Agenda a chofnodion drafft

Dim.

Atgoffodd y Dirprwy Swyddog Monitro, Mrs Patricia Armstrong, Aelodau o’r Cod Ymddygiad ac atgoffodd gynghorwyr o’u dyletswyddau ac i ddangos parch ac ystyriaeth i eraill wrth siarad.

Datganodd y Cynghorwyr Endaf Edwards, Gareth Lloyd a Gwyn Wigley Evans fuddiant personol mewn perthynas ag eitem 4.

Nodwyd bod gan bob Cynghorydd ddiddordeb personol yn eitem 4 fel llywodraethwyr ysgolion.

Mynegodd y Cadeirydd ei gydymdeimlad ag Elen James ar ei phrofedigaeth ddiweddar.

Diolchodd y Cadeirydd i Lisa Evans am ei chefnogaeth yn ystod ei gyfnod fel Cadeirydd a dymunodd yn dda iddi yn ei rôl gyda’r Cyngor Sir.

Cyflwynodd y Cynghorydd Wyn Thomas, Aelod Cabinet dros Ysgolion, Dysgu Gydol Oes a Sgiliau, yr adroddiad i’r Pwyllgor. Adroddodd, ar gais y Cynghorydd Elizabeth Evans, fod Gweithdy i’r holl Aelodau wedi’i gynnal ar 14 Ionawr 2025 i ddarparu gwybodaeth a sicrhau dealltwriaeth lawn o’r prosesau a ddilynir mewn perthynas â’r Cod Trefniadaeth Ysgolion.

Yn y Gweithdy, rhoddodd swyddogion gyflwyniad cynhwysfawr a oedd yn ymdrin â phob maes o’r broses gan ddarparu tystiolaeth glir a oedd yn brawf pendant o uniondeb y broses a gwaith trylwyr a wnaed gan y swyddogion.

Treuliodd y 25 Aelod Etholedig a oedd yn bresennol cyfnod estynedig iawn yn cwestiynu ac yn herio'r swyddogion ar y manylion penodol a gyflwynwyd. Cadarnhaodd y Cynghorwyr ar ddiwedd y gweithdy eu bod yn gwbl fodlon â’r broses ac roeddent yn dawel eu meddwl nad oedd unrhyw dystiolaeth o gamarwain gan swyddogion.

Fodd bynnag, roedd Aelodau Etholedig yn teimlo bod angen bod y mater yn cael ei roi ar flaen-raglen waith y Pwyllgor Trosolwg a Chraffu Cymunedau sy'n Dysgu (fel y fforwm cyhoeddus priodol) er gwybodaeth a rhannu gymaint o wybodaeth â phosibl wrth gydymffurfio â chanllawiau diogelu gwybodaeth. Cytunwyd yn y Gweithdy y byddai datganiad ar y cyd gan dri Arweinydd y grwpiau gwleidyddol yn cael ei ryddhau yn cadarnhau eu bod yn fodlon â’r dystiolaeth a dderbyniwyd. Dywedodd Aelodau Etholedig o bob grŵp gwleidyddol eu bod yn gwbl fodlon nad oeddent wedi cael eu camarwain gan swyddogion cyn, yn ystod, neu ar ôl

cyfarfod y Cabinet ar 3 Medi 2024.

Dywedodd y Cynghorydd Wyn Thomas mai pwrpas y sesiwn hon oedd rhoi trosolwg i'r cyhoedd o'r dystiolaeth a gyflwynir yn y gweithdy. Byddai’r dystiolaeth yn mynd i'r afael â nifer o faterion dadleuol a godwyd yn ystod y broses ac wedi hynny, yn dangos cywirdeb ffeithiol y wybodaeth a gyflwynwyd.

Roedd y pynciau a drafodwyd yn cynnwys:

•         Trefniadau llywodraethu a ddarparodd y mandad gwleidyddol i gyflawni’r gwaith.

•         Data deddfwriaethol (ar gyfer ad-drefnu ysgolion)

•         Cywirdeb data.

•         CYBLD (PLASC)

•         Capasiti ysgolion

•         Costau cludiant ysgol

•         Cwyn Cymdeithas Yr Iaith.

•         Ymateb Comisiynydd y Gymraeg i’r gwyn.

•         Ymateb gan Gyngor Sir Ceredigion.

•         Ymateb Estyn i'r broses.

Dywedodd Barry Rees, Cyfarwyddwr Corfforaethol, yn dilyn y Gweithdy a gynhaliwyd ar 14 Ionawr 2025, fod Aelodau'r Grŵp Annibynnol wedi anfon llythyr at y Cadeirydd yn gofyn am wahoddiad i gynrychiolwyr o Lywodraeth Cymru i fynychu'r cyfarfod i ymateb i'r negeseuon e-bost yr oeddent wedi'u hanfon at Swyddogion y Cyngor Sir ynglŷn â'r broses.

Mewn ymateb, roedd Llywodraeth Cymru wedi ymateb gan nodi nad oeddent yn credu y dylai swyddogion Llywodraeth Cymru fynychu cyfarfod craffu’r Cyngor, Nodwyd “nid oes gennym unrhyw rôl yn y broses a gallai ein presenoldeb awgrymu fel arall. Wrth gwrs, rydym yn hapus iawn i siarad â swyddogion o’r Cyngor am y Cod Trefniadaeth Ysgolion, ond ni allwn roi cyngor cyfreithiol, ac ni allwn gymeradwyo unrhyw gynnig. Byddwn yn pryderu y gallai mynychu cyfarfod fel hyn sydd ar gofnod cyhoeddus  ...  Gweld y cofnodion lawn ar gyfer eitem 4.

CYTUNWYD i nodi’r diweddariad fel y darparwyd.

CYTUNWYD i gadarnhau cofnodion cyfarfod y Pwyllgor fel cofnod cywir a gynhaliwyd ar 6 Chwefror.