28. |
Trafodaeth Cyfoeth Naturiol Cymru (CNC) a Dwr Cymru Welsh Water (DCWW) ar gynllunio a lefelau ffosffad PDF 196 KB
Cofnodion:
Daeth cynrychiolwyr o
Ddŵr Cymru i'r cyfarfod yn unol â’r cais yn dilyn cyfarfod blaenorol o’r
Pwyllgor Cymunedau Ffyniannus. Gofynnodd
Aelodau’r Pwyllgor am gael trafod sefyllfa ffosffad yng Ngheredigion, yn
ogystal â materion ynghylch Gwaith Trin Dŵr Gwastraff yn rhyddhau elifion
i ardaloedd afonol eraill Ceredigion (sef harbwr Aberaeron) a’r amserau ymateb
i ymgyngoriadau gan y Gwasanaeth Rheoli Datblygu.
Roedd swyddogion perthnasol Dŵr Cymru ar gyfer y meysydd pwnc dan sylw
wedi cytuno i fod yn bresennol yn y cyfarfod.
Bu i’r Cadeirydd groesawu
Steve Wilson ac Owain George Daniel i'r cyfarfod a diolchodd iddynt am eu
parodrwydd i siarad ag Aelodau'r Pwyllgor ynglŷn â'r mater hwn o
bryder. Mynegodd y Cadeirydd ei siom nad
oedd cynrychiolwyr Cyfoeth Naturiol Cymru yn bresennol ar ôl ond rhoi gwybod i
Swyddogion y Cyngor y noson gynt nad oedd modd iddynt fod yn bresennol
mwyach.
Cyflwynodd Sarah Groves-Phillips y cefndir i’r mater dan sylw a’r
sefyllfa
bresennol.
Ym mis
Ionawr 2021 rhyddhaodd Cyfoeth Naturiol Cymru gyngor cynllunio dros dro
ynghylch datblygu yn
nalgylch Ardaloedd Cadwraeth Arbennig afonol yng Nghymru. Yn dilyn monitro
cydymffurfiaeth Afon Teifi, a oedd yn gweld methiant ysbeidiol o ran lefelau
ffosffad, roedd y cyngor hwn yn sicrhau na fyddid yn caniatáu unrhyw
ddatblygiad pellach a oedd â’r potensial i gynyddu lefelau ffosffad yn yr
Ardaloedd Cadwraeth Arbennig afonol.
Yna
rhoddodd Steve Wilson gyflwyniad pwerbwynt yn
amlinellu Cynlluniau Dŵr
Cymru. Esboniodd hefyd y broses o
liniaru'r mater ffosffadau.
Sicrhaodd Owain George Daniel Aelodau'r Pwyllgor fod gwaith yn mynd
rhagddo
yn y cefndir. Dywedodd wrth y Pwyllgor fod rhanddeiliaid perthnasol yn ymwneud yn llawn â’r broses
hon.
Mae’r canllawiau a
gyhoeddwyd gan Gyfoeth Naturiol Cymru wedi cael effaith sylweddol ledled y
sir. Yn benodol:
1. Effeithir ar Lanbedr Pont Steffan, Tregaron a Llandysul a’r aneddiadau
cyfagos;
2. Rhoddwyd saib ar y
Cynllun Datblygu Lleol;
3. Nid yw’n bosib
cyflenwi’r safleoedd a neilltuwyd yn yr ardal yr effeithir arni (dros 500 o
gartrefi, 114 ohonynt i fod yn rhai fforddiadwy);
4. Bu’n rhaid dirymu neu
wrthod ceisiadau cynllunio;
5. Mae Dŵr Cymru
wedi cadarnhau mai dim ond un Gwaith Trin Dŵr Gwastraff sy’n stripio
ffosffad a geir yng Ngheredigion, yn Llanddewi Brefi, ac mae cynlluniau heb
eu cadarnhau y gall un arall (Tregaron) gael ei gynnwys yng nghyfnod
Cynllunio Rheoli Asedau 2025-2030;
6. Mae gwaith
rhagarweiniol ar ddosrannu ffynonellau (ar gyfer Dŵr Cymru ar Afon Gwy)
yn dangos bod cyfran sylweddol o ffosffadau yn dod o amaethyddiaeth yn
ogystal ag o weithfeydd Trin Dŵr Gwastraff.
