Ymddiheurodd James Starbuck, Cyfarwyddwr Corfforaethol am nad oedd yn gallu bod yn bresennol yn y cyfarfod.

i.        Estynnwyd cydymdeimlad â theulu’r Cynghorydd Hag Harris a fu farw’n ddiweddar. Talwyd teyrngedau i’r Cynghorydd Hag Harris am ei gyfraniad helaeth i wleidyddiaeth yng Ngheredigion. Estynnwyd cydymdeimlad diffuant â’i bartner a’i deulu.

Cynhaliwyd munud o dawelwch er cof amdano.

ii.       Llongyfarchwyd yr Athro Robert Glyn Hewinson CBE o Aberystwyth a gafodd ei anrhydeddu am ei wasanaethau i Iechyd a Lles Anifeiliaid yn Anrhydeddau Pen-blwydd y Frenhines.

iii.     Llongyfarchwyd Owen Evans CBE, cyn Brif Weithredwr S4C, sydd bellach yn Brif Arolygydd Arolygiaeth Ei Mawrhydi dros Addysg a Hyfforddiant yng Nghymru, a gafodd ei anrhydeddu yn Anrhydeddau Pen-blwydd y Frenhines.

iv.     Llongyfarchwyd Brynmor Williams MBE, yn wreiddiol o Geredigion, a gafodd ei anrhydeddu yn Anrhydeddau Pen-blwydd y Frenhines.

v.       Llongyfarchwyd Pam Kelly, cyn Ddirprwy Brif Gwnstabl Heddlu Dyfed Powys, sydd bellach yn Brif Gwnstabl gyda Heddlu Gwent, a enillodd Fedal Heddlu’r Frenhines.

vi.     Llongyfarchwyd CFfI Felinfach ar ennill rali’r sir, CFfI Penparc a ddaeth yn ail, ac CFfI Llanwenog ar gynnal digwyddiad llwyddiannus. Dymunwyd y gorau i’r holl aelodau a fydd yn cystadlu yn Sioe Frenhinol Cymru.

vii.   Llongyfarchwyd plant, pobl ifanc ac athrawon Ceredigion ar eu llwyddiant yn Eisteddfod Genedlaethol yr Urdd a gynhaliwyd yn sir Ddinbych yn ddiweddar.

viii.  Llongyfarchwyd Helen Medi Williams a Lona Phillips, sylfaenwyr ac arweinwyr Adran Aberystwyth, a enillodd Wobr Goffa John a Ceridwen Hughes yn Eisteddfod Genedlaethol yr Urdd.

ix.     Llongyfarchwyd Twm Ebbsworth o Lanwnnen ar ennill y goron yn Eisteddfod Genedlaethol yr Urdd ac Elain Roberts o Geinewydd ar ddod yn drydydd yn yr un gystadleuaeth. Llongyfarchwyd Catrin Jones o Lanwnnen hefyd ar ennill Ysgoloriaeth yr Artist Ifanc.

x.       Dymunwyd yn dda i Drizzle Joe Thomas o Aberystwyth, a fu’n cystadlu yn Eisteddfod Genedlaethol yr Urdd o’r ysbyty ym Manceinion wrth dderbyn triniaeth.

xi.     Estynnwyd cydymdeimlad â theulu Mark Purslow, cyn-ddisgybl o Ysgol Gyfun Aberaeron, a fu farw’n ddiweddar.

xii.   Llongyfarchwyd Rhys Norrington-Davies o Dalybont a thîm pêl-droed cenedlaethol Cymru ar ennill lle yng Nghwpan y Byd FIFA 2022.

Datganodd y Cynghorydd Matthew Vaux fuddiant personol mewn perthynas ag eitem 8.

Cadarnhau bod cofnodion Cyfarfod y Cabinet a gynhaliwyd ar 15 Mawrth 2022 yn gywir.

Materion yn codi: Nid oedd materion yn codi o’r cofnodion.

Nodwyd bod y ddeiseb uchod wedi dod i law ac y byddai’n cael ei thrin yn unol â’r canllawiau yn y Protocol Deisebau.

Dim.

Dim.

PENDERFYNIAD:

i.      Cymeradwyo’r Polisi diwygiedig ynghylch Cyfyngiadau Gwleidyddol ar Weithwyr Llywodraeth Leol (Atodiad 1).

ii.     Nodi’r adborth o’r Pwyllgor Trosolwg a Chraffu Adnoddau Corfforaethol.

Y rheswm dros y penderfyniad:

Er mwyn monitro dyletswyddau deddfwriaethol y Cyngor o ran swyddi sydd o dan gyfyngiadau gwleidyddol/ swyddi sy’n wleidyddol sensitif, gan gynnwys y gwaith o gadw Cofrestr y Cyngor.

PENDERFYNIAD:

Cadarnhau’r Polisi Derbyn Disgyblion 2023/2024.

Y rheswm dros y penderfyniad:

I gael polisi mewn lle ar gyfer 2023/2024.

PENDERFYNIAD:

Cymeradwyaeth i benodi’r cynigydd llwyddiannus, er mwyn galluogi’r gwaith adnewyddu ac ymestyn yn Ysgol Gynradd Aberteifi i ddechrau yn ystod gwyliau’r haf.

Y rheswm dros y penderfyniad:

Cyflenwi prosiect Ysgol Gynradd Aberteifi, sydd wedi ei gynnwys o fewn Band B Cymunedau Dysgu Cynaliadwy 2 a chydymffurfio â rheolau caffael sydd wedi’u cynnwys yng Nghyfansoddiad y Cyngor.

Dim.