Lleoliad: Siambr y Cyngor, Neuadd Cyngor Ceredigion, Penmorfa, Aberaeron.
Cyswllt: Lisa Evans
Rhif | Eitem |
---|---|
Ymddiheuriadau Cofnodion: Ymddiheurodd y Cynghorydd
Keith Evans am na fedrai ddod i’r
cyfarfod gan ei fod yn
cyflawni dyletswyddau eraill ar ran y Cyngor. Hefyd, ymddiheurodd y Cynghorydd
Elizabeth Evans am na fedrai ddod i’r
cyfarfod. |
|
Datgelu buddiant personol (gan gynnwys datganiadau chwipio) Atgoffir aelodau am eu cyfrifoldeb personol yn datgan unrhyw fudd personol a budd sydd yn rhagfarnu yn gysylltiedig â materion a gynhwysir yn yr agenda hwn yn unol â darpariaethau Deddf Llywodraeth Leol 2000, Cyfansoddiad y Cyngor a Chod Ymddygiad Aelodau. Yn ogystal, mae’n rhaid i Aelodau ddatgan unrhyw chwip plaid gwaharddedig a roddwyd ar Aelod yng nghyswllt y cyfarfod yn ôl Mesur Llywodraeth Leol (Cymru) 2011. Cofnodion: Ni ddatgelodd yr un Aelod o’r
Pwyllgor fuddiant personol na buddiant
a oedd yn rhagfarnu (nac ychwaith unrhyw ddatganiadau chwipio). |
|
Adolygu'r Mapiau Rhwydwaith Teithio Lleso PDF 305 KB Dogfennau ychwanegol:
Cofnodion: Daeth Chris Wilson a Gari
Jones i’r cyfarfod i roi gwybodaeth
i’r Pwyllgor am y gwaith o baratoi Mapiau Rhwydwaith Teithio Llesol. Cafodd y Pwyllgor wybodaeth am rwydwaith cynyddol yr Awdurdod
Priffyrdd Lleol o lwybrau a seilwaith Teithio Llesol a fyddai’n dod
o dan y Cynllun Rheoli Asedau Priffyrdd
(HAMP). Dywedwyd ei bod yn debygol y byddai
gan hyn oblygiadau
o ran sicrhau adnoddau ychwanegol ar gyfer
gwaith cynnal a chadw parhaus. Byddai’r Aelodau'n ymwybodol fod Llywodraeth
Cymru, o dan ddarpariaethau'r Ddeddf, wedi pennu tair
ardal yng Ngheredigion fel 'Ardaloedd Dynodedig' ar gyfer teithio
llesol sef Aberystwyth, Aberteifi a Llanbedr Pont Steffan.
Roedd y gwaith o fonitro’r cynllun teithio llesol yn cael
ei adrodd i Lywodraeth Cymru
yn flynyddol ac yn cael ei
gyhoeddi ar wefan y Cyngor Sir. Dywedodd y Swyddogion wrth y Pwyllgor fod y gwaith o ddatblygu ac adeiladu'r rhan fwyaf o gynlluniau
seilwaith teithio llesol yng Ngheredigion
yn cael ei
ariannu bron yn gyfan gwbl
gan geisiadau am grantiau cyfalaf Llywodraeth Cymru. Roedd yr arian yn dod yn bennaf
o’r Gronfa Teithio Llesol ac i raddau llai,
o’r grant Llwybrau Diogel mewn Cymunedau.
Dywedodd y Swyddogion mai un o amodau
arian grant Llywodraeth Cymru oedd bod yn rhaid i
gynlluniau gael eu dylunio a’u
hadeiladu yn unol â Chanllawiau Dylunio Teithio Llesol Llywodraeth Cymru. Wrth ymateb i gwestiwn gan
un o’r Aelodau, cadarnhaodd y Swyddogion nad oedd Llywodraeth
Cymru yn clustnodi cymorth cyllid refeniw ar gyfer cynnal
a chadw seilwaith newydd ac mai un o amodau derbyn yr
arian grant cyfalaf oedd y byddai’r Cyngor Sir yn dod
yn gyfrifol am unrhyw gostau cynnal
a chadw yn y dyfodol. Dywedwyd y byddai goblygiadau amlwg felly ar gyllidebau’r gwasanaethau. Roedd llwybrau newydd at ddibenion hamdden yn
bennaf a llwybrau y tu allan i'r tair ardal ddynodedig a'r dalgylch teithio
llesol, yn debygol o fod yn aflwyddiannus ac ni fyddent yn denu cyllid.