|
Wedyn cafodd Aelodau'r Pwyllgor gyfle i holi Swyddogion Dŵr Cymru a
Chyngor Sir Ceredigion a dyma'r prif bwyntiau/pryderon a godwyd:
·
Cadarnhawyd, ar ôl casglu samplau o'r afonydd, fod Ffynhonnell Annibynnol
yn craffu ar lefel y ffosffadau a oedd yn bresennol;
·
Mynegwyd pryder ynghylch trefi Tregaron, Llanbedr Pont Steffan a
Llandysul gan nad oes cynlluniau ar gyfer y pum mlynedd nesaf ac felly ni
fydd datblygiadau newydd yn cael eu cymeradwyo. Ymatebodd Steve Wilson gan
ddweud y gellir ... Gweld y cofnodion lawn ar gyfer eitem 28.
|
29. |
Gwywiad Coed Ynn - Diweddariad er gwybodaeth PDF 279 KB
Dogfennau ychwanegol:
Cofnodion:
4.
Clefyd Coed Ynn – Diweddariad er gwybodaeth
Cyflwynodd Phil Jones yr adroddiad
a oedd yn rhoi gwybodaeth gefndirol am y sefyllfa ynghylch Clefyd Coed Ynn.
Bydd Clefyd Coed Ynn yn arwain at brinder a
gwywiad hyd at 95% o goed
ynn y DU, ac mae’r onnen i’w gweld dros ardal eang ledled Cymru a
Cheredigion. Mae hyn yn cynnwys y tu allan i goetiroedd ar ffurf
gwrychoedd a choed unigol ar hyd ffyrdd, hawliau tramwy cyhoeddus
eraill ac mewn
mannau
cyhoeddus. Mae’r onnen, ochr yn ochr â’r dderwen a’r ffawydden,
yn un
o’r tri phrif fath o goeden perth sydd gennym.
Y risg yw bod coed marw a’r
rhai sy’n cario’r clefyd yn debygol o achosi perygl o ran iechyd a diogelwch
y cyhoedd, ynghyd â chael effaith sylweddol ar yr economi, yr amgylchedd a’r
tirlun. Mae’r sefyllfa yn peri’r fath
bryder fel bod Clefyd Coed Ynn ar Gofrestr Risg yr
Awdurdod.
Rhoddodd Phil Jones wybod
i’r Pwyllgor am y gwaith a wnaed hyd yn hyn, fel y nodir yn yr
adroddiad. Wedyn rhoddodd wybod i’r
Aelodau am y gwaith sydd ar y gweill ar gyfer y misoedd i ddod, fel y nodir
isod:
|
1. Datblygu a chynnal
parhad o ran ymateb ar draws pob gwasanaeth sy’n debygol o fod mewn cyswllt
â’r cyhoedd ynghylch Clefyd Coed Ynn gan gynnwys:
·
Swyddog Coed –
Yr
Arfordir a Chefn Gwlad
·
Hawliau Tramwy Cyhoeddus
·
Diogelu’r Cyhoedd
·
Rheoli Cynllunio/Adeiladu
·
Parciau a Gerddi
2. Cyflenwi’r cynllun cyfathrebu, rhoi
gwybodaeth ac arweiniad i:
·
Ffermwyr
·
Coedwigwyr
·
Perchenogion Coetiroedd
·
Tirfeddianwyr eraill
·
Gweithwyr proffesiynol ym maes coed (yn
enwedig y rhai nad ydynt yn perthyn i gymdeithas broffesiynol)
·
Staff asiantaethau a’r Llywodraeth
·
Colegau
·
Y Cyhoedd
·
Y Cyfryngau
3.
Dadansoddiad o ddata’r arolwg:
·
Ebrill 2022 –
Mawrth
2023 - Blaenoriaethu’r rhaglen waith ar goed sy’n eiddo
i
Geredigion, yn unol â’r matrics risg coed y cytunwyd arno;
·
Blaenoriaethu cyhoeddi hysbysiadau adran 154
(Priffyrdd a Hawliau Tramwy Cyhoeddus) ac adran 23, hysbysiadau Deddf
Darpariaethau Amrywiol (sy’n eiddo i’r Cyngor a thir â mynediad cyhoeddus) i
dirfeddianwyr preifat yn unol â’r matrics risg coed y cytunwyd arno;
·
Anfon canllawiau/llythyron cynghori i
berchenogion preifat coed risg is, yn unol â’r matrics risg coed y cytunwyd
arno.
4. Rheoli’r gweithredu adweithiol i Glefyd
Coed Ynn - llythyr cynghori cychwynnol a hysbysiadau adran 154 i dirfeddianwyr (materion ar wahân i rai a godwyd o
arolygon)
·
Materion a godwyd gan aelodau o’r cyhoedd
·
Staff Ceredigion
·
Rhanddeiliaid eraill
5.
