Agenda a Chofnodion

Ymddiheurodd y Cynghorwyr Peter Davies MBE ac Endaf Edwards am na fedrent ddod i’r cyfarfod.

Dim.

Ystyriwyd Adroddiad ynglŷn â Gweledigaeth y Grŵp Annibynnol ynghylch creu llwybr i Genhedlaeth Ifanc Ceredigion berchen ar eu tŷ eu hunain. Roedd y Cadeirydd am i’r mater gael ei ystyried oherwydd y sefyllfa economaidd sy’n wynebu pobl ifanc Ceredigion a’r diffyg cyfleoedd iddynt brynu eu cartref cyntaf.

              Dywedwyd bod y Grŵp Annibynnol wedi datblygu cynnig i’r Pwyllgor Trosolwg a Chraffu Adnoddau Corfforaethol ei ystyried gan greu llwybr i bobl ifanc Ceredigion berchen ar eu tŷ eu hunain. Cyflwynwyd adroddiad gan y Grŵp Annibynnol yn amlinellu ‘Gweledigaeth ynghylch creu llwybr i Genhedlaeth Ifanc Ceredigion berchen ar eu tŷ eu hunain.’ Dywedwyd bod cais wedi’i wneud am ddata i gefnogi’r papur a chafodd y wybodaeth hon ei chyflwyno hefyd. Roedd tystiolaeth yn dangos mai prin oedd y cyfleoedd i bobl ifanc fedru prynu eu cartref cyntaf o achos yr economi yng Ngheredigion.

Dywedwyd mai nod y cynnig hwn oedd cynnig cynllun a fyddai’n cynorthwyo pobl ifanc i brynu eu cartref cyntaf.

              Gofynnwyd i’r Pwyllgor ystyried yr adroddiad a’r cynigion a geir ynddo, gyda’r bwriad o ofyn i’r Swyddogion am adroddiad pellach ynghylch ei ymarferoldeb. Pe byddai’r Aelodau yn cytuno i ofyn i’r Swyddogion ystyried ymarferoldeb y cynigion, cynigiwyd y byddai’r Pwyllgor yn ystyried adroddiad pellach ar 13 Ionawr 2022, cyn belled â bod y Swyddogion yn medru ystyried y cynnig erbyn y dyddiad hwnnw.

              Roedd y Pwyllgor yn cefnogi’r cynnig a gwnaeth pawb gydnabod yr angen i ddatblygu cynllun a fyddai’n cefnogi ac yn galluogi pobl ifanc i brynu eu cartref cyntaf. Dywedwyd hefyd y byddai hyn o fudd i economi a diwylliant y Sir.

Yn dilyn cwestiynau a sylwadau o’r llawr, CYTUNWYD yn unfrydol i wneud y canlynol:-

(i) cefnogi’r ‘Weledigaeth ynghylch creu llwybr i Genhedlaeth Ifanc Ceredigion berchen ar eu tŷ eu hunain’ a’i throsglwyddo i’r Swyddogion er mwyn iddynt lunio adroddiad ar ymarferoldeb y cynllun;

              (ii) ar ôl i’r swyddogion ystyried y cynllun, gofyn iddynt ddod yn ôl i’r pwyllgor craffu hwn i gyflwyno eu hargymhellion; ac

(iii) os caiff y cynllun ei gymeradwyo gan y Cabinet / y Cyngor yn y pen draw, gosod yr opsiwn ariannu a ffefrir yn y drefn o bennu’r gyllideb.