll i deulu Ifan John Jones, Ffostrasol a oedd wedi cyfrannu’n
helaeth i’w gymuned; b)
Llongyfarchodd y Cynghorydd Maldwyn Lewis Dîm
Pêl–droed Ffostrasol ar ennill Cwpan Llun y Pasg Cynghrair Ceredigion; c)
Llongyfarchodd y Cynghorydd Maldwyn Lewis Glwb
Bowlio Rhydlewis a fydd yn cynrychioli Ceredigion yn y gynghrair; d)
Llongyfarchodd y Cynghorydd Maldwyn Lewis Glwb
Ffermwyr Ifanc Rhydlewis ar ddathlu ei 80fed blwyddyn ac am godi
dros £4,000 tuag at Uned Cemotherapi Glangwili, tuag at Apêl Wcráin a thuag at
y Clwb; e)
Llongyfarchodd y Cynghorydd Ifan Davies Sara Pugh,
Ffair Rhos ar ei llwyddiant mewn gymnasteg ac ennill cystadleuaeth Tymblo Cymru; f) Llongyfarchodd y Cynghorydd Euros Davies Ysgol Dyffryn Cledlyn ar sicrhau Gwobr Aur y Siarter Iaith Gymraeg. |
|
Ymddiheuriadau Cofnodion: Ymddiheurodd y Cynghorwyr Catrin M S Davies, Steve
Davies, Mark Strong a Carl Worrall am fethu â bod yn bresennol yn y cyfarfod. |
|
Datgelu buddianau personol / buddiannau sy'n rhagfarnu Cofnodion: Ni ddatganwyd buddiant personol neu fuddiant sy’n
rhagfarnu. |
|
Derbyn hysbysiadau am greu Grwpiau ac Arweinyddion a swyddogion eraill y Grwpiau Cofnodion: Adroddodd y Swyddog Priodol
bod hysbysiad wedi dod i law ynghylch cyfansoddiad y grwpiau gwleidyddol a
ganlyn a ffurfiwyd o fewn y Cyngor yn unol â darpariaethau Deddf Llywodraeth Leol
a Thai 1989 a Rheoliadau Llywodraeth Leol (Pwyllgorau a Grwpiau Gwleidyddol)
1990, fel a ganlyn: Grŵp Plaid Cymru – The
Party of Wales Cynghorwyr Bryan Davies,
Catrin M S Davies, Clive Davies, Gareth Davies, Gethin Davies, Rhodri Davies,
Steve Davies, Amanda Edwards, Endaf Edwards, Eryl Evans, Keith Henson, Chris
James, Ceris Jones, Maldwyn Lewis, Caryl Roberts, Mark Strong, Wyn Thomas,
Matthew Vaux, Alun Williams a Carl Worrall (20) Arweinydd y Grŵp:
Cynghorydd Bryan Davies Dirprwy Arweinydd y
Grŵp: Cynghorydd Alun Williams Grŵp Annibynnol Cynghorwyr Euros Davies,
Ifan Davies, Marc Davies, Gwyn Wigley Evans, Keith Evans, Rhodri Evans, Wyn
Evans, Hag Harris, Gwyn James a Gareth Lloyd (10) Arweinydd y Grŵp:
Cynghorydd Gareth Lloyd Dirprwy Arweinydd y
Grŵp: Cynghorydd Rhodri Evans Grŵp Democratiaid
Rhyddfrydol Cymru Cynghorwyr Meirion Davies,
Elaine Evans, Elizabeth Evans, Paul Hinge, Geraint Hughes, Sian Maehrlein a
John Roberts (7) Arweinydd y Grŵp:
Cynghorydd Elizabeth Evans Dirprwy Arweinydd y Grŵp:
Cynghorydd Paul Hinge Aelod nad yw’n perthyn i
Grŵp Cynghorydd Hugh Hughes (1) |
|
Arweinydd y Cyngor Cofnodion: Cynigiwyd
gan y Cynghorydd Gareth Davies ac eiliwyd gan y Cynghorydd Keith Henson bod y
Cynghorydd Bryan Davies yn cael ei ethol yn Arweinydd y Cyngor. Yn dilyn pleidlais, PENDERFYNWYD yn unfrydol bod y Cynghorydd Bryan Davies yn cael ei
ethol yn Arweinydd y Cyngor. Diolchodd
y Cynghorydd Bryan Davies i bawb am eu cefnogaeth gan nodi pwysigrwydd
cydweithio ar draws y pleidiau er lles y Sir. Llongyfarchodd
y Cynghorwyr Elizabeth Evans a Gareth Lloyd y Cynghorydd Bryan Davies ar gael
ei ethol yn Arweinydd gan ategu pwysigrwydd cydweithio er mwyn cynrychioli
Ceredigion gyfan. |
|
Ethol darpar Gadeirydd y Cyngor ar gyfer 2022/23 i’w sefydlu yng Nghyfarfod Blynyddol y Cyngor i’w gynnal am 2.00pm ddydd Gwener, 27 Mai 2022 Cofnodion: Cynigiodd y Cynghorydd Rhodri Evans, ac eiliwyd gan y Cynghorydd Keith
Evans, bod y Cynghorydd Ifan Davies yn cael ei ethol yn Gadeirydd y Cyngor am y
flwyddyn Gyngor nesaf. PENDERFYNWYD yn unfrydol bod y Cynghorydd
Ifan Davies yn cael ei ethol yn Gadeirydd Etholedig y Cyngor ar gyfer 2022/23
i’w sefydlu yn y Cyfarfod Blynyddol a gynhelir am 2.00pm ddydd Gwener, 27ain
Mai 2022. |
|
Ethol darpar Is-gadeirydd y Cyngor ar gyfer 2022/23 i’w sefydlu yng Nghyfarfod Blynyddol y Cyngor i’w gynnal am 2.00pm ddydd Gwener, 27 Mai 2022 Cofnodion: Cynigiodd Bryan Davies ac
eiliwyd gan y Cynghorydd Alun Williams bod y Cynghorydd Maldwyn Lewis yn cael
ei ethol yn Is-gadeirydd y Cyngor am y flwyddyn Gyngor nesaf. PENDERFYNWYD yn unfrydol bod y Cynghorydd Maldwyn Lewis yn cael ei
ethol yn Is-gadeirydd Etholedig y Cyngor ar gyfer 2022/23 i’w sefydlu yn y
Cyfarfod Blynyddol a gynhelir am 2.00pm ddydd Gwener, 27ain Mai
2022. |