Cynhyrchu a thendro gwaith arolygu ar gyfer 2022-2023
·
Cynhyrchu a thendro gwaith arolygu yn unol â’r
Cynllun Gweithredu Clefyd Coed Ynn ar gyfer 2022/2023
·
Ymchwilio pellach yn ofynnol i bennu ac
adolygu’r defnydd o atebion blaengar
ar
gyfer arolygu (darluniau lloeren, arolygu drwy ddronau
ac ati).
Roedd Norman Birch ac Owen Stephens wrth law i ateb cwestiynau.
Gofynnodd Aelod o'r Pwyllgor a oedd y posibilrwydd o brynu peiriannau
a
defnyddio staff
mewnol i ymgymryd â'r gwaith hwn wedi cael ei ystyried yn unol â’r cais mewn
cyfarfod blaenorol ar 15 Ionawr 2020, a argymhellwyd i'r Cabinet ar ... Gweld y cofnodion lawn ar gyfer eitem 29.
|
30. |
Gwasanaeth Rheoli Gwastraff PDF 2 MB
Cofnodion:
Mewn cyfarfod blaenorol,
gofynnodd yr Aelodau am wybodaeth benodol gan y Swyddogion fel a ganlyn:
1. Adroddiad yn amlinellu
pa fanteision effeithlonrwydd a gafwyd o ail-ddylunio'r llwybrau ac a ydynt fel
y rhagwelwyd neu a ydynt yn well na’r hyn a ddychmygwyd yn y ddogfen ailgynllunio.
2. Mesur y
costau tanwydd ychwanegol a briodolir i ailgynllunio'r llwybrau, ar ôl
tynnu bant
unrhyw gynnydd yn y costau tanwydd o ddydd i ddydd.
3. Mesur
unrhyw gostau traul ychwanegol i'r cerbydau casglu o ganlyniad i
ailgynllunio’r llwybrau.
4. Mesur unrhyw gostau llafur ychwanegol
o ran goramser ac ati, sy'n uniongyrchol o ganlyniad i ailgynllunio’r llwybrau
5.Darparu data cymharol o gyfraddau’r
casgliadau wythnosol a gollwyd dros y tair blynedd diwethaf.
6. Darparu adroddiad diweddaru ynghylch y
cyfeiriad y bydd yr adran yn ei ddilyn
wrth adnewyddu'r fflyd gasglu, gan gadw mewn cof eu heffaith ar yr
amgylchedd a dyhead y Cyngor i
fod yn Gyngor di-garbon.
7. Darparu
adroddiad byr o ran ble rydym arni o ran yr orsaf drosglwyddo
Gwastraff
arfaethedig ym Mhenrhos.
8. Darparu data cymharol ar
gyfer y ddwy flynedd ddiwethaf o ran yr achosion o dipio anghyfreithlon a
gofnodwyd.
9. Darparu'r wybodaeth ddiweddaraf am y
defnydd a wneir / tunelli a adawyd yn ein safleoedd Amwynder Dinesig dros y
flwyddyn ddiwethaf.
10. Rhoi amcangyfrif o ba bryd y bydd y
gwasanaeth gwastraff gardd yn debygol o gael ei ailgyflwyno.
Cyflwynodd Gerwyn Jones yr adroddiad gan esbonio fod
cwestiynau 1-4 uchod yn ymwneud â'r gwasanaeth newydd casglu gwastraff wrth
ymyl y ffordd. Ni fu modd adolygu'r gwasanaeth oherwydd y ffyrdd newydd o
weithio mewn ymateb i bandemig COVID-19. Roedd
Beverley Hodgett hefyd wrth law i ateb unrhyw gwestiynau.
Esboniodd Gerwyn Jones fod yr adroddiad yn cynnwys
rhywfaint o ddata am
berfformiad a chyfyngiadau'r gwasanaeth. Rhoddwyd
diweddariad i’r Pwyllgor ar ffurf cyflwyniad Pwerbwynt a oedd yn cynnwys amcanion y gwasanaeth, perfformiad y gwasanaeth ar sail yr amcanion, newidiadau
diweddar, y gwasanaeth casglu gwastraff wrth ymyl y ffordd a’i berfformiad,
effaith Covid-19, gofal cwsmeriaid, Safleoedd Gwastraff Cartrefi, biniau a
fethwyd, achosion o dipio anghyfreithlon, Strategaeth.