Mynegodd Aelodau’r Pwyllgor bryder ynglŷn â hyn am fod nifer o bentrefi a
threfi gwledig yng Ngheredigion. Wrth ymateb i gwestiwn gan Aelod, cadarnhaodd y
Swyddogion fod perchnogion tir yn chwarae rhan fawr yn y broses a dywedwyd os na
fyddent yn rhoi eu caniatâd, ni fyddai modd i’r Cynllun Teithio Llesol fynd yn
ei flaen. Felly, roedd eu cydweithrediad yn hanfodol. Gofynnodd
yr Aelodau nifer o gwestiynau ynglŷn â’r hyn a oedd o ddiddordeb iddynt ac
atebwyd y cwestiynau hynny gan y Swyddogion. Gofynnodd y Cadeirydd a fyddai
modd postio llythyron cyflwyno tir i berchnogion tir cynllun Rhiwgoch,
Aberaeron unwaith eto. Dywedodd un o’r swyddogion y byddai modd gwneud hynny.
Hefyd, gofynnodd y Cadeirydd fod hyn yn cael ei nodi yn y cofnodion. Yn dilyn cais gan Aelod
o’r Pwyllgor, rhoddwyd sicrwydd y byddai’r swyddogion yn cysylltu â swyddogion
Sir Gaerfyrddin i ofyn a oedd ganddynt unrhyw fwriad o wella’r A484/B4333 rhwng
Castellnewydd Emlyn a Chaerfyrddin. Yn dilyn trafodaeth hir, gofynnwyd i’r Aelodau ystyried yr argymhelliad ... Gweld y cofnodion lawn ar gyfer eitem 3. |
|
Cynllun Gweithredu Sero-Net - Y Diweddaraf am y Cynnydd PDF 589 KB Cofnodion: Daeth y Cynghorydd Alun Williams, Aelod Cabinet, i’r cyfarfod i roi’r
diweddaraf am y cynnydd a wnaed o ran y camau gweithredu a nodwyd yn y Cynllun Gweithredu
Sero Net. Roedd Bethan
Lloyd Davies a Lyndon Griffiths yn bresennol i ateb
unrhyw gwestiynau gan yr Aelodau.
Gwelwyd gostyngiadau mewn allyriadau ym mhob
maes gwasanaeth
yn ystod 2020/21, o gymharu â'r blynyddoedd
ariannol blaenorol. Roedd hyn yn
cyfateb i ostyngiad cronnol o 28.77% yn erbyn targed
o 15% rhwng 2017/18 a 2020/21. Dywedwyd bod y gostyngiad mwyaf nodedig yn
ymwneud â milltiroedd busnes (teithio a wnaed gan staff yn eu cerbydau
eu hunain), sef gostyngiad o 71.96% o gymharu â'r
flwyddyn ariannol flaenorol. Gwariodd yr Awdurdod £1,322,919 yn llai ar
ynni yn 2020/21 nag a wnaeth yn 2019/2020. Adroddwyd bod yr Awdurdod
wedi derbyn dau grant, a fyddai’n cael eu defnyddio
i ystyried y posibilrwydd o gynyddu’r seilwaith ar gyfer
gwefru cerbydau trydan yn y sir. Roedd Cyngor Sir Ceredigion eisoes
yn caffael trydan ‘gwyrdd’ drwy’r contract trydan corfforaethol. Roedd lle
pellach i edrych ar gaffael nwy 'gwyrdd', yn ogystal â thanwyddau hylifol (e.e.
LPG neu fiodiesel). Er nad oedd llawer o fudd o ran y
ffigurau cyfrifyddu carbon, gellid ei ystyried yn arfer orau i sicrhau bod y
cyfleustodau rydym yn eu defnyddio yn dod o ffynonellau cynaliadwy 'gwyrdd'. Roedd adolygiad asedau
tir a gynhaliwyd gan Wasanaeth Ynni
Llywodraeth Cymru wedi ystyried amrywiol
safleoedd ar gyfer ynni adnewyddadwy.
