Agenda a Chofnodion

Croesawodd y Cadeirydd bawb i’r cyfarfod.

Roedd y Cynghorydd Ceris Jones, wedi ymddiheuro am nad oedd yn medru bod yn bresennol yn y cyfarfod.

Gwnaeth Arweinydd y Cyngor, y Cynghorydd Bryan Davies, ddatgan buddiant personol mewn perthynas ag unrhyw drafodaeth ynghylch Staff Addysg yr Awdurdod.

Gwnaeth y Cynghorydd Gareth Davies, Aelod o'r Cabinet, ddatgan buddiant personol mewn perthynas ag unrhyw drafodaeth ynghylch yr Awdurdod Tân.

                 Dim.

 Gwnaeth y Cynghorydd Amanda Edwards, Is-gadeirydd y Pwyllgor, roi braslun o drefn y cyfarfod ac estynnodd groeso i’r cyfarfod i Arweinydd y Cyngor, y Cynghorydd Bryan Davies, i’r Cynghorydd Gareth Davies, Aelod o'r Cabinet dros Gyllid a Chaffael, i Aelodau’r Pwyllgor, i’r Aelodau eraill o'r Cabinet, i’r Aelodau sydd ddim ar y Pwyllgor hwn, ac i’r Swyddogion.

Bu i’r Cabinet ystyried a chytuno i 9 argymhelliad ynghylch yr adroddiad ar gyllideb ddrafft 25/26.

Gwnaeth Arweinydd y Cyngor, y Cynghorydd Bryan Davies, gyflwyno’r adroddiad ar gyllideb ddrafft 2025/26.  Gwnaeth yr Aelod o'r Cabinet dros Gyllid a Chaffael, y Cynghorydd Gareth Davies, gyflwyno gweddill y wybodaeth. Wedyn rhoddodd Duncan Hall, Swyddog Arweiniol Corfforaethol: Cyllid a Chaffael, ddiweddariad cryno ar lafar ar sefyllfa ddiweddaraf y Gyllideb.

Cyfeiriodd Arweinydd y Cyngor at yr Ardoll Tân a’r Adolygiad Annibynnol diweddar o Ddiwylliant Gwasanaeth Tân ac Achub Canolbarth a Gorllewin Cymru. Dywedodd y byddai’r Cyngor, fel Awdurdod cyfansoddol, eisiau craffu ar y sefyllfa a gofyn cwestiynau i Awdurdod Tân Canolbarth a Gorllewin Cymru.

Roedd cyfle i holi cwestiynau a chael mewnbwn gan Aelodau'r Cabinet a’r swyddogion ynghylch y meysydd gwasanaeth perthnasol.

Dyma’r prif bwyntiau a godwyd yn ystod y drafodaeth:

·       Cyfeiriodd y Cynghorydd Wyn Evans at lythyr a anfonwyd gan y Grŵp Annibynnol at y Cynghorydd Bryan Davies, Arweinydd y Cyngor, er mwyn i’r Cabinet ei ystyried.  Roedd y llythyr yn cynnig y dylid rhesymoli/ad-drefnu staff er mwyn gwneud arbedion wrth bennu'r gyllideb.

Hysbyswyd yr Aelodau y byddai'n fwy priodol pe byddent yn cyflwyno awgrymiadau ynghylch pa Wasanaethau yr hoffent roi sylw iddynt er mwyn cyflawni'r arbedion angenrheidiol. Nodwyd hefyd y byddai lleihau nifer y staff yn arwain at leihau gwasanaethau.

·       Gwnaed cais am wybodaeth ynghylch y gwariant ar y Ganolfan Lles a’r Gwasanaethau Hamdden a chadarnhawyd y byddai hyn yn cael ei roi ar y Flaenraglen Waith.

·       Mynegwyd pryder fod y gwariant mewn perthynas â Llesiant Gydol Oes wedi cynyddu.

Nododd y Swyddog adran 151 fod costau wedi lleihau ar draws y gwasanaeth Llesiant Gydol Oes yn ystod y flwyddyn ddiwethaf, ar wahân i leoliadau y tu allan i'r sir. Nodwyd bod gofyniad cyfreithiol i ddarparu cymorth i'n trigolion mwyaf bregus a bod diogelu yn flaenoriaeth.

Ar ôl iddynt drafod, gofynnwyd i Aelodau’r Pwyllgor ystyried yr argymhellion canlynol.

Argymhellion: O ran y gwasanaethau a oedd yng nghylch gwaith y Pwyllgor Trosolwg a Chraffu hwn, gofynnwyd i’r Aelodau:

1.     Ystyried:

a)     sefyllfa gyffredinol cyllideb ddrafft 25/26.

b)     yr elfennau perthnasol o ran y symudiadau yn y Gyllideb Refeniw.

c)     yr elfennau perthnasol yng nghyswllt y pwysau o ran costau yn y Gyllideb Refeniw.

d)     yr elfennau perthnasol o ran y cynigion ynghylch gwneud arbedion yn y Gyllideb Refeniw.

e)     yr elfennau perthnasol o ran y cynigion ynghylch Ffioedd a Chostau.

f)      yr elfennau perthnasol o ran y Rhaglen Gyfalaf Aml-flwyddyn.

2.     Ystyried yr opsiynau a argymhellwyd gan y Cabinet ar 21/01/25:

a)     Gofyniad ar Gyllideb ddrafft 25/26 o £209.109m, gan arwain at gynnydd yn Nhreth y Cyngor (ar gyfer elfen Cyngor Sir Ceredigion) o  ...  Gweld y cofnodion lawn ar gyfer eitem 12.