Lleoliad: o bell trwy fideo-gynhedledda
Cyswllt: Nia Jones
Rhif | eitem |
---|---|
Ymddiheuriadau Cofnodion: a)
Ymddiheurodd y
Cynghorwyr Steve Davies, Elaine Evans, Matthew Woolfall-Jones a Maldwyn Lewis
am nad oeddent yn gallu bod yn bresennol yn y cyfarfod. |
|
Datgelu buddianau personol / buddiannau sy'n rhagfarnu Cofnodion: a)
Datganodd
y Cynghorydd Elizabeth Evans fuddiant personol a buddiant sy’n rhagfarnu mewn
perthynas â chofnod 11 isod, a gadawodd y cyfarfod yn ystod yr eitem hon. b)
Datganodd
Eifion Evans, Prif Weithredwr, fuddiant personol a buddiant sy’n rhagfarnu mewn
perthynas â chofnod 13 isod, yn unol â’r Cod Ymddygiad ar gyfer Awdurdodau
Lleol, a gadawodd y cyfarfod yn ystod yr eitem hon. |
|
Materion Personol Cofnodion: a)
Llongyfarchodd
y Cynghorydd Paul Hinge Josh Tarling, sy’n cystadlu ym Mhencampwriaeth Beicio
Iau y Byd ar hyn o bryd. Ddydd Mawrth fe wnaeth gystadlu yn y treial amser iau
am y tro cyntaf, gan ennill y fedal arian. Bu hefyd yn cystadlu yn y digwyddiad
Ewropeaidd bythefnos yn ôl gan ennill 2 fedal aur: un yn y Ras Cwrso Tîm ac un
yn yr Omnium. Fe wnaeth hefyd ddal y
crys melyn am 2 o'r tri diwrnod o rasio yn y gystadleuaeth 'Tour of Wales' Iau; b)
Llongyfarchodd
y Cynghorydd Paul Hinge Finlay Tarling, aelod o Dîm Beicio Ieuenctid Cymru, am
ennill y Ras Cwrso Tîm, y Ras Maddison a'r Ras Gylchdaith yn ystod y digwyddiad
3 diwrnod yng Ngemau Ysgol y DU; c)
Llongyfarchodd
y Cynghorydd Paul Hinge Lowri Richards, aelod o Dîm Beicio Ieuenctid Cymru, am
ennill y Ras Cwrso Tîm yng Ngemau Ysgol y DU; d)
Llongyfarchodd
y Cynghorydd Paul Hinge Griff Lewis ar ennill ail gam y gystadleuaeth feicio ‘Tour of Wales’ Iau, ac am ennill y
Bencampwriaeth Iau ym Mhencampwriaeth Criteriwm Cenedlaethol Cymru, gan ennill
ei drwydded Categori 1; e)
Llongyfarchodd
y Cynghorydd Paul Hinge Ieuan Andy Davies ar ennill y ras feicio ffordd 50+ ym
Mhencampwriaeth Criteriwm Cenedlaethol Cymru yn y Rhyl; f)
Llongyfarchodd
y Cynghorydd Paul Hinge Gruff Lewis ar ennill y treial amser ym Mhencampwriaeth
Genedlaethol Cymru yng Nghastell Newydd Emlyn, ac ef bellach yw Pencampwr
Treial Amser Cenedlaethol Cymru. Llongyfarchodd y Cynghorydd Ellen ap Gwynn ef
hefyd ar ennill y sbrint yn y Borth yn y ‘Tour
of Britain’ a gynhaliwyd yn ddiweddar, a thalodd y Cynghorydd Dai Mason
deyrnged iddo hefyd; g)
Llongyfarchodd
y Cynghorydd Ellen ap Gwynn Gwenallt Llwyd Ifan ar ennill y Gadair yn yr
Eisteddfod Genedlaethol; h)
Llongyfarchodd
y Cynghorydd Ellen ap Gwynn Lleucu Roberts ar ennill Gwobr Goffa Daniel Owen
a'r Fedal Ryddiaith yn yr Eisteddfod Genedlaethol; i)
Llongyfarchodd
y Cynghorydd Ellen ap Gwynn Katie Hall, Cynorthwyydd Gofal Dydd o Dregaron ar
ennill Gwobr Sêr Gofal Cymdeithasol am y gofal ardderchog y mae’n ei ddarparu i
drigolion Bryntirion; j)
Mynegodd y Cynghorydd Ceredig Davies ei gydymdeimlad â
theulu Mr William Edwards, cyn Gynghorydd a fu farw yn ddiweddar; k)
Mynegodd y
Cynghorydd Ceredig Davies ei gydymdeimlad â theulu Mr John Davies a fu farw’n
ddiweddar; l)
Llongyfarchodd
y Cynghorydd Ray Quant y Cynghorydd Dan Potter ar ennill Medal am 40 mlynedd o
wasanaeth gwirfoddol gyda'r RNLI; m)
Llongyfarchodd
y Cynghorydd Ray Quant y Cynghorydd Marc Davies ar ennill Medal am 20 mlynedd o
wasanaeth fel swyddog wrth gefn gyda’r gwasanaeth tân; n)
Diolchodd
y Cynghorydd Ray Quant i’r Gwasanaeth Tân a’r Awdurdod Heddlu am eu gwasanaeth
rhagorol wrth ymateb i dân yn Y Borth. Diolchodd i’r Awdurdod Lleol am eu