Roedd y rhain yn bennaf yn
destun cyfyngiadau sylweddol o ran y grid. Fodd bynnag, tynnodd hyn sylw at y ffaith
y byddai angen sicrhau bod y gosodiadau adnewyddadwy o faint digonol a
bod y lleoliadau'n cael eu dewis yn
ddibynnol ar eu gallu i
ddefnyddio'r ynni a gynhyrchir ar y safle. Roedd maes parcio Canolfan Rheidol wedi'i nodi fel
lleoliad posib ar gyfer canopïau
solar ac roedd hyn yn cael ei
archwilio ar hyn o bryd. Roedd ynni adnewyddadwy hefyd yn cael ei
gyflwyno fel mater o drefn fel rhan
o waith adnewyddu adeiladau a hefyd rhaglen Ysgolion yr 21ain Ganrif. Fel rhan o’r
rhaglen, wrth ystyried adeiladu ysgolion newydd, bydd Cyngor Sir Ceredigion yn gweithio tuag
at ddatgarboneiddio ac adeiladau
sero-net. Roedd gan yr estyniad
newydd yn Ysgol Llwyn yr
Eos y potensial i ddod yn adeilad
sero-net cyntaf y Cyngor. Gosodwyd gwresogi o’r ddaear
a phaneli solar fel rhan o'r cynllun
a'r gobaith oedd y byddai hyn
yn gosod meincnod ar gyfer
gwaith adeiladu a fyddai’n cael ei
wneud gan yr awdurdod yn
y dyfodol. Dywedodd y swyddogion
eu bod wrthi ar hyn o bryd
yn cyfrifo’r ôl-troed carbon yn ei gyfanrwydd a byddai’r wybodaeth honno ar gael pan fyddent yn rhoi’r diweddariad
nesaf. Gofynnodd yr Aelodau nifer o gwestiynau ac atebwyd y cwestiynau hynny yn eu tro
gan yr Aelod
Cabinet a’r Swyddogion. Cytunodd Aelodau’r Pwyllgor nodi’r cynnydd a wnaed o ran y camau a amlinellir yn y Cynllun ... Gweld y cofnodion lawn ar gyfer eitem 4. |
|
Adroddiad ar sefyllfa bresennol y rhaglen Cofnodion: Daeth y Cynghorydd Rhodri Evans, Aelod Cabinet, i’r cyfarfod i roi
gwybodaeth am sefyllfa bresennol y Rhaglen Gwaith Trin Carthffosiaeth
fel y nodir yn yr adroddiad. Roedd Lyndon Griffiths, Cari Barker ac Andrew Ginn hefyd yn
bresennol i ateb unrhyw gwestiynau
oddi wrth yr Aelodau. Dywedwyd bod tri gwaith trin carthffosiaeth wedi cael eu
mabwysiadu gan Ddŵr Cymru hyd yn hyn
sef Tan y Groes, Betws Bledrws a Blaencelyn, a bod pedwar cais wedi’u cyflwyno
parthed gwaith trin carthffosiaeth ond bod y Cyngor yn aros am ymateb
iddynt sef Olmarch, Pontrhydygroes, Abermagwr a Bronant. Roedd wyth cais arall
yn barod i’w cyflwyno yn
y dyfodol sef Capel Dewi, Coed y Bryn, Cwmcou, Llandyfriog, Sarnau, Swyddffynnon, Ysbyty Ystwyth a Brynhoffnant. Roedd gan chwe safle
arall faterion oedd angen eu
datrys sef Blaenannerch (materion hawddfraint), Blaenporth (cysylltiad anghyfreithlon), Lledrod (mater ynglŷn â’r tir – Barcud),
Llwynygroes 1 (cadarnhad ynghylch yr angen
am dir), Rhydowen (mater ynglŷn â’r tir) a Glan Ifor,
Glanrhyd. O ran Glan Ifor, byddai angen
dylunio gorsaf bwmpio bwrpasol. Bwriedir gwneud y gwaith drwy gontract dylunio
ac adeiladu. Roedd y gwaith dylunio i ddiweddaru safle
Bro Tygwydd, Llandygwydd wedi’i wneud ac roedd y cynllun wedi’i dendro. Byddai ymgynghoriad yn cael ei
gynnal ym mis Tachwedd gyda’r
trigolion yr effeithir arnynt. Hefyd, dywedodd y Swyddog nad
oedd y gwaith o ran Tregroes (caffael tir), Llangwyryfon (mater mynediad), Cilcennin (caffael tir), Llwynygroes
2 a Phentregat (methu canfod cwrs dŵr
addas) wedi’i gwblhau. Gofynnodd yr Aelodau nifer o gwestiynau a oedd yn ymwneud â’r
ardaloedd dan sylw. Codwyd pryder
ynghylch y ffaith bod rhai trigolion yn gorfod talu
Trethi Busnes sy’n swm llawer
yn uwch. Cytunodd yr Aelodau
fod angen i’r mater hwn gael ei ddatrys
ar fyrder. Cytunodd y Swyddogion â hyn a gwnaethant gadarnhau bod gwaith ar y gweill o ran yr achosion hyn a’u bod
yn cyfathrebu’n barhaus â Dŵr Cymru. Diolchodd y Cynghorydd
Rhodri Evans i’r Swyddogion
am y gwaith caled a wnaed ym mhob
ymgais i ddatrys y materion hyn. Hefyd, diolchodd y Cadeirydd
i’r Swyddogion a’r Aelod Cabinet am y wybodaeth a gyflwynwyd. Gofynnwyd i’r Aelodau nodi cynnