Agenda a Chofnodion

Ymddiheurodd Eifion Evans, Prif Weithredwr, Barry Rees, Cyfarwyddwr Corfforaethol a Duncan Hall, Swyddog Arweiniol Corfforaethol: Cyllid a Chaffael am nad oeddent yn gallu bod yn bresennol yn y cyfarfod.

i.      Estynnwyd llongyfarchiadau i Sioned Harries ar ennill cap rygbi rhyngwladol rhif 71 yn erbyn yr Alban yn ddiweddar ym Mhencampwriaeth Chwe Gwlad y Merched.

ii.     Estynnwyd llongyfarchiadau i Emlyn Lewis a Lee Jenkins ar gael eu cynnwys yng ngharfan bêl-droed Cymru C ar gyfer y Gêm Her Ryngwladol yn erbyn Lloegr C yn ddiweddar.

iii.    Dymunwyd yn dda i Elgan Jones, Gweithiwr Cynnal a Chadw Tiroedd, ar ei ymddeoliad ar ôl 46 o flynyddoedd o wasanaeth i Gyngor Sir Dyfed ac yna Gyngor Sir Ceredigion.

iv.   Estynnwyd llongyfarchiadau i Gareth Ward, Bwyty Ynyshir, ar lwyddo i gadw dwy seren Michelin yn y Michelin Guide ar gyfer Prydain ac Iwerddon 2023.

v.     Hefyd estynnwyd llongyfarchiadau i Chris a Rachel Welch, Yr Hen Printworks, ar ennill gwobr y Bib Gourmand yn y Michelin Guide ar gyfer Prydain ac Iwerddon 2023.

vi.   Estynnwyd llongyfarchiadau i Wasanaeth Cerdd Ceredigion ar y gyngerdd fawreddog a gynhaliwyd yn ddiweddar yng Nghanolfan y Celfyddydau Aberystwyth.

Datganodd y Cynghorydd Keith Henson fuddiant personol a buddiant sy’n rhagfarnu mewn perthynas ag eitem 192 a gadawodd y cyfarfod pan oedd y mater hwnnw’n cael ei drafod. 

Cadarnhau bod cofnodion Cyfarfod y Cabinet a gynhaliwyd ar 7 Mawrth 2023 yn gywir.

Materion yn codi: Nid oedd materion yn codi o’r cofnodion.

a)    Lleihau terfyn cyflymder i 40mya yn Tynreithyn, Tregaron

Nodwyd bod y ddeiseb uchod wedi dod i law ac y byddai’n cael ei thrin yn unol â’r canllawiau yn y Protocol Deisebau.

Dim.

Dim.

PENDERFYNIAD:

i.      Cymeradwyo Cynllun Llesiant Lleol Ceredigion 2023-2028.

ii.     Nodi adborth y Pwyllgor Cydlynu Trosolwg a Chraffu.

Y rheswm dros y penderfyniad:

Fel Aelod Statudol o Fwrdd Gwasanaethau Cyhoeddus Ceredigion mae angen i’r Cyngor gymeradwyo Cynllun Llesiant Lleol Ceredigion cyn y gall y Bwrdd Gwasanaethau Cyhoeddus roi cytundeb terfynol i gyhoeddi’r Cynllun.

PENDERFYNIAD:

a)    Cymeradwyo’r diwygiadau i:

1.    Y Cod Ymddygiad ar gyfer Cyflogeion Llywodraeth Leol (Atodiad 2);

2.    Y Ffurflen Datgan Buddiant (Atodiad 3); a

3.    Y Ffurflen Datgan Lletygarwch a Rhoddion (Atodiad 4).

b)    Nodi adborth y Pwyllgor Trosolwg a Chraffu Adnoddau Corfforaethol.

Y rheswm dros y penderfyniad:

Gwneud yn siŵr bod y Cod Ymddygiad ar gyfer Cyflogeion Llywodraeth Leol, y Ffurflen Datgan Buddiant a’r Ffurflen Datgan Lletygarwch a Rhoddion yn cael eu diweddaru ac yn rhoi eglurder a thryloywder i Swyddogion.

PENDERFYNIAD:

i.      Cymeradwyo’r diwygiadau i’r Polisi Chwythu’r Chwiban fel y’u dangosir yn Atodiad 1.

ii.     Nodi adborth y Pwyllgor Cydlynu Trosolwg a Chraffu.

Y rheswm dros y penderfyniad:

Sicrhau bod y Polisi Chwythu’r Chwiban yn gyfredol ac yn parhau i fod yn addas i’r diben.

PENDERFYNIAD:

1.    Cymeradwyo’r ffioedd a delir i Gartrefi Gofal yng Ngheredigion ar gyfer 2023/24 ar y lefelau wythnosol a ganlyn, gan ddod i rym ar 10/04/2023:

2.    Cymeradwyo’r ffioedd a godir am Gartrefi Gofal Preswyl yng Ngheredigion ar gyfer 2023/24 ar y lefelau wythnosol a ganlyn, gan ddod i rym ar 10/04/2023:

Y rheswm dros y penderfyniad:

Er mwyn cytuno ar ffioedd i bobl hŷn ar gyfer 2023/24.

Nodwyd yr adroddiad.

Dim.