gwaith cyflym wrth drefnu i gau ffyrdd a dargyfeiriadau a threfnu llety wrth
gefn, nad oedd ei angen yn ffodus, a diolchodd i James Davies am roi gwybod i’r
gwasanaethau am y digwyddiad yn brydlon; o) Llongyfarchodd y Cynghorydd Gareth Lloyd Dion ... Gweld y cofnodion lawn ar gyfer eitem 3. |
|
Diweddariad ar lafar gan Arweinydd y Cyngor parthed COVID-19 Cofnodion: Rhoddodd y Cynghorydd
Ellen ap Gwynn ddiweddariad ar lafar mewn perthynas â COVID-19 yng
Ngheredigion. Nododd fod y ffigur
heintio wedi cynyddu ers iddi adrodd i'r Cyngor ddiwethaf ym mis Mehefin o 12.4
i 376.9 fesul can mil o’r boblogaeth yng Ngheredigion, a bod y gyfradd ar gyfer
Cymru gyfan wedi cynyddu o 22.5 i 559.9 fesul can mil o’r boblogaeth. Mae'r
rhan fwyaf o achosion ymhlith disgyblion ysgolion, ac er nad oes ysgol yng
Ngheredigion wedi cau, mae rhai staff mewn ysgolion cyfagos yng Nghaerfyrddin
yn dysgu o bell, ac mae un ysgol ym Mhowys wedi gorfod cau. Bydd disgyblion rhwng
12 a 15 oed yn derbyn llythyr gan Fwrdd Iechyd Prifysgol Hywel Dda yn fuan yn
eu gwahodd i gael eu brechu o 4 Hydref ymlaen, a byddant yn gallu mynd i naill
ai Canolfan Brechu Torfol Llanbadarn neu Gwmcou. Mae myfyrwyr wedi dychwelyd i
Brifysgol Aberystwyth a Phrifysgol Cymru y Drindod Dewi Sant, Campws Llambed,
ac mae'r ddwy brifysgol yn monitro'r sefyllfa'n agos mewn perthynas ag achosion
COVID-19. Mae'r Gwasanaeth
Iechyd dan bwysau aruthrol ar hyn o bryd, fel yr adroddwyd. Yn ogystal, mae'r
Gwasanaethau Gofal hefyd dan bwysau sylweddol, gyda mwy o alw am becynnau gofal
a gostyngiad yn nifer y staff sydd ar gael o fewn y tîm canolog a chyda
darparwyr contractau. Mae'r Cyngor yn hysbysebu am staff ychwanegol ar hyn o
bryd, a gofynnodd yr Arweinydd, os oedd unrhyw un yn gwybod am rywun sy’n
chwilio am yrfa ym maes gofalu, i’w hannog i wneud cais nawr gan fod angen brys
am eu gwasanaeth. Mae 7 cartref yn y
categori coch ar hyn o bryd, ac mae’r achosion positif i gyd ymhlith y staff.
Mae rhai lleoedd gwag yn y cartrefi gofal ar hyn o bryd, ond hyd nes y bydd
Llywodraeth Cymru yn newid ei rheolau o ran galluogi pobl i fynd i rannau
penodol o'r cartrefi sydd yn y categori coch, ni allwn gefnogi'r ysbytai i
ryddhau cleifion o'r ysbyty. Gobeithiwn y gallwn ddylanwadu ar Lywodraeth Cymru
ar y mater hwn. Mae'r llyfrgell
symudol yn dal i fod ar gael ar gyfer gwasanaeth clicio a chasglu, ac mae
llyfrgelloedd y dref yn dal i fod ar agor. Dim ond nifer cyfyngedig o bobl sy'n
gallu mynd i mewn ar unrhyw adeg ac am gyfnod cyfyngedig yn unig, ac nid yw'r
cyfrifiaduron ar gael ar hyn o bryd. Mae’r gwaith o gau
ffyrdd yn rhan o’r Parthau Diogel bellach wedi dod i ben. Bydd y Cyngor yn
cynnal ymgynghoriad er mwyn casglu barn pawb ynghylch gweithredu ar strydoedd
yn ystod yr haf, a fydd yn cynnwys y cyhoedd, busnesau etc. Mae llawer o'r
busnesau wedi bod yn ddiolchgar am y cyfle i weithredu yn yr awyr agored ond
mae angen i ni ddeall barn ystod eang o bobl. |
|
Cadarnhau Cofnodion Cyfarfod y Cyngor a gynhaliwyd ar 17.06.2021 PDF 314 KB Cofnodion: PENDERFYNWYD cadarnhau bod Cofnodion cyfarfod y Cyngor a gynhaliwyd ar 17 Mehefin 2021 yn rhai cywir. |
|
Ystyried y cynnig canlynol a gyflwynwyd o dan Reol 10.1 Rheolau Gweithdrefnau’r Cyngor: PDF 366 KB Cynigydd: Cynghorydd Ifan
Davies Eilydd: Cynghorydd Ray Quant Noda’r Cyngor: Mae’r Grŵp Annibynnol yn
gofyn i Gyngor Sir Ceredigion alw ar Lywodraeth Cymru ddeddfu fel y bydd: 1.
