Agenda a chofnodion drafft

Yn absenoldeb y Cadeirydd yn y Siambr, CYTUNWYD mai'r Is-Gadeirydd, y Cynghorydd Carl Worrall fyddai’n cadeirio’r cyfarfod.

Ymddiheurodd y Cynghorwyr Rhodri Davies a Ceris Jones am eu hanallu i fynychu’r cyfarfod.

Estynnwyd dymuniadau gorau i'r Cynghorydd Ifan Davies yn dilyn ei lawdriniaeth. 

Adroddodd Mr Russell Hughes-Pickering – Swyddog Arweiniol Corfforaethol yr Economi ac Adfywio am y digwyddiad llwyddiannus diweddar a gynhaliwyd ganddo ar gyfer Prostate Cymru a diolchodd i bawb am fynychu a chefnogi. Dywedodd mai'r neges allweddol oedd i ddynion gael prawf, bydd 1 o bob 8 neu 1 o bob 3 dyn sydd â hanes teuluol yn cael canser y prostad.

Datganodd y Cynghorydd Matthew Vaux fuddiant personol ac sy’n rhagfarnu ynghylch Cais A240772.

Datganodd y Cynghorydd Chris James fuddiant personol ac sy’n rhagfarnu ynghylch Cais A211186.

Datganodd Mrs Dana Jones, Swyddog Gwasanaethau Democrataidd a Safonau ddiddordeb yng nghais A240772, a chymerwyd y cofnodion gan Miss Neris Morgans, Swyddog Gwasanaethau Democrataidd.

PENDERFYNWYD cadarnhau fod cofnodion y cyfarfod a gynhaliwyd ar 15 Ionawr 2025 yn gywir.

Materion yn codi

Dim.

Rhoddwyd ystyriaeth i Adroddiad y Swyddog Arweiniol Corfforaethol – Economi ac Adfywio ar y ceisiadau cynllunio canlynol a ystyriwyd mewn cyfarfod blaenorol ac a oedd angen ystyriaeth bellach gan y Pwyllgor:-

A211186 Codi siop fwyd Aldi manwerthu Dosbarth A1, adnewyddu pafiliwn chwaraeon rhestredig Gradd II, gosod tri pod arddangos pren parod, ac ardal natur a bioamrywiaeth gyda mynediad cysylltiedig, maes parcio a thirlunio cysylltiedig, Caeau Chwarae y Drindod, Dewi Sant, Ffordd Pontfaen, Llanbedr Pont Steffan

GOHIRIO 'r cais gan fod gwybodaeth bellach wedi dod i law gan yr asiant yn dilyn cyhoeddi'r agenda ac nid oedd gan Swyddogion ddigon o amser i fynd i'r afael â'r wybodaeth ychwanegol a ddarparwyd.

Ailadroddodd yr Aelodau eu rhwystredigaeth bod gwybodaeth ac e-byst ychwanegol wedi'u hanfon yn uniongyrchol gan yr asiant yn dilyn cyhoeddi'r agenda, ac oherwydd hyn cafodd y cais ei ohirio eto.

Rhoddwyd ystyriaeth i Adroddiad y Swyddog Arweiniol Corfforaethol dros yr Economi ac Adfywio ar ddatblygiad, hysbysebu; awdurdodau lleol a cheisiadau cynllunio statudol:-

Anerchodd Mr Ian Evans (ymgeisydd) y Pwyllgor yn unol â'r weithdrefn weithredol ar gyfer Aelodau'r Cyhoedd sy'n annerch y Pwyllgor Rheoli Datblygu

A240169 Codi annedd, sied amaethyddol a gwaith cysylltiedig ar safle hen annedd/annedd wedi’i amddifadu, Fronlwyd, Llangrannog, Llandysul

CYFEIRIO 'r cais at y Panel Arolygu Safle (SIP) yn unol â Pharagraff 5 o feini prawf mabwysiedig y Cyngor ac at y Grŵp Oeri yn unol â pharagraff 2 (opsiwn 3) o'r broses ohirio ar gyfer ceisiadau a gyflwynir i'r Pwyllgor Rheoli Datblygu - Gweithdrefnau Gweithredol.

A24050 Newid defnydd o swyddfeydd (cyfreithwyr) i fan preswyl yn Manarafon, Stryd y Capel, Tregaron

CYFEIRIO  'r cais at y Panel Arolygu Safle (SIP) yn unol â Pharagraff 5 o feini prawf mabwysiedig y Cyngor ac at y Grŵp Oeri yn unol â pharagraff 2 (opsiwn 3) o'r broses ohirio ar gyfer ceisiadau a gyflwynir i'r Pwyllgor Rheoli Datblygu - Gweithdrefnau Gweithredol.

_____________________________________________________________

A240672 Codi annedd, 41 Dolymeillion, Llanilar

GOHIRIO  'r cais yn amodol ar gwblhau cytundeb cyfreithiol Adran 106 mewn perthynas â chyfraniad swm gohiriedig gyda phwerau i'r Swyddog Corfforaethol ac Arweiniol i gymeradwyo'r cais yn amodol ar amodau unwaith y bydd y cytundeb cyfreithiol wedi'i gwblhau ac i drafod amserlen y datblygwr mewn perthynas â'r ardal chwarae arfaethedig.

_____________________________________________________________

Gwnaeth Mrs Jo Flanagan (gwrthwynebydd) a Mr Dylan Green (Asiant) annerch y Pwyllgor yn unol â'r weithdrefn weithredol ar gyfer Aelodau'r Cyhoedd yn annerch y Pwyllgor Rheoli Datblygu a darllenwyd llythyr gan Swyddog ar ran Cyngor Tref Cei Newydd.

A240772 Cais cynllunio llawn ar gyfer ail-wynebu ac ad-drefnu arfaethedig maes parcio presennol ynghyd â datblygiad preswyl a gwaith cysylltiedig, Tir ym Maes Parcio Canolog, Cei Newydd

CYFEIRIO  'r cais at y Panel Arolygu Safle (SIP) yn unol â pharagraffau 1, 2, 3, 4, 5, a 7 o feini prawf mabwysiedig y Cyngor ac at y Grŵp Oeri yn unol â pharagraff 2 (opsiwn 3) o'r broses ohirio ar gyfer ceisiadau a gyflwynir i'r Pwyllgor Rheoli Datblygu - Gweithdrefnau Gweithredol.

________________________________________________________________

PENDERFYNWYD nodi'r amserlen o geisiadau cynllunio yr ymdriniwyd ag Adroddiad y Swyddog Arweiniol Corfforaethol – yr Economi ac Adfywio

CYTUNWYD i nodi'r apeliadau cynllunio a dderbyniwyd.

Dim.