Agenda a chofnodion drafft

Ymddiheurodd y Cynghorydd Hugh Hughes a Carol Worral am eu hanallu i fynychu’r cyfarfod.

Byddai’r Cynghorydd Elizabeth Evans yn mynychu’r cyfarfod yn hwyr oherwydd dyletswyddau eraill y Cyngor.

Dim.

Dim.

Cyflwynodd y Cynghorydd Bryan Davies fel Arweinydd ac Aelod Cabinet dros Wasanaethau Democrataidd, Polisi, Perfformiad a Phobl a Threfniadaeth yr adroddiad yn amlinellu’r Polisïau AD newydd. Roedd y Gwasanaeth Pobl a Threfniadaeth wedi bod yn parhau i adolygu, datblygu a diweddaru polisïau allweddol. Yn dilyn ymgynghoriad, roedd y polisïau canlynol wedi cael eu trafod, eu diwygio a’u cytuno gan yr undebau llafur cydnabyddedig: 

•         Polisi Urddas yn y Gweithle

•         Cwynion Cyflogaeth

•         Polisi Iechyd a Diogelwch

•         Polisi Recriwtio a Dethol

•         Polisi Gallu

•         Polisi menopos (ysgolion)

Pwrpas yr holl bolisïau a gweithdrefnau gweithwyr oedd nodi’n glir yr ymddygiad, y prosesau a’r gweithdrefnau sydd eu hangen, sut y gallent gael cyngor a chefnogaeth ac, lle bo hynny’n berthnasol, canlyniadau peidio â chadw at y polisi a/neu’r weithdrefn. Cafodd cyflwyno’r polisïau hyn effaith ariannol ddibwys, ac roedd disgwyl iddynt arwain at arbediad cost cyffredinol trwy leihau absenoldeb salwch a’r gost gysylltiedig o ddarparu yswiriant ar gyfer yr absenoldeb hwnnw.

Yn dilyn cwestiynau o’r llawr, CYTUNWYD i argymell i’r Cabinet fod y polisïau canlynol wedi’u CYMERADWYO:-

i.         Polisi Urddas yn y Gweithle

ii.        Cwynion Cyflogaeth

iii.       Polisi Iechyd a Diogelwch

iv.       Polisi Recriwtio a Dethol

v.        Polisi Gallu

vi.       Polisi menopos (ysgolion)

Cyflwynodd y Cynghorydd Bryan Davies, fel Arweinydd ac Aelod o’r Cabinet dros Wasanaethau Democrataidd, Polisi, Perfformiad a Phobl a Threfniadaeth yr adroddiad ar yr Arolwg Pobl. Adroddwyd fel rhan o ymrwymiad y Cyngor Sir i wella ymgysylltiad gweithwyr a meithrin gweithle cefnogol a chynhwysol, bod Arolwg Pobl ar draws Tîm Ceredigion wedi’i gynnal.

Nod yr arolwg oedd darparu dealltwriaeth gynhwysfawr o brofiad y gweithwyr, gan gwmpasu meysydd fel:

•         Boddhad Swydd

•         Rheolaeth ac arweinyddiaeth

•         Cyfleoedd datblygu

•         Iechyd, Diogelwch a Lles

•         Perthnasoedd yn y Gweithle

•         Cyfathrebu a newid mewn rheolaeth

•         Gwerthoedd ac ymddygiadau sefydliadol

Er mwyn sicrhau meincnodi yn erbyn safonau’r sector, fe wnaethant ymgorffori cwestiynau o arolygon cenedlaethol sefydledig, gan gynnwys Mynegai Gwaith Da Sefydliad Siartredig Personél a Datblygu, Arolwg Pobl GIG Cymru, ac Arolwg y Gwasanaeth Sifil. Yn ogystal, cafodd mesurau meincnodi newydd Cymdeithas Llywodraeth Leol Cymru eu cynnwys, ynghyd â chwestiynau dethol o’n Harolwg Iechyd a Lles Gweithwyr blynyddol i olrhain tueddiadau dros amser.

Roedd yr arolwg yn hygyrch trwy sawl sianel, gan gynnwys llwyfannau ar-lein mewnol, posteri, copïau papur ar gyfer timau sydd ag ymgysylltiad hanesyddol is. Roedd yr arolwg yn anhysbys ac felly rydym yn hyderus bod y cyfranogwyr wedi gallu bod yn onest yn eu hymatebion.

Roedd yr arolwg ar agor o ddiwedd mis Tachwedd 2024 a daeth i ben yn ail wythnos mis Ionawr 2025. Yn ystod y cyfnod hwn cymerodd 1,017 o’r gweithlu corfforaethol ran yn yr arolwg ac mae hyn yn cyfateb i 50.3%.

• Mae ein cyfartaledd corfforaethol yn fwy na’r holl gymaryddion cenedlaethol

(weithiau yn sylweddol).

• Lle gellir olrhain tueddiadau, mae naill ai sefydlogrwydd neu welliant cadarnhaol ar draws yr holl ddangosyddion, ac eithrio ‘llwyth gwaith y gellir eu rheoli’ (sydd wedi gostwng o 81% i 76%) a ‘Rwy’n cael fy nghefnogi’n dda gan fy rheolwr llinell’ (sydd wedi gostwng o 91% i 88%). Dyma’r dangosyddion sydd wedi dangos gwelliant.

Mae’r arolwg wedi rhoi cipolwg gwerthfawr ar brofiadau a chanfyddiadau ein gweithlu. Mae’r lefel uchel o gyfranogiad a’r adborth cadarnhaol ar draws pob maes yn adlewyrchu ymroddiad ac ymgysylltiad Tîm Ceredigion. Bydd y canlyniadau hyn yn gofyn am ddadansoddi ac asesu pellach fel y gellir deall a defnyddio’r canlyniadau llawn at ddibenion cynllunio yn y dyfodol. Er ein bod yn falch o weld bod ein cyfartaledd corfforaethol yn fwy na’r cymaryddion cenedlaethol, a bod tueddiadau sefydlog neu dueddiadau o welliant yn y rhan fwyaf o ddangosyddion, rydym hefyd yn cydnabod y bydd rhai meysydd a fydd angen cefnogaeth ac ymgysylltiad pellach.

Roedd trafodaeth yn deillio o'r feirniadaeth gyson o weithwyr y Cyngor yn y wasg leol ac ar y cyfryngau cymdeithasol a oedd yn gwbl annerbyniol oherwydd eu hymrwymiad i'r Sir. Awgrymwyd hefyd y dylai'r Cyngor uwchsgilio eu gweithwyr drwy ddarparu cymwysterau a fyddai'n gwella eu llwybr gyrfa ac i feithrin pobl  ...  Gweld y cofnodion lawn ar gyfer eitem 5.

PENDERFYNWYD cadarnhau bod Cofnodion y cyfarfod blaenorol yn gywir yn amodol ar nodi bod y Cynghorydd Amanda Edwards yn bresennol yn y cyfarfod.