Unrhyw gymhorthdal a
geir yn uniongyrchol neu’n anuniongyrchol drwy unrhyw gynlluniau gan y llywodraeth
ar gyfer rheoli carbon: a) Yn cael ei gadw fel credyd carbon er budd economi Cymru
a’r bobl, b) a bod gan bob Sir enillion canrannol o unrhyw gredyd a
gynhyrchir yn y Sir dan sylw y gellir eu gosod yn erbyn gwasanaethau cyhoeddus
a nwyddau o’r Sir honno, c) a hefyd, na ellir symbylu unrhyw werthiant neu les
trydydd parti ar gredyd carbon y tu allan i Gymru oni bai bod Cymru yn garbon
niwtral a lle y mae credyd o 10% dros ben. Cofnodion: Cynigydd: Y Cynghorydd Ifan Davies Eilydd: Y Cynghorydd Ray Quant Mae’r Cyngor yn nodi: Mae’r Grŵp Annibynnol yn gofyn i Gyngor Sir
Ceredigion alw ar Lywodraeth Cymru ddeddfu fel y bydd: 1.
Unrhyw gymhorthdal a geir yn uniongyrchol neu’n anuniongyrchol drwy unrhyw
gynlluniau gan y llywodraeth ar gyfer rheoli carbon: a)
Yn cael ei gadw fel credyd carbon er budd economi Cymru a’r bobl, b)
a bod gan bob Sir enillion canrannol o unrhyw gredyd a gynhyrchir yn y Sir dan
sylw y gellir eu gosod yn erbyn gwasanaethau cyhoeddus a nwyddau o’r Sir honno,
c)
a hefyd, na ellir symbylu unrhyw werthiant neu les trydydd parti ar gredyd
carbon y tu allan i Gymru oni bai bod Cymru yn garbon niwtral a lle y mae
credyd o 10% dros ben. Rhoddodd y Cynghorydd Ifan Davies amlinelliad o'r
sefyllfa bresennol gan nodi bod Llywodraeth Cymru wedi gosod targed i Gymru fod
yn garbon niwtral erbyn 2050 ac i'r sector cyhoeddus fod 95% yn garbon niwtral
erbyn diwedd y degawd. Nodwyd, fodd bynnag, bod argyfwng yng nghefn gwlad Cymru
ar hyn o bryd gan fod cwmnïau o wledydd eraill yn prynu ffermydd mewn ardaloedd
gwledig ac yn plannu coed ar y fferm gyfan er mwyn cael mynediad at y grantiau
rheoli carbon. Dywedodd y Cynghorydd Davies ei fod yn ymwybodol o bedair fferm
sydd wedi cael eu prynu yn ddiweddar at y diben hwn, tair yn Sir Gâr ac un yng
Ngheredigion. Dywedodd y Cynghorydd Davies bod ffermwyr yn sylweddoli
bod angen plannu coed ar eu ffermydd. Maent yn cael eu plannu ar dir o ansawdd
gwael, ac mae gweddill y tir yn cael ei gadw ar gyfer cynhyrchu bwyd. Bydd y
datblygiad diweddar hwn yn effeithio ar ein cymuned, ein diwylliant a'n hiaith
Gymraeg. Ni fydd ein pobl ifanc yn gallu aros yma, a gellir cymharu hyn â boddi
Tryweryn. Nid yw Cymru ar werth ar gyfer credydau carbon. Mae angen i ni dynnu sylw
Llywodraeth Cymru at y gwir berygl sy’n wynebu ardaloedd gwledig. Mae ein hôl
troed carbon yng Ngheredigion yn dda iawn, ond canlyniadau anfwriadol y polisi
yw, os caiff credydau eu trosglwyddo y tu allan i Gymru, na fyddwn yn gallu
cynhyrchu cig, llaeth, caws a chynhyrchion bwyd eraill a bydd yn rhaid i ni
fewnforio pethau o'r fath. Nododd y Cynghorydd Ray Quant ei bod yn bleser eilio’r Cynnig
hwn, gan nodi bod hwn yn ddatganiad strategol lefel uchel i Lywodraeth Cymru ar
ran Cyngor Sir Ceredigion. Yn ystod y drafodaeth, nododd yr Aelodau eu bod yn cefnogi'r Cynnig gan nodi y gallai prynu credydau carbon gael ei ystyried yn ffordd i gorfforaethau mawr ddadlwytho eu cyfrifoldebau, tra bod ein hunangynhaliaeth a'n gallu i ddiwallu ein hanghenion ein hunain yn cael ei leihau. Nododd yr aelodau fod Llywodraeth Cymru yn darparu grantiau i ffermwyr dyfu coed, a bod yr arian hwn yn cael ei roi i'r corfforaethau mawr hyn. Nododd yr aelodau hefyd y gallai credydau carbon dros ben ddenu busnesau i'r ardal. Nodwyd ... Gweld y cofnodion lawn ar gyfer eitem 6. |
|
Cofnodion: Cyflwynwyd yr adroddiad gan y Cynghorydd Ellen ap Gwynn, Arweinydd y Cyngor
a’r Aelod Cabinet dros Bolisi, Perfformiad a Phartneriaethau, gan nodi bod
Cymdeithas Llywodraeth Leol Cymru wedi bod yn cymryd camau i hybu cydraddoldeb
rhywiol ac amrywiaeth mewn democratiaeth leol a sicrhau bod y rhwystrau a'r
heriau i ddenu cynghorwyr mwy amrywiol yn cael eu dileu. Gall y rhwystrau hyn
gynnwys ymrwymiad amser ac amseroedd cyfarfodydd, diwylliant gwleidyddol a
sefydliadol, gofal plant a chyfrifoldebau gofalu eraill, beirniadaeth gyhoeddus
a cham-drin ar-lein, cydnabyddiaeth ariannol ac effaith ar gyflogaeth, a diffyg
modelau rôl a deiliaid swyddi o gefndiroedd amrywiol. Cytunodd Cyngor Cymdeithas Llywodraeth Leol Cymru yn unfrydol y dylai'r
holl Awdurdodau Lleol gytuno i Ddatganiad Amrywiaeth mewn Democratiaeth gan roi
ymrwymiad cyhoeddus clir i wella amrywiaeth, gan gytuno ar y Datganiad
canlynol: Mae'r Cyngor hwn yn
ymrwymo i fod yn Gyngor Amrywiol. Rydym yn cytuno i wneud y canlynol: •
Rhoi ymrwymiad
cyhoeddus clir i wella amrywiaeth mewn democratiaeth •
Arddangos
diwylliant agored a chroesawgar i bawb, gan hybu’r safonau ymddygiad uchaf •
Ystyried
amrywio amser cychwyn cyfarfodydd y cyngor a chytuno ar gyfnodau toriad i
gefnogi cynghorwyr sydd ag ymrwymiadau eraill; a •
Nodi Cynllun
Gweithredu o weithgarwch cyn etholiadau lleol 2022. Cydnabu'r Aelodau fod diffyg
amrywiaeth o fewn y Cyngor ar hyn o bryd, gan annog pobl o bob cefndir i sefyll
yn yr etholiad nesaf. Roeddent hefyd yn cydnabod yr heriau a'r anhawster wrth
berswadio unigolion i sefyll yn etholiadau'r Cyngor yn yr hinsawdd bresennol, a
nodwyd y byddai'r Cyngor yn ceisio denu gwahanol garfanau drwy'r llwyfannau ar
y cyfryngau cymdeithasol. Yn dilyn pleidlais, PENDERFYNWYD:
(i) cymeradwyo'r Datganiad Amrywiaeth fel y cytunwyd gan
Gyngor Cymdeithas Llywodraeth Leol Cymru fel a ganlyn: Mae’r Cyngor hwn yn ymrwymo i fod yn Gyngor
Amrywiol. Rydym yn cytuno i wneud y canlynol: •
Rhoi ymrwymiad
cyhoeddus clir i wella amrywiaeth mewn democratiaeth •
Arddangos
diwylliant agored a chroesawgar i bawb, gan hybu’r safonau ymddygiad uchaf •
Ystyried
amrywio amser cychwyn cyfarfodydd y cyngor a chytuno ar gyfnodau toriad i
gefnogi cynghorwyr sydd ag ymrwymiadau eraill; a •
Nodi Cynllun
Gweithredu o weithgarwch cyn etholiadau lleol 2022. (ii) cymeradwyo bod y Pwyllgor Gwasanaethau Democrataidd, ar y
cyd ag Arweinwyr y Grwpiau, yn cytuno ar gynllun gweithredu yn arwain at
etholiadau lleol 2022 gyda’r bwriad o wella amrywiaeth mewn democratiaeth, ac
yn ei gyflawni. |
|
Cofnodion: Cyflwynodd y Cynghorydd Ellen ap Gwynn, Arweinydd y Cyngor a'r Aelod
Cabinet dros Bolisi, Perfformiad a Phartneriaethau yr adroddiad, gan nodi bod
llythyr wedi dod i law gan Julie James AS, y Gweinidog Newid Hinsawdd, yn
gwahodd Awdurdodau Lleol i ymuno â Llywodraeth Cymru i gefnogi 'Datganiad
Caeredin: cynnwys rôl awdurdodau lleol a dinasoedd yn fwy o fewn y fframwaith
bioamrywiaeth byd-eang ar ôl 2020 - gan sicrhau newid trawsnewidiol i natur
dros y degawd nesaf’. Mae Datganiad Caeredin yn nodi ymrwymiadau i weithredu'r fframwaith
bioamrywiaeth byd-eang ar ôl 2020 yn lleol, gan sicrhau bod pobl sy'n byw mewn
awdurdodau lleol ledled Cymru yn gallu byw mewn cytgord â natur a diogelu
ecosystemau lleol gwerthfawr ar gyfer cenedlaethau'r dyfodol. Roedd yr aelodau'n cydnabod pwysigrwydd bioamrywiaeth ac ecosystemau lleol,
ond roedd pryder bod diffyg manylder yn y llythyr gan y Gweinidog, ac nad oedd
wedi ystyried canlyniadau anfwriadol megis yr effaith ar benderfyniadau
cynllunio. Yn dilyn
pleidlais, PENDERFYNWYD cymeradwyo
bod y Cyngor yn cofrestru i
addo ei gefnogaeth i Broses a Datganiad Caeredin. |
|
Cofnodion: Cyflwynodd y Cynghorydd Ellen ap Gwynn, Arweinydd
y Cyngor a’r Aelod Cabinet ar gyfer Polisi, Perfformiad a Phartneriaethau, yr
adroddiad i’r Cyngor, gan nodi bod Polisi a Gweithdrefnau’r Cyngor o ran
Pryderon a Chwynion wedi’u diweddaru er mwyn ymgorffori’r newidiadau
sefydliadol a gweithredol helaeth sydd wedi digwydd ers yr adolygiad diwethaf
yn 2015, gan gynnwys canoli’r Gwasanaeth Cwynion a Rhyddid Gwybodaeth, ac er
mwyn sicrhau bod trefniadau’r Cyngor ar gyfer rheoli pryderon a chwynion
corfforaethol yn cydymffurfio â’r gofynion a bennir gan yr Awdurdod Safonau
Cwynion a gyflwynwyd o dan Ddeddf Ombwdsmon Gwasanaethau Cyhoeddus (Cymru) 2019,
rhoi awdurdod i'r Ombwdsmon ymchwilio heb atgyfeiriad gan achwynydd. Mae’r gofynion hyn wedi’u cynnwys yn nogfen
Gweithdrefnau Cwyno’r Cyngor, sy’n cynnwys darparu adroddiadau ddwywaith y
flwyddyn i Bwyllgor y Cabinet o Aelodau Etholedig, a rhoi gwybodaeth i’r
Pwyllgor Archwilio a Llywodraethu o leiaf ddwywaith y flwyddyn am berfformiad
cwynion y Cyngor. Diolchodd y Cynghorydd Ellen ap Gwynn i'r
Swyddogion am eu gwaith wrth lunio'r adroddiad ac am ddiwygio'r polisi yn unol
â hynny. Nododd y Cynghorydd Ivor Williams, Cadeirydd y
Pwyllgor Trosolwg a Chraffu Adnoddau Corfforaethol, fod y pwyllgor wedi
adolygu'r adroddiad yn ei gyfarfod ar 7 Gorffennaf 2021, gan argymell ei fod yn
cael ei gyfeirio at y Cyngor i'w gymeradwyo. Yn dilyn pleidlais, PENDERFYNWYD
cymeradwyo'r Polisi a’r Gweithdrefnau diwygiedig (2021) o ran Pryderon a
Chwynion, a'u gweithredu a'u cyhoeddi. |
|
Cofnodion: Cyflwynodd y Cynghorydd Ray
Quant, Dirprwy Arweinydd y Cyngor a'r Aelod Cabinet dros Wasanaethau
Cyfreithiol a Llywodraethu, Pobl a Threfniadaeth a Gwasanaethau Democrataidd yr
adroddiad, gan nodi bod Swyddfa'r Comisiynydd Pwerau Ymchwilio (IPCO) wedi
cynnal adolygiad yn ddiweddar o'r ffyrdd y mae awdurdodau cyhoeddus yn trin
data, gan gynnwys unrhyw ddata a gafwyd o dan Ddeddf Pwerau Ymchwilio 2016 a
Deddf Rheoleiddio Pwerau Ymchwilio (RIPA) 2000. Mae Polisi Corfforaethol a Dogfen Weithdrefnau RIPA
RHAN II Gwyliadwriaeth Gyfeiriedig, Ffynonellau Cuddwybodaeth Ddynol a Data
Cyfathrebu wedi cael eu diweddaru, ac mae’r newidiadau hyn ynghyd â’r Polisi
Cyfryngau Cymdeithasol RIPA drafft wedi cael eu hystyried gan Bwyllgor Cydlynu
Trosolwg a Chraffu’r Cyngor ar 15 Medi 2021, a benderfynodd argymell bod y
Cyngor yn eu cymeradwyo. Diolchodd y Cynghorydd Ray
Quant i Swyddogion am eu gwaith caled wrth baratoi'r dogfennau a'u cyflwyno i'r
Pwyllgor Cydlynu Trosolwg a Chraffu. Yn dilyn pleidlais, PENDERFYNWYD: 1. Cymeradwyo’r
newidiadau a wnaed i Bolisi RIPA’r Cyngor (yn unol ag Atodiad 1 yr adroddiad); 2. Cymeradwyo’r Polisi
Cyfryngau Cymdeithasol RIPA drafft (yn unol ag Atodiad 2 yr adroddiad). |
|
Cofnodion: Cyflwynodd y Cynghorydd Rhodri
Evans, yr Aelod Cabinet dros Yr Economi ac Adfywio, yr adroddiad gan
amlinellu’r sefyllfa mewn perthynas â Ffosffadau o fewn Ardal Cadwraeth
Arbennig Afon Teifi a gofyn am Bwerau Dirprwyedig i benderfynu ar Geisiadau
Cynllunio a fyddai'n effeithio'n andwyol ar integredd yr Ardal Cadwraeth
Arbennig. Nodwyd y cyflwynwyd adroddiad i’r Cabinet ar 13 Gorffennaf 2021 ac
fe’i cymeradwywyd. Mae Cyngor Sir Ceredigion yn ‘awdurdod cymwys’ o dan y Rheoliadau
Cynefinoedd, ac felly mae’n ofynnol yn gyfreithiol i’r cyngor asesu effeithiau
posibl prosiectau a chynlluniau ar safleoedd o bwysigrwydd rhyngwladol, sy’n
cynnwys Ardal Cadwraeth Arbennig afon Teifi a dalgylchoedd. Lle mae 'Effaith
Arwyddocaol Debygol', rhaid i'r cyngor gynnal 'Asesiad Priodol' er mwyn
penderfynu, gyda sicrwydd gwyddonol, na fyddai dim 'Effaith Niweidiol ar
Integredd' ar y safle dynodedig yn sgil y cynllun neu'r prosiect, naill ai ar
ei ben ei hun neu mewn cyfuniad â chynlluniau a phrosiectau eraill. Nodwyd bod gan yr Awdurdod Cynllunio Lleol 45 o geisiadau na ellir eu
penderfynu oherwydd y mater uchod, ac mae angen gwrthod y ceisiadau, ond ar hyn
o bryd nid oes gan Swyddog Arweiniol Corfforaethol Yr Economi ac Adfywio'r
pwerau dirprwyedig i wrthod, ac ar ben hynny ni all Aelodau Lleol ofyn bod
ceisiadau'n cael eu cyflwyno i’r Pwyllgor Rheoli Datblygu i'w penderfynu, gan
nad oes gwybodaeth ddigonol i gefnogi cynnig a byddai penderfyniad i gymeradwyo
yn arwain at benderfyniad anghyfreithlon. Nododd yr Aelodau eu pryderon ynghylch yr effaith ar geisiadau cynllunio
a'r effaith ar fasnachwyr megis adeiladwyr, trydanwyr a phlymwyr; yr effaith ar
ddatblygiadau pwysig megis Cylch Carol, y Canolfannau Lles a thai
cymdeithasol; y diffyg manylion a ddarparwyd
gan Dŵr Cymru ynghylch y dull samplu; pryder y gellir ymestyn hyn i
gynnwys ardaloedd arfordirol lle y gallai fod effaith ar yr amgylchedd morol;
pryder ynghylch gwaith trin carthion preifat nad yw Dŵr Cymru wedi'i
fabwysiadu a'r costau a drosglwyddir i breswylwyr a'r diffyg amserlen gan
Lywodraeth Cymru ar gyfer darparu canllawiau ar sut y dylid gwneud y
penderfyniadau hyn. Nodwyd bod Arweinydd y Cyngor a'r Prif Weithredwr wedi cyfarfod â Dŵr
Cymru a Chyfoeth Naturiol Cymru, ond ychydig iawn o wybodaeth oedd ar gael. Mae
Russell Hughes-Pickering, Swyddog Arweiniol Corfforaethol Yr Economi ac
Adfywio, wedi sefydlu Bwrdd Rheoli Maetholion, a fydd yn cael ei gadeirio gan y
Cynghorydd Rhodri Evans. Bydd y bwrdd hwn yn gallu ymchwilio i'r pryderon hyn
yn fanwl. Yn dilyn pleidlais, PENDERFYNWYD
cymeradwyo rhoi Pwerau Dirprwyedig i Swyddog Arweiniol Corfforaethol Yr Economi
ac Adfywio mewn ymgynghoriad gyda’r Aelod Cabinet i benderfynu ar geisiadau
cynllunio lle mae ffosffadau yn broblem (yn unol â Rheoliadau Cadwraeth
Cynefinoedd a Rhywogaethau 2017), ac a dderbyniwyd ar ôl 1 Mehefin 2021. Byddai
ceisiadau sy’n disgyn i’r categori hwn, ac a ddaeth i law cyn 1 Mehefin 2021,
yn cael eu dal yn ôl hyd nes y ceir arweiniad clir ar gyfer penderfynu ar
geisiadau. |
|
Cofnodion: Cyflwynodd y Cynghorydd Ray Quant, Dirprwy
Arweinydd y Cyngor a’r Aelod Cabinet dros Wasanaethau Cyfreithiol a
Llywodraethu, Pobl a Threfniadaeth a Gwasanaethau Democrataidd yr adroddiad gan
nodi bod y newidiadau arfaethedig wedi cael eu hystyried a'u cymeradwyo gan y
Gweithgor Trawsbleidiol, gan gynnwys: · Newidiadau sy’n ymwneud â’r Pwyllgor Moeseg a Safonau a’r Pwyllgor Llywodraethu ac Archwilio i
adlewyrchu gofynion Deddf Llywodraeth Leol ac Etholiadau (Cymru) 2021 (‘Deddf
2021’); · Diwygiad i ffi’r Cyfansoddiad i adlewyrchu
y caiff copïau o'r Cyfansoddiad eu darparu ar gyfer tâl sy'n cynrychioli dim
mwy na chost darparu'r copi; · Diwygiadau
i’r canllaw i’r Cyfansoddiad; · Cyfeiriad at Ddatganiad/Polisi Atal
Caethwasiaeth y Cyngor · Esboniad a
diwygiadau i ddirprwyaethau mewn perthynas â Channel
a CONTEST; · Diwygiadau
i’r dirprwyaethau i’r Swyddog Arweiniol Corfforaethol ar gyfer Polisi,
Perfformiad a Diogelu'r Cyhoedd i adlewyrchu newidiadau
deddfwriaethol mewn perthynas ag anifeiliaid gwyllt a syrcasau teithiol, rheoliadau ysmygu,
coed peryglus a sbwriel; · Cael gwared ag Ein Rhanbarth ar Waith
(‘ERW’); · Diwygiadau ynghylch Rhybuddion o Gynnig y
penderfynodd y Pwyllgor
Gwasanaethau Democrataidd argymell i'r Cyngor eu cymeradwyo; · Diwygiadau
i’r broses galw i mewn y penderfynodd y Pwyllgor Gwasanaethau Democrataidd argymell i'r Cyngor eu cymeradwyo; · Diwygiadau
i egluro'r gweithdrefnau pleidleisio; · Diwygiadau
sy'n ymwneud â Phwyllgorau Rheoleiddio sy'n cyfeirio at weithdrefnau
pleidleisio; · Cyfeiriad
at y Ddyletswydd Economaidd-Gymdeithasol; · Dirprwyaethau i Swyddog Arweiniol
Corfforaethol Yr Economi ac Adfywio mewn perthynas â Ffosffadau mewn Ardaloedd
Cadwraeth Arbennig; · Diwygiad i Dai gan gynnwys cyflwyno a threfniadau dirprwyo Rheoliadau
Effeithlonrwydd Ynni (Eiddo Rhent Preifat) (Cymru a Lloegr) 2015 a Deddf Rhentu
Cartrefi (Ffioedd etc.) (Cymru) 2019; · Diwygiad
i eiriad, gan ddileu’r cyfyngiad ar Swyddog Monitro Awdurdod Lleol i fod yn
Bennaeth y Gwasanaethau Democrataidd yn unol â Deddf Llywodraeth Leol ac Etholiadau (Cymru) 2021;
i gael ei ddiwygio o fis Mai 2022; · Diwygiad
i enw Porth Cymorth Cynnar; · Diwygiadau
i’r dirprwyaethau i’r Swyddog Arweiniol Corfforaethol ar gyfer Cyswllt
Cwsmeriaid i gadarnhau’r cyfrifoldeb ar gyfer cydnerthedd
seiber; ·
Diwygiad i’r geiriad, gan
ddisodli'r gair 'cyflog' â ‘taliad cydnabyddiaeth’ mewn perthynas â'r Prif Weithredwr yn unol â Deddf
Llywodraeth Leol ac Etholiadau (Cymru) 2021 a ddaeth i rym o 20 Mawrth 2021
ymlaen, a diwygio’r teitl o ‘Pennaeth y Gwasanaeth Cyflogedig’ i ‘Prif
Weithredwr’; · Diwygiad
i adlewyrchu gofyniad i ymgynghori ar brosesau gwneud penderfyniadau a
pherfformiad yn unol â Deddf
Llywodraeth Leol ac Etholiadau (Cymru) 2021. Nodwyd nifer o fân