Rhoddwyd cyfle i'r Aelodau ofyn cwestiynau a atebwyd yn
eu tro gan y Swyddogion. Dyma’r prif bwyntiau a gododd o'r drafodaeth:
·
Mewn ymateb i gwestiwn, cadarnhaodd y Swyddogion
na all y cyhoedd fynd â bagiau ailgylchu i Safleoedd Gwastraff Cartrefi oni bai
eu bod wedi didoli ei gynnwys yn barod i'w osod yn y sgipiau
perthnasol;
·
Gofynnodd yr Aelodau a yw'n bosibl i Wefan y
Cyngor gael ei diweddaru'n rheolaidd drwy gydol y dydd, yn hytrach nag ar
ddiwedd y diwrnod gwaith;
·
Canmolodd yr Aelodau'r gwasanaeth bagiau
porffor.
Cytunodd yr Aelodau i nodi cynnwys yr adroddiad a
gwnaethant ofyn am ddiweddariad arall maes o law. Diolchodd y Cadeirydd a'r
Aelod Cabinet i'r Staff am eu gwaith caled a’u hymrwymiad i barhau i ddarparu'r
gwasanaeth hwn yn ystod y pandemig.
|
31. |
Meysydd Parcio Talu ac Arddangos PDF 535 KB
Cofnodion:
Bu i’r Aelodau ofyn am adroddiad gyda rhagor o wybodaeth
ynghylch y cynigion a gyflwynwyd i'r Pwyllgor hwn ar 10 Hydref 2019. Yn dilyn y cyfarfod hwnnw, argymhellodd y
Pwyllgor y canlynol i’r Cabinet:
·
Cynnal rhagor o waith ar y cynigion a awgrymwyd
o ran y meysydd parcio talu ac arddangos;
·
Dilyn y prosesau ymgynghori gofynnol mewn
perthynas â’r cynnig ar gyfer Maes Parcio Pendre.
Cyflwynodd Gerwyn Jones y sefyllfa bresennol i Aelodau’r
Pwyllgor a hynny ar ffurf
cyflwyniad Pwerbwynt gan ddweud
fod pandemig COVID-19 wedi cael effaith sylweddol ar allu'r Gwasanaeth i ddatblygu prosiectau a
gweithio y tu hwnt i gynnal gwasanaethau rheng flaen.
Mae tîm y Gwasanaethau Parcio wedi bod yn ymwneud llawer
ag ymateb corfforaethol y Cyngor i'r pandemig, sydd wedi gweld staff yn cael eu hadleoli i rolau
yn y Tîm
Profi, Olrhain a Diogelu, y tîm Diogelu'r Cyhoedd a hefyd
yn cefnogi gweithgareddau megis dosbarthu bocsys bwyd i unigolion bregus.
Wrth i sefyllfa’r pandemig
esblygu, mae’r ymateb hefyd wedi esblygu,
ac yn achos tîm y Gwasanaethau Parcio mae’r tîm bellach wedi ailddechrau
ei gyfres lawn o weithgareddau sy'n ymwneud yn bennaf â monitro, cynghori a
gorfodi gwaith sy'n gysylltiedig â chynllun Gorfodi Parcio Sifil y Cyngor a
rheoli'r portffolio o feysydd parcio talu ac arddangos.
Penodwyd Rheolwr newydd ar y Gwasanaethau Parcio, Nicola
Parry, ac mae wedi bod yn ei swydd ers mis
Gorffennaf 2021. Roedd y rôl wedi bod yn wag am dros 12 mis cyn y dyddiad hwn oherwydd y pandemig
ac ailstrwythuro'r Gwasanaethau Amgylcheddol. Yn ogystal â Rheolwr y Gwasanaethau Parcio, mae Tîm bach y Gwasanaethau Parcio ar hyn o
bryd yn cynnwys 4 Swyddog Gwasanaethau Parcio ac 1
Arweinydd Gwaith y Gwasanaethau Parcio. Ar hyn o bryd mae 1
swydd wag ar gyfer Swyddog Gwasanaethau Parcio ac mae proses recriwtio yn mynd yn ei blaen mewn perthynas â hyn.
Mae aelodau’r Tîm Gwasanaethau Parcio bach yn cael eu
lleoli ar sail blaenoriaeth
lle ystyrir y mae’r angen mwyaf a lle mae eu presenoldeb
yn debygol o gael effaith gadarnhaol ar faterion neu bryderon. Mae rhai
materion a lleoliadau, megis yng nghyffiniau ysgolion ar ddechrau a diwedd y diwrnod ysgol, a sefyllfaoedd, megis parcio
ar y palmant, lle mae gallu’r tîm i ddylanwadu ar y rhain yn gyfyngedig.
Yna rhoddodd swyddogion wybod i'r Pwyllgor faint
o docynnau a brynwyd
a’r incwm o holl Feysydd Parcio Talu ac Arddangos
yn nhrefi Ceredigion, fel y dangosir yn yr Adroddiad. Mae'n amlwg y bydd pandemig COVID-19 wedi effeithio'n sylweddol ar y
blynyddoedd 2020/21 a 2021/22 o ran defnydd a’r incwm a gynhyrchwyd drwy'r
peiriannau.
Yna cyfeiriodd y swyddogion at wybodaeth
mewn perthynas â’r tocynnau tymor a ddefnyddir ym Meysydd Parcio Talu ac
Arddangos Ceredigion.
Mae
wedi bod yn bosibl datblygu'r awgrym a wnaed gan y Pwyllgor ym mis
Hydref 2019 o ran darparu mwy o beiriannau parcio sy’n derbyn cerdyn yn
unig.
Mae Meysydd Parcio Talu ac Arddangos y Cyngor wedi bod yn ddi-arian-parod ers
1 Rhagfyr 2020. Mae'r newid, gan
ystyried ... Gweld y cofnodion lawn ar gyfer eitem 31.
|
32. |
Asesiad o Anghenion Llety Sipsiwn a Theithwyr 2022 PDF 429 KB
Dogfennau ychwanegol:
Cofnodion:
Cyflwynodd Sarah Groves-Phillips yr adroddiad ar
yr asesiad o anghenion llety
Sipsiwn a Theithwyr, a'r
ddyletswydd i ddarparu ar gyfer safleoedd lle mae'r asesiad yn nodi angen, sydd
wedi dod yn ofynion statudol o dan Adran 101 o Ddeddf Tai (Cymru) 2014.
Diben Asesiad o Lety Sipsiwn a
Theithwyr yw sicrhau bod Awdurdodau Lleol yn cael gwell dealltwriaeth o faint o
leiniau sydd eu hangen ar gyfer Sipsiwn a Theithwyr yn eu hardal, ac fe ddylai ffurfio sylfaen dystiolaeth gadarn ar gyfer
polisïau cynllunio lleol sy'n diwallu'r anghenion hynny.
Rhaid cynnal yr Asesiad o Lety
Sipsiwn a Theithwyr o leiaf bob pum mlynedd, ac yn y cyd-destun hwn cyhoeddodd Llywodraeth Cymru ‘Canllawiau Cynnal
Asesiadau o Anghenion Llety Sipsiwn a Theithwyr’ (2015) i gynorthwyo Awdurdodau
Lleol i lunio asesiad cadarn o anghenion llety
Sipsiwn a Theithwyr yn eu hardal.
Cyflwynodd Cyngor Sir Ceredigion
Asesiad o Lety Sipsiwn a Theithwyr i Lywodraeth Cymru ym mis Ionawr 2020, a
derbyniodd adborth yn gofyn am waith pellach ar yr angen posibl am safle tramwy
yn y sir. Fodd bynnag, yn dilyn y cyngor hwn, dechreuodd pandemig
Covid-19 ac roedd hyn yn gwneud hi’n anodd iawn ymgysylltu. Felly, rhoddodd
Llywodraeth Cymru estyniad tan fis Chwefror 2022 i bob Awdurdod Cynllunio Lleol
gynnal eu Hasesiad o Lety Sipsiwn a Theithwyr, er mwyn caniatáu digon o ymgysylltu
â'r gymuned Sipsiwn-Teithwyr. Paratowyd yr Asesiad o Lety Sipsiwn a Theithwyr
mewn ymgynghoriad â'r Grŵp Llywio Sipsiwn-Teithwyr.
Dywedodd y
Swyddog fod yr adroddiad hwn yn cyflwyno canlyniadau Asesiad
o Lety
Sipsiwn a Theithwyr 2022 a gynhaliwyd gan yr Awdurdod.
Ar hyn o bryd, nid oes unrhyw
safleoedd Sipsiwn a Theithwyr gan yr awdurdod lleol, a dim ond un safle preifat
awdurdodedig sydd yn y sir. Nid oes unrhyw ddarpariaeth barhaol chwaith ar
gyfer siewmyn. Credir bod Teithwyr Newydd yn y sir
ond nid oes gan y Cyngor unrhyw gofnod o’u lleoliad. Ers mis Mehefin 2016, mae
ethnigrwydd wedi ei gynnwys ym mhroses ymgeisio’r gofrestr dai a chanfuwyd
pedwar aelod o’r Gymuned Sipsiwn a Theithwyr - tri sydd ddim yn byw yng Ngheredigion ar hyn o bryd ac un sy’n byw mewn llety
brics a morter. Mae dau aelod arall o’r Gymuned Sipsiwn a
Theithwyr mewn llety brics a morter ers nifer
o flynyddoedd a hynny cyn bod modd canfod ethnigrwydd drwy
broses ymgeisio’r gofrestr dai.
Yn ôl y disgwyl, bu’n
eithriadol o anodd lleoli’r boblogaeth darged ar gyfer yr asesiad hwn. Ar sail
y nifer bach iawn o holiaduron a ddychwelwyd a’r cyfweliadau/ymweliadau safle a
gynhaliwyd ynghyd â’r trafodaethau gyda Llywodraeth Cymru, daw’r asesiad i’r
casgliad nad oes angen safle preswyl parhaol ar gyfer Sipsiwn a Theithwyr yn y
sir, ac ar ôl gwaith ymgysylltu pellach gyda pherchennog y tir a phreswylwyr y
safle ym Mhlwmp, nid oes angen safle tramwy. Fodd
bynnag, mae angen gwneud gwaith pellach gyda pherchennog y tir a’r preswylwyr i
drefnu'n ffurfiol ar gyfer 'safle a oddefir' a ganiateir o dan ganllawiau Llywodraeth Cymru yn
ogystal ag ystyried gwelliannau posibl.
Ar ôl ... Gweld y cofnodion lawn ar gyfer eitem 32.
|
33. |
Cadarnhau Cofnodion y Cyfarfod blaenorol ac ystyried unrhyw faterion sy'n codi o'r Cofnodion PDF 336 KB
Dogfennau ychwanegol:
Cofnodion:
Cytunwyd bod cofnodion
cyfarfodydd y Pwyllgor a gynhaliwyd ar 1 Tachwedd 2021 ac 8 Tachwedd 2021
yn gywir.
O ran cofnodion 1
Tachwedd 2021, cyfeiriodd y Cadeirydd at gofnod rhif 3, Adolygu’r Mapiau
Rhwydwaith Teithio Llesol, paragraff 7, parthed Rhiwgoch, Aberaeron. Yr oedd
wedi gofyn am i lythyron cyflwyno tir gael eu postio at y perchnogion tir. Gofynnodd y Cadeirydd i’r Swyddog Craffu
gysylltu â’r Swyddog i gael y diweddaraf.
Nid oedd dim mater yn
codi o gofnodion 8 Tachwedd 2021.
|
34. |
Ystyried Rhaglen Flaen Trosolwg a Chraffu PDF 342 KB
Dogfennau ychwanegol:
Cofnodion:
Cytunodd
yr Aelodau i nodi cynnwys y Flaenraglen Waith fel y’i
cyflwynwyd.
Gofynnodd y Cadeirydd am i’r Gwasanaethau Democrataidd gyfleu'r neges
ganlynol i'r Cabinet:
Dylai aelodau'r Cabinet fod yn bresennol mewn cyfarfodydd Craffu i
gyflwyno eitemau ar y cyd â Swyddogion a gwrando ar y trafodaethau
pwysig. Maent yn gwybod ymlaen llaw am ddyddiadau’r cyfarfodydd Craffu,
yr un fath â'r Aelodau i gyd. Caiff Aelodau'r Cabinet eu talu am eu
dyletswyddau yr un fath â’r Cadeiryddion Craffu a dylid disgwyl eu bod yn
mynychu cyfarfodydd Craffu.
Roedd hyn ar ôl i nifer o Aelodau'r Pwyllgor fynegi eu siom nad oedd yr
Aelod Cabinet dros Briffyrdd a Gwasanaethau Amgylcheddol, Tai a Chyswllt
Cwsmeriaid yn bresennol i wrando ar y trafodaethau ac i ateb cwestiynau. Dylid
nodi, fodd bynnag, fod yr Aelod Cabinet perthnasol wedi ymddiheuro ar
ddechrau'r cyfarfod ac wedi gwneud trefniadau i'r Swyddogion perthnasol
gyflwyno yn ei absenoldeb.
Cadarnhawyd yng nghyfarfod y Pwyllgor a
gynhaliwyd ar xx xx 2022
|
| |