Agenda a Chofnodion
Lleoliad: Hybrid - Neuadd Cyngor Ceredigion, Penmorfa, Aberaeron /o bell trwy fideo-gynadledda
Cyswllt: Mrs Dana Jones
Rhif | eitem |
---|---|
Materion Personol Cofnodion: Estynnwyd cydymdeimlad â Chynghorydd Siân Maehrlein yn dilyn marwolaeth ei merch ac â theulu
Cynghorydd Hag Harris yn dilyn ei farwolaeth. |
|
Ymddiheuriadau Cofnodion: Roedd Cynghorwyr Cerys Jones, Siân Maehrlein a Mark Strong wedi ymddiheuro am nad oedd modd
iddynt ddod i'r cyfarfod. |
|
Datgelu buddiant personol a buddiant sy'n rhagfarnu Cofnodion: Dim. |
|
Cadarnhau Cofnodion y Cyfarfod a gynhaliwyd ar 09 Mawrth 2022 PDF 258 KB Cofnodion: PENDERFYNWYD cadarnhau bod Cofnodion y Cyfarfod a gynhaliwyd ar 9 Mawrth 2022 yn gywir |
|
Ystyried ceisiadau cynllunio a ohiriwyd mewn Cyfarfodydd blaenorol o’r Pwyllgor PDF 1 MB Cofnodion: Ystyriwyd Adroddiad y
Swyddog Arweiniol Corfforaethol Economi ac Adfywio am y ceisiadau cynllunio
canlynol, a ystyriwyd yn ystod cyfarfod blaenorol ac yr oedd gofyn i'r Pwyllgor
eu hystyried ymhellach:- A201081 Annedd fforddiadwy
arfaethedig a fydd yn cynnwys gosod cyfleuster parod i drin carthion, Tir wrth
ymyl Fferm College, Bethania, Llanon GWRTHOD y cais gan bod y datblygiad arfaethedig yn cynrychioli datblygiad tai
amhriodol mewn 'lleoliadau eraill', sy'n mynd yn groes i Bolisïau S01 ac S04 CDLl a pholisi cynllunio cenedlaethol. A210091 Cais cynllunio ôl-weithredol am sied
offer a storio a gwelliannau i'r fynedfa bresennol i gerbydau, Tir gyferbyn â
Than Yr Allt, Coxhead, Tregaron GOHIRIO'R penderfyniad am y cais er mwyn i'r ymgeisydd ddarparu gwybodaeth
bersonol pellach i’w ystyried, mae sesiwn caeedig, mae’r wybodaeth i’w gyflwyno
o fewn pythefnos; fel y gall y swyddog cynllunio roi ystyriaeth briodol i’r
wybodaeth. |
|
Ceisiadau Statudol, Llywodraeth Leol, Hysbysebion a Datblygu PDF 1 MB Cofnodion: Ystyriwyd Adroddiad y
Swyddog Arweiniol Corfforaethol – yr Economi ac Adfywio ynghylch Ceisiadau
cynllunio datblygu, hysbysebu; statudol
a'r awdurdod lleol:- Anerchodd Mrs Heulwen
Evans (ar ran gwrthwynebwyr a Mr Emyr Williams (Ymgeisydd) y Pwyllgor yn unol
â'r ychwanegiad dros dro i'r weithdrefn Weithredol ar gyfer Aelodau'r Cyhoedd
sy'n annerch y Pwyllgor Reoli Datblygu mewn ymateb i Covid-19 A201119 Cadw Odyn
Sychu Boncyffion Biomas, a dwy Simnai a defnydd parhaus o Foeler Rhif 1 yn unig
(yng nghanol yr adeilad) yn dilyn prawf yn ymwneud â Chaniatâd Cynllunio Dros
Dro A190302, Cae Celyn, Heol Llanfair, Llanbedr Pont Steffan CYFEIRIO'R cais i'r Panel Archwilio Safle yn unol â
phwynt 4, 5 a 7 y Weithdrefn Weithredol. _____________________________________________________________ A210716 Codi adeilad amaethyddol a gwaith cysylltiedig. Rhosdir, Bwlchyfadfa, Talgarreg, Llandysul CYMERADWYO'R cais. Roedd yr aelodau o'r
farn y byddai modd cymeradwyo'r cais yn erbyn argymhelliad y swyddog am y
rhesymau canlynol:- ·
Roedd
yr Awdurdod Cynllunio Lleol o'r farn bod egwyddor y datblygiad yn dderbyniol, a
bod y pryderon ynghylch lleoliad a maint y cynnig, fodd bynnag, roedd yr Aelod
Ward Lleol wedi nodi nad oedd y cymydog yn gwrthwynebu i leoliad yr adeilad ac
roedd yr Aelodau yn teimlo bod hyn yn cyfiawnhau'r penderfyniad i gymeradwyo'r
cais ·
Roedd
hi'n bwysig bod adeilad amaethyddol yn cael ei godi er lles y defaid ·
Nid
oedd y Cyngor Cymuned wedi gwrthwynebu i'r adeilad ·
Nid
oedd gan y cymydog unrhyw wrthwynebiad i'r adeilad ·
Roedd
y mynediad arfaethedig i'r adeilad amaethyddol yn dderbyniol gan bod y mynediad
amgen yn cynnwys hawl tramwy i eiddo cyfagos ·
Roedd
y swyddog cynllunio o'r farn bod modd cyfiawnhau egwyddor y datblygiad a'i fod
yn dderbyniol yn unol â Pholisi S04 y Cynllun Datblygu Lleol a TAN6. _________________________________________________________ Anerchodd Miss Anwen Jenkins (Ymgeisydd) y
Pwyllgor yn unol â'r ychwanegiad dros dro i'r weithdrefn Weithredol ar gyfer
Aelodau'r Cyhoedd sy'n annerch y Pwyllgor Reoli Datblygu mewn ymateb i Covid-19 A211173 Adeilad cynhyrchu dillad arfaethedig
gan gynnwys gosod mynediad newydd i gerbydau a dymchwel adeilad, Llwyn Merch
Gwilym, Bronant, Aberystwyth CYMERADWYO'R cais yn ddibynnol ar amodau. |
|
Ceisiadau Cynllunio y deliwyd â hwy o dan awdurdod dirprwyedig PDF 1 MB Cofnodion: PENDERFYNWYD nodi
rhestr y ceisiadau cynllunio y bu i Adroddiad y Swyddog Arweiniol
Corfforaethol – yr Economi ac Adfywio ymdrin â nhw. |
|
Cofnodion: CYTUNWYD nodi'r apeliadau cynllunio a oedd wedi dod i law. |
|
Unrhyw fater arall y penderfyna’r Cadeirydd fod arno angen sylw brys gan y Pwyllgor Cofnodion: Dim. |