welliannau hefyd yn ymwneud â newidiadau o ran arddull a fformat, a chywiriadau
i enwau pwyllgorau. Yn dilyn
pleidlais, PENDERFYNWYD: 1. Nodi cynnwys yr adroddiad 2. Cymeradwyo'r
newidiadau i'r Cyfansoddiad, fel yr argymhellwyd gan Weithgor Trawsbleidiol
Cyfansoddiad y Cyngor ac fel y'u rhestrir yng Nghynigion 1-20 yr Adroddiad; ac 3. Awdurdodi’r
Swyddog Arweiniol Corfforaethol: Gwasanaethau Cyfreithiol a
Llywodraethu/Swyddog Monitro i ddiweddaru Cyfansoddiad y Cyngor. |
|
Cofnodion: Cyflwynodd y Cynghorydd Ray
Quant, Dirprwy Arweinydd y Cyngor a'r Aelod Cabinet dros Wasanaethau
Cyfreithiol a Llywodraethu, Pobl a Threfniadaeth a Gwasanaethau Democrataidd yr
adroddiad yn nodi bod Camau 1 a 2 ailstrwythuro'r Cyngor wedi cael eu cytuno
gan y Cyngor yn 2018 a 2019. Nodwyd, o
ganlyniad i'r ailstrwythuro hwn, fod 3 rôl yn llai ar lefel Uwch Reolwyr
bellach. Mae Cam 3 yr ailstrwythuro yn mynd i’r afael â lefel cydnabyddiaeth ariannol y Prif Weithredwr
drwy gyflwyno strwythur tâl newydd ac ystod pedwar pwynt er mwyn sicrhau ei bod
yn gyson ag ystod cyflog holl Brif Swyddogion eraill y Cyngor. Nodwyd bod y
cynigion wedi'u cyflwyno a'u cymeradwyo gan Banel Annibynnol Cymru ar
Gydnabyddiaeth Ariannol ar 11 Mehefin 2021. Diolchodd y Cynghorydd Ellen ap Gwynn i Caroline
Lewis, Cyfarwyddwr Corfforaethol am arwain ar elfen olaf y broses
ailstrwythuro, gan ddiolch hefyd i'r Prif Weithredwr a'r holl Uwch Swyddogion
am yr holl waith ychwanegol a wnaed yn ystod y cyfnod heriol diweddar. Nodwyd bod mesurau wedi'u rhoi
ar waith i sicrhau y byddai strwythur cyflog deuol yn cael ei gynnal pe na bai
Swyddog yn derbyn dyfarniad cyflog i sicrhau nad oedd y sefyllfa hon yn codi
eto. Yn dilyn pleidlais, PENDERFYNWYD:
1. derbyn y cynnig i ddiwygio cydnabyddiaeth ariannol ac ystod
cydnabyddiaeth ariannol swydd y prif swyddog fel y nodir uchod ac fel y
cymeradwywyd gan y Panel Annibynnol ar Gydnabyddiaeth Ariannol; cymeradwyo gweithredu’r newidiadau i ystod cydnabyddiaeth ariannol swydd y Prif Weithredwr, a’u bod yn dod i rym o 1 Ebrill 2021. |
|
Cofnodion: Esboniodd y Cynghorydd
Alun Williams ei resymau dros roi’r gorau i’r rôl hon, er mwyn parhau i
ddarparu'r brechlyn COVID-19, a diolchodd i'r Cyngor Iechyd Cymuned lleol ac
Aelodau eraill y Grŵp Gweithredol am eu holl waith caled. Nodwyd bod y
grŵp hwn yn eiriolwyr dros gwynion cleifion ac yn gyfrifol am ddwyn Bwrdd
Iechyd Hywel Dda i gyfrif. Yn ogystal â hyn, maent wedi gweithio'n galed i
sicrhau bod sgrinio am ganser y coluddyn a chanser y fron yn cael ei
ailgyflwyno, a nhw oedd y Bwrdd Iechyd cyntaf yng Nghymru i ddarparu i-Pads ar bob ward ysbyty. Yn dilyn pleidlais, enwebwyd y Cynghorydd
Gareth Davies i gynrychioli Cyngor Sir Ceredigion ar Gyngor Iechyd Cymuned
Hywel Dda. |
|
Ystyried Adroddiad Blynyddol y Pwyllgor Llywodraethu ac Archwilio 2020/21 PDF 630 KB Cofnodion: Cyflwynodd y Cynghorydd Rowland Rees-Evans, Cadeirydd y Pwyllgor Archwilio,
yr adroddiad i'r Cyngor gan nodi'r gwaith a wnaed yn ystod y flwyddyn. Diolchodd i'r
Swyddogion am eu gwaith caled trwy gydol y flwyddyn, a diolchodd i Aelodau'r
Pwyllgor Archwilio am eu cyfraniad. Nododd y Cyngor gynnwys yr adroddiad. |