Agenda a chofnodion drafft

Ymddiheurodd y Cynghorydd Elizabeth Evans, Mrs Caroline Whitby a Ms Elin Prysor na fedrent ddod i’r cyfarfod.

Dim.

Dim.

CYTUNWYD i gadarnhau bod Cofnodion Cyfarfod y Pwyllgor Llywodraethu ac Archwilio a gynhaliwyd ar 29 Ionawr 2025 yn gywir.

Materion yn codi

Dim.

CYTUNWYD i nodi cynnwys Cofnod o Gamau Gweithredu’r Pwyllgor Llywodraethu ac Archwilio fel y’i cyflwynwyd, yn amodol ar nodi y byddai gweithdy am yr Hunanasesiad yn cael ei gynnal ar 14 Ebrill 2025 ac y byddai’r Swyddog Arweiniol Corfforaethol – Cyfreithiol a Llywodraethu yn cyflwyno adroddiad am yr ail eitem ym mis Medi.

CYTUNWYD i nodi cynnwys Cofnod o Gamau Gweithredu’r Pwyllgor Llywodraethu ac Archwilio fel y’i cyflwynwyd, yn amodol ar nodi y byddai gweithdy am yr Hunanasesiad yn cael ei gynnal ar 14 Ebrill 2025 ac y byddai’r Swyddog Arweiniol Corfforaethol – Cyfreithiol a Llywodraethu yn cyflwyno adroddiad am yr ail eitem ym mis Medi.

Ystyriwyd Adroddiad Grantiau Archwilio Cymru ar gyfer 2023-24. Cyflwynwyd yr adroddiad fel rhan o Adroddiadau a Diweddariadau’r Rheoleiddwyr a’r Arolygiaethau ynghyd ag ymatebion y Cyngor ynghylch y cynnydd a wnaed o ran y cynigion a’r argymhellion.

Ar hyn o bryd, hwn oedd yr unig adroddiad lle’r oedd unrhyw waith lleol ynghylch risg wedi’i gyflwyno / wedi’i gyhoeddi ers cyfarfod diwethaf y Pwyllgor Llywodraethu ac Archwilio. Dywedodd Ms Lucy Evans o Archwilio Cymru fod dau o’r tri hawliad grant a ardystiwyd wedi derbyn barn gymwys. Fodd bynnag, nid oedd y materion a godwyd yn sylweddol nac ychwaith yn berthnasol i’r Awdurdodau Lleol eraill.

CYTUNWYD i nodi’r sefyllfa bresennol.

Dywedwyd bod Estyn wedi lansio fframwaith arolygu newydd yn ystod blwyddyn academaidd 2024/25. Roedd hyn yn cynnwys ymweliadau interim o rhwng un a dau ddiwrnod i weithio ochr yn ochr ag arolygiadau llawn byrrach o rhwng tri a phedwar diwrnod. Roedd arolygiadau ysgolion wedi bod yn gadarnhaol ac roedd Awdurdod Lleol Ceredigion yn un o’r ychydig o awdurdodau lleol yng Nghymru heb unrhyw gategorïau dilynol yn dilyn arolygiadau.

Roedd yr ysgolion a’r sefydliadau nas-gynhelir canlynol wedi cael eu harolygu yn ystod blwyddyn academaidd 2024/25:

•         Ysgol Henry Richard

•         Ysgol Penweddig

•         Cylch Meithrin Llanfarian

•         Ysgol Bro Teifi

•         Ysgol Penllwyn a Phenrhyncoch (Interim)

•         Meithrinfa Plas Gogerddan

•         Cylch Meithrin Cei Newydd

•         Ysgol Comins Coch

•         Ysgol Aberporth (Interim)

CYTUNWYD i nodi’r canlynol:-

(i) yr arolygiadau cadarnhaol a gafwyd; a

(ii) y gwaith parhaus yr oedd yr ysgolion a’r gwasanaeth ysgolion yn ei wneud o ran mynd i’r afael â’r argymhellion a amlinellir yn yr adroddiadau arolygu, er mwyn sicrhau gwelliant parhaus.

Cydymdeimlwyd â Mrs Elen James, y Swyddog Arweiniol Corfforaethol, yn dilyn ei phrofedigaeth ddiweddar.

Cafodd y Fframwaith Llywodraethu ei gyflwyno ddiwethaf i’r Pwyllgor Llywodraethu ac Archwilio ar 14 Mawrth 2025. Fe’i cymeradwywyd gan y Cyngor a’i gyhoeddi ar 21 Mawrth 2024.

