Agenda a Chofnodion

Ymddiheurodd y James Starbuck, Cyfarwyddwr Corfforaethol am nad oedd yn gallu bod yn bresennol yn y cyfarfod.

i.       Diolchwyd i staff, aelodau a gwirfoddolwyr am eu hymdrechion wrth gynorthwyo teuluoedd yr effeithiwyd arnynt yn anffodus gan doriad yn y cyflenwad dŵr yn dilyn tywydd garw ym mis Rhagfyr. Diolchwyd i Tŷ Nant am eu cyfraniad sylweddol wrth gyflenwi dŵr potel i deuluoedd.

ii.      Estynnwyd llongyfarchiadau i’r Cynghorydd Keith Henson ar ddod yn dad-cu yn ddiweddar.

iii.    Estynnwyd llongyfarchiadau i’r Parch Euryl Howells, Uwch Gaplan Bwrdd Iechyd Prifysgol Hywel Dda y dyfarnwyd Medal yr Ymerodraeth Brydeinig (BEM) iddo am ei wasanaethau i’r Gaplaniaeth gyda GIG Cymru.

Nid oedd unrhyw ddatganiadau o fuddiannau personol/ buddiannau sy’n rhagfarnu.

Cadarnhau bod cofnodion Cyfarfod y Cabinet a gynhaliwyd ar 6 Rhagfyr 2022 yn gywir.

Materion yn codi: Nid oedd materion yn codi o’r cofnodion.

Dim.

Dim.

Dim.

PENDERFYNIAD:

1.     Cytuno ar aelodaeth y Grŵp Datblygu.

2.     Cytuno ar y Cylch Gorchwyl arfaethedig ar gyfer y Grŵp Datblygu, y Grŵp Monitro Cyfalaf, y Grŵp Rheoli Asedau a’r Grŵp Rheoli Prosiectau Corfforaethol.

3.     Nodi adborth y Pwyllgor Trosolwg a Chraffu Adnoddau Corfforaethol.

Y rheswm dros y penderfyniad:

1.     I oruchwylio’n strategol a rheoli Rhaglen Ddatblygu'r Cyngor mewn ffordd well.

2.     I wella'r trefniadau ar gyfer cyflawni Strategaeth Gorfforaethol y Cyngor.

3.     I ddefnyddio amser ac adnoddau yn effeithlon ac effeithiol.

PENDERFYNIAD:

i)       Nodi’r cynnydd a wneir gyda’r camau sydd yn y Cynllun Gweithredu Sero Net.

ii)     Nodi adborth y Pwyllgor Trosolwg a Chraffu Cymunedau Ffyniannus.

Y rheswm dros y penderfyniad:

Mae rhoi diweddariadau ar y cynnydd bob hyn a hyn yn rhan ganolog o’r gwaith o fonitro ein siwrnai Sero Net, ac fe nodwyd yn y Cynllun y byddem yn adrodd yn ôl yn rheolaidd i’r pwyllgor craffu a Cabinet.

PENDERFYNIAD:

i)       Cymeradwyo’r Siarter Cwsmeriaid.

ii)     Nodi adborth y Pwyllgor Trosolwg a Chraffu Adnoddau Corfforaethol.

Y rheswm dros y penderfyniad:

Cymeradwyo Siarter ddiwygiedig y Cwsmeriaid sy'n rhoi arweiniad i gwsmeriaid ar sut i gysylltu â'r Awdurdod a phryd i gael ymateb.

PENDERFYNIAD:

I gymeradwyo Polisi’r Gymraeg ar Ddyfarnu Grantiau.

Y rheswm dros y penderfyniad:

I gyrraedd gofyniad Safon 94 yn Fframwaith Statudol Safonau’r Gymraeg.

PENDERFYNIAD:

1.     I nodi bod Chwaraeon Cymru yn cymeradwyo cyfanswm grant gwerth £470,261 gyda gofyniad ar i’r Cyngor gyfrannu arian cyfatebol o £220k.

2.     Cytuno bod y Cyngor yn gweithredu mewn rôl gyswllt fel banciwr ar gyfer Grant Chwaraeon Cymru o £207,262 parthed Pwll Nofio Coffa a Neuadd Aberteifi.

3.     Cytuno bod y Cynlluniau yn cael eu cynnwys yn y Rhaglen Gyfalaf.

Y rheswm dros y penderfyniad:

Galluogi buddsoddiad cyfalaf gwerth £207,262 ym Mhwll Nofio Coffa a Neuadd Aberteifi.

Nodwyd yr adroddiad.

Dim.