Cynhaliwyd adolygiad o'r Fframwaith Llywodraethu cyfredol ar gyfer  2024-25 gan y tîm Llywodraethu a phenderfynwyd nad oedd angen unrhyw newidiadau gan ei fod yn gyfredol ac yn berthnasol. Roedd y fframwaith yn rhoi arweiniad clir ar ymrwymiad y Cyngor i’r saith egwyddor ar gyfer llywodraethu da, fel yr amlinellir yn y ddogfen Darparu Llywodraethu Da mewn Llywodraeth Leol: Fframwaith' CIPFA/SOLACE (Rhifyn 2016).

CYTUNWYD:-

(i) i nodi cynnwys yr adroddiad hwn;

(ii) y byddai’r Fframwaith yn cael ei adolygu bob tair blynedd yn hytrach na phob blwyddyn.

Pwysleisiodd y Cadeirydd pa mor bwysig oedd peidio ag adolygu eitemau’n ddiangen oni bai bod y gyfraith yn mynnu bod hynny’n digwydd.

Roedd Datganiad Llywodraethu Blynyddol Drafft 2024/25 yn cynnwys Cynllun Gweithredu ar gyfer 24/25 fel yr amlinellwyd yn Rhan 7(Atodiad 1) fel y’i cyflwynwyd:

• Paratowyd hyn yn unol â'r fframwaith.

Roedd y cynnig fel a ganlyn:-

• Monitro’r cynnydd a wnaed o ran y Cynllun Gweithredu yn Natganiad Llywodraethu Blynyddol 2024-25 (Atodiad 1).

• Nodi bod y camau hyd yma wedi’u diweddaru.

CYTUNWYD i

(i) nodi cynnwys yr adroddiad; a

(ii) nodi Datganiad Llywodraethu Blynyddol Drafft 2024-25 gan gynnwys y Cynllun Gweithredu – Rhan 7 (Atodiad 1)

Ystyriwyd adroddiad y Rheolwr Corfforaethol – Archwilio Mewnol ynghylch Adroddiad Cynnydd Archwilio Mewnol Chwarter 3. Cyflwynwyd yr adroddiad er mwyn sicrhau bod y Pwyllgor yn fodlon bod yr Adain Archwilio Mewnol yn ymgymryd â gwaith priodol a digonol i ddarparu sicrwydd realistig ar ddiwedd y flwyddyn gan ychwanegu gwerth a chynorthwyo’r Cyngor wrth gyflawni ei amcanion. Adroddwyd bod pedwar darn o waith wedi’u cwblhau a bod 6 darn o waith yn parhau i fynd rhagddynt.

CYTUNWYD i nodi’r gwaith a wnaed a’r sefyllfa bresennol o ran y Gwasanaeth Archwilio Mewnol.

Roedd y Safonau Archwilio Mewnol Byd-eang yn Sector Cyhoeddus y Deyrnas Unedig yn ei gwneud yn ofynnol i’r Rheolwr Corfforaethol – Archwilio Mewnol ddatblygu Strategaeth Archwilio Mewnol i gefnogi llwyddiant y Cyngor.

Roedd y Strategaeth wedi'i chynllunio i sicrhau bod Archwilio Mewnol yn cyd-fynd â disgwyliadau'r Cyngor a'i randdeiliaid trwy gefnogi gweledigaeth ac Amcanion Llesiant y Cyngor fel y nodir yn Strategaeth Gorfforaethol y Cyngor.

Roedd y Strategaeth Archwilio Mewnol yn nodi pwrpas, gweledigaeth ac amcanion Archwilio Mewnol ar gyfer gweddill cyfnod y Strategaeth Gorfforaethol gyfredol (2027). Roedd ein hamcanion yn cynnwys meysydd a fyddai’n:

• Helpu’r Archwilwyr Mewnol i ddatblygu eu cymwyseddau,

• Cyflwyno technoleg ar gyfer ei defnyddio ym maes Archwilio Mewnol,

• Cynnwys cyfleoedd i wella Archwilio Mewnol yn ei gyfanrwydd.

CYTUNWYD

(i) i gymeradwyo Strategaeth Archwilio Mewnol 2025-27;

(ii) i ddatblygu siart llif er mwyn esbonio’r protocol ynghylch sut y gallai’r Aelodau Etholedig, y Pwyllgor Llywodraethu ac Archwilio, a’r Pwyllgorau Craffu awgrymu meysydd i’w hystyried ar gyfer eu cynnwys yn y Cynllun Archwilio Mewnol; y Prif Archwilydd Mewnol fyddai’n gwneud y penderfyniad terfynol ynghylch yr hyn a fyddai’n cael ei gynnwys yn y cynllun ond byddai’n ofynnol ymgynghori â’r Pwyllgor Llywodraethu ac Archwilio;

(iii) y dylai’r Pwyllgor ystyried y broses a amlinellir yn (ii) uchod i sicrhau gwell trefniadau ar gyfer cydweithio a darparu cymorth yng nghyswllt y strategaeth a’r cynllun archwilio; a

(iv) y dylai’r eitem gael ei rhoi ar Gynllun Gweithredu’r Pwyllgor Llywodraethu ac Archwilio.

Rhoddwyd llongyfarchiadau i’r Rheolwr Corfforaethol – Archwilio Mewnol am ennill ei chymhwyster proffesiynol.

Roedd y Safonau Archwilio Mewnol Byd-eang yn Sector Cyhoeddus y Deyrnas Unedig yn ei gwneud yn ofynnol i'r Rheolwr Corfforaethol - Archwilio Mewnol ddatblygu Cynllun Archwilio Mewnol a fyddai’n cefnogi’r gwaith o gyflawni amcanion y sefydliad. Roedd y cynllun yn cael ei baratoi mewn modd a fyddai’n sicrhau bod sylw digonol yn cael ei roi i’r gwaith o gefnogi'r casgliad blynyddol ar effeithiolrwydd systemau llywodraethu, rheoli risg a rheolaeth fewnol ar draws y Cyngor. Roedd y cynllun yn seiliedig ar asesiad blynyddol o strategaethau, amcanion a risgiau'r Cyngor a oedd wedi'i ddogfennu ac roedd uwch reolwyr yn cyfrannu ato.

Roedd y cynllun yn cael ei adolygu a'i ddiwygio'n rheolaidd yn unol â risgiau a byddai’r holl ddiwygiadau yn cael eu rhannu â’r uwch reolwyr a'r Pwyllgor Llywodraethu ac Archwilio.

CYTUNWYD i gymeradwyo’r adroddiad.

Dywedwyd bod safon 6.2 o’r Safonau Archwilio Mewnol Byd-eang yn nodi bod yn rhaid i'r ‘prif swyddog gweithredol Archwilio Mewnol ddatblygu a chynnal siarter archwilio mewnol’. Dogfen ffurfiol yw’r siarter sy’n diffinio mandad y gweithgaredd archwilio mewnol, ei ddiben, ei awdurdod a’i gyfrifoldeb ynghyd â sefydlu rôl archwilio mewnol o fewn y sefydliad a’r perthnasau adrodd. Yn ogystal, mae'r siarter yn cadarnhau cyfrifoldebau'r Pwyllgor Llywodraethu ac Archwilio o ran y swyddogaeth Archwilio Mewnol ynghyd â rôl a chyfrifoldebau’r Rheolwr Corfforaethol - Archwilio Mewnol wrth reoli'r swyddogaeth Archwilio Mewnol, y sgôp a’r mathau o wasanaethau y mae’r swyddogaeth yn eu darparu.

Cafodd Siarter Archwilio Mewnol Cyngor Sir Ceredigion ei chymeradwyo’n wreiddiol ym mis Mawrth 2013. Roedd fersiwn ddrafft Siarter Archwilio Mewnol 2025/26 wedi cael ei hadolygu a'i diweddaru gan y Rheolwr Corfforaethol Archwilio Mewnol gan sicrhau ei bod yn gyson â'r Safonau Archwilio Mewnol Byd-eang newydd, Nodyn Gweithredu Llywodraeth Leol a Chod Ymarfer: Llywodraethu Archwilio Mewnol ‘CIPFA’. Roedd y diweddariadau yn cynnwys:

• Y Mandad Archwilio Mewnol;

• Newidiadau i'r Mandad a’r Siarter Archwilio Mewnol; a

• Diben Archwilio Mewnol;

Adolygwyd y siarter drafft yn dilyn cyhoeddi fersiynau terfynol Nodyn Gweithredu Llywodraeth Leol a'r Cod Ymarfer: Llywodraethu Archwilio Mewnol ac roedd y gwelliannau canlynol wedi'u cynnwys yn y fersiwn derfynol fel y gellir eu cymeradwyo:

• Cynnwys ‘trydydd partïon’ o ran awdurdod a hawliau mynediad Archwilio Mewnol

• Rhoi’r teitl ‘Safonau Archwilio Mewnol Byd-eang yn Sector Cyhoeddus y Deyrnas Unedig’ i’r safonau perthnasol

• Cyfeirio at Archwilio Mewnol fel ‘Archwilio Mewnol’ yn unig yn hytrach na fel swyddogaeth, yn unol ag argymhelliad y Pwyllgor Llywodraethu ac Archwilio.

CYTUNWYD i nodi’r cynnwys a CHYMERADWYO’R siarter a gyflwynwyd.

Roedd adolygiad wedi’i gynnal yn ddiweddar o’r Fframwaith a gefnogai Ddatganiad Llywodraethu Blynyddol 2024/25. Cyflwynwyd y Fframwaith Llywodraethu a’r Datganiad Llywodraethu Blynyddol gerbron y Pwyllgor ym mis Ionawr 2025. Bu Aelodau’r Pwyllgor hefyd yn rhan o’r adolygiad.

Roedd Archwilio Cymru wedi rhoi barn archwilio am y Datganiad Llywodraethu Blynyddol yn seiliedig ar y ffaith ei fod yn gyson o ran eu gwybodaeth nhw ohono a’i fod yn cydymffurfio â’r ddeddfwriaeth. Roedd adolygiad yr adain archwilio mewnol yn cynnwys asesiad o’r gweithdrefnau a oedd ar waith i baratoi’r fframwaith llywodraethu a’r fethodoleg sgorio a ddefnyddiwyd ynghyd ag ystyriaeth o’r ‘dystiolaeth’ a nodwyd yn y fframwaith.

Roedd yr adolygiad hwn felly yn ategu gwaith Swyddfa Archwilio Cymru ar y Datganiad Llywodraethu Blynyddol, ac roedd yn rhoi sicrwydd bod y weithdrefn yn gadarn, yn benodol ac yn effeithiol.

CYTUNWYD i nodi’r adolygiad a wnaed o’r Fframwaith Llywodraethu. of the Governance Framework:

Dywedwyd bod adroddiadau rheolaidd yn cael eu cyflwyno i'r Pwyllgor Llywodraethu ac Archwilio ynghylch Cofrestr Risgiau Corfforaethol y Cyngor i roi gwybodaeth a sicrwydd parhaus bod y risgiau a nodwyd gan uwch reolwyr yn cael eu rheoli’n briodol. Roedd hyn yn atgyfnerthu rôl y Pwyllgor Llywodraethu ac Archwilio o ran rhoi sicrwydd annibynnol i’r Cyngor bod y Gofrestr Risgiau Corfforaethol yn cael ei rheoli’n briodol. 

Cynhaliwyd adolygiad o statws diweddaraf y risgiau yng nghyfarfod y grŵp arweiniol ar 05 Mawrth 2025 lle trafodwyd a chytunwyd ar y risgiau y gellir eu huwchgyfeirio i'r Gofrestr Risgiau Corfforaethol a’r risgiau y gellir eu             hisgyfeirio o’r Gofrestr. Hefyd, yn y cyfarfod hwnnw, cytunwyd ar y Gofrestr Risgiau Corfforaethol ddiweddaraf.

Isgyfeirio o fod yn risg gorfforaethol i fod yn risg i’r gwasanaeth

R021: Lefelau Ffosffadau

Uwchgyfeirio o fod yn risg i’r gwasanaeth i fod yn risg gorfforaethol

Dim

Newidiadau i sgoriau’r risgiau corfforaethol

O ganlyniad i gamau lliniaru llwyddiannus, roedd sgôr risg R021: Lefelau Ffosffadau wedi gostwng i 12, a oedd yn golygu y gellid ystyried isgyfeirio’r risg. Yng nghyfarfod y Grŵp Arweiniol ar 05 Mawrth 2025, cytunwyd y dylai’r risg gael ei hisgyfeirio o fod yn risg gorfforaethol i fod yn risg i’r gwasanaeth.

Roedd yr holl risgiau eraill wedi'u hadolygu ac roeddent yn cynnwys y statws RAG diwygiedig o ran camau lliniaru a sylwadau wedi'u diweddaru. Roedd pob un o sgoriau’r risgiau eraill wedi aros yr un fath, ar wahân i:

R025: Mesuriadau Diogelwch Tân ac Amddiffyn yn Eiddo'r Cyngor – a oedd wedi gostwng o 20 i 16.

Dywedwyd bod y dyddiadau y byddai’r Pwyllgorau Craffu yn adolygu’r risgiau wedi’u cynnwys yn y crynodeb.

CYTUNWYD

(i) i nodi’r Gofrestr Risgiau Corfforaethol a oedd wedi’i diweddaru;

(ii) i ystyried yn fanylach, drwy gyfrwng gweithdy, gysyniad goddefgarwch risgiau’r Cyngor a’i gysylltiad â’r gofrestr risgiau gan ganolbwyntio’n benodol ar risgiau ariannol a diogelwch tân;

(iii) y byddai (ii) yn cael ei roi ar waith ar ôl derbyn adroddiad Archwilio Cymru ar Reoli Risg, a allai gynnwys argymhellion i helpu’r Pwyllgor gyda’i oddefgarwch risgiau ac i osgoi dyblygu ymdrechion yng nghyswllt y mater hwn; a

(iv) i nodi bod Uwch Swyddogion ar hyn o bryd yn ystyried y risg bosibl o ran Ardal Cadwraeth Arbennig Morol Gorllewin Cymru a’i safle ar y Gofrestr Risgiau Corfforaethol.

Cyflwynodd Rhan 6 o Ddeddf Llywodraeth Leol ac Etholiadau (Cymru) 2021 drefn perfformiad newydd yn seiliedig ar Hunanasesu ar gyfer Prif Gynghorau. Nod y drefn hon yw meithrin diwylliant o welliant parhaus, lle mae cynghorau yn ymdrechu i wella, waeth pa mor dda y maent eisoes yn perfformio. Mae’r Ddeddf yn disgwyl i gynghorau geisio cyflawni mwy bob amser gan ganolbwyntio ar sicrhau’r canlyniadau gorau i bobl a chymunedau lleol.

Roedd 5 dyletswydd benodol i Gynghorau a gyflwynwyd gan y Ddeddf:

• Dyletswydd i barhau i adolygu perfformiad

• Dyletswydd i ymgynghori ar berfformiad

• Dyletswydd i adrodd ar berfformiad

• Dyletswydd i drefnu Asesiad o Berfformiad gan Banel

• Dyletswydd i ymateb i Asesiad o Berfformiad gan Banel

Yn unol â’i ddyletswydd i adrodd ar berfformiad, mae'n ofynnol i'r Cyngor gyhoeddi Adroddiad Hunanasesu ar gyfer pob blwyddyn ariannol gan nodi'r casgliadau ynghylch a oedd y Cyngor wedi bodloni'r gofynion perfformiad yn ystod y flwyddyn ariannol honno, ac unrhyw gamau y bydd yn eu cymryd neu y mae eisoes wedi eu cymryd i wneud mwy o gynnydd wrth fodloni'r gofynion perfformiad. Mae pwyslais yr adroddiad ar ddeall sut mae'r Cyngor yn gweithredu ar hyn o bryd, y galw tebygol y bydd yn ei wynebu yn y dyfodol, a sut y gall adeiladu cynaliadwyedd.

Y Sefyllfa Bresennol

Bu’r Pwyllgor Llywodraethu ac Archwilio yn ystyried yr Adroddiad Hunanasesu Drafft yn ei gyfarfod ar 15 Hydref 2024. Ni wnaed unrhyw argymhellion ffurfiol i newid y casgliadau na’r camau yr oedd y Cyngor yn bwriadu eu cymryd. Cymeradwywyd yr adroddiad terfynol gan y Cyngor ar 7 Ionawr 2025.

Y Camau Nesaf

Roedd y Pwyllgor Llywodraethu ac Archwilio yn un o bedwar derbynnydd statudol yr Adroddiad Hunanasesu Terfynol. Byddai’r Adroddiad hefyd yn cael ei gyflwyno i Weinidogion, Estyn ac Archwilydd Cyffredinol Cymru, yn ogystal â chael ei gyhoeddi ar wefan y Cyngor.

CYTUNWYD i nodi’r Adroddiad Hunanasesu 2023/24 gan gynnwys yr Adolygiad Blynyddol o Berfformiad a’r Amcanion Llesiant. Diolchwyd i Mr Rob Starr a’i dîm am eu gwaith wrth iddynt baratoi’r adroddiad hwn.

Cyflwynodd Rhan 6 o Ddeddf Llywodraeth Leol ac Etholiadau (Cymru) 2021 drefn perfformiad newydd yn seiliedig ar Hunanasesu ar gyfer Prif Gynghorau. Rhan o'r drefn newydd oedd y ddyletswydd i gynnal Asesiad o Berfformiad gan Banel unwaith ym mhob cylch etholiad. Bwriad yr Asesiadau o Berfformiad gan Banel oedd rhoi persbectif annibynnol ac allanol o’r graddau yr oedd y Cyngor yn bodloni gofynion perfformiad Deddf Llywodraeth Leol ac Etholiadau (Cymru) 2021, gan ofyn:

•         a yw’n arfer ei swyddogaethau'n effeithiol;

•         a yw’n defnyddio ei adnoddau yn ddarbodus, yn effeithlon ac yn effeithiol;

•         a yw ei drefniadau llywodraethu yn effeithiol ar gyfer sicrhau’r uchod

Y nod yw cefnogi cynghorau i gyflawni eu dyheadau trwy ddatblygu dealltwriaeth o sut maent yn gweithredu a sut y gallant sicrhau eu bod yn medru darparu gwasanaethau effeithiol yn yr hirdymor.

Cynhaliwyd yr Asesiad gan banel o gymheiriaid a oedd wedi’u hyfforddi, o  bob rhan o’r sectorau cyhoeddus, preifat a gwirfoddol. Yng Ngheredigion, cynhaliwyd yr Asesiad cyntaf o Berfformiad gan Banel rhwng 30 Medi a 3 Hydref 2024.

Roedd fersiwn derfynol Adroddiad yr Asesiad o Berfformiad gan Banel, a oedd yn cynnwys casgliadau ac argymhellion y panel, bellach wedi dod i law.

Roedd gan y Pwyllgor Llywodraethu ac Archwilio rôl statudol i’w chwarae ym mhroses yr Asesiad o Berfformiad gan Banel, sef:

• Fel un o’r derbynwyr statudol, derbyn yr Asesiad terfynol o Berfformiad gan Banel.

• Adolygu ymateb drafft y Cyngor i’r Asesiad o Berfformiad gan Banel.

• Gwneud unrhyw argymhellion, os oes angen, ynghylch newidiadau i’r Ymateb i’r Asesiad o Berfformiad gan Banel.

Bu’r Asesiad o Berfformiad gan Banel yn llwyddiant i'r Cyngor ac adlewyrchir hyn ym mhrofiad cadarnhaol y Panel a'r casgliadau y daethpwyd iddynt yn ei hadroddiad terfynol.

Roedd casgliadau cyffredinol y Panel fel a ganlyn:

• O ystyried y galw mawr am wasanaethau ar hyn o bryd a'r pwysau ariannol hynod heriol, mae Cyngor Sir Ceredigion yn awdurdod lleol sy’n cael ei redeg yn dda.

• Mae gan y Cyngor arweinyddiaeth glir ac effeithiol gyda pherthnasoedd cryf rhwng y weithrediaeth wleidyddol, y swyddogion gweithredol a'r strwythurau ehangach ac mae’r Cyngor yn cyflawni ei swyddogaethau'n effeithiol yng ngoleuni'r pwysau ariannol, strategol a gweithredol sylweddol y mae'r Cyngor yn delio â nhw o ddydd i ddydd.

• Mae gan y Cyngor drefniadau llywodraethu ac adrodd effeithiol ar waith ond mae cyfle i gryfhau ymhellach y berthynas rhwng aelodau gweithredol y Cyngor a’r aelodau mainc gefn o ran y prosesau gwneud penderfyniadau a’r blaenoriaethau y bydd angen i’r Cyngor eu cymryd wrth symud ymlaen.

• Mae'r Cyngor wedi sefydlu a datblygu meysydd arloesi gan gynnwys Canolfannau Lles, TGCh, a gweithio hybrid.

• Mae’r cyfleoedd ar gyfer gwella wedi'u nodi. Bydd hyn yn gwella'r trefniadau sydd ar waith gan gefnogi cyfathrebu effeithiol, rheoli perthnasoedd a sicrhau cydberchnogaeth o heriau'r presennol a'r dyfodol.

Yn ogystal ag asesu i ba raddau y mae’r Cyngor yn bodloni gofynion perfformiad Rhan 6 o Ddeddf Llywodraeth Leol ac Etholiadau (Cymru) 2021, mae hefyd yn ofynnol i’r Panel nodi  ...  Gweld y cofnodion lawn ar gyfer eitem 18.

CYTUNWYD i nodi cynnwys y Flaenraglen Waith fel y’i cyflwynwyd.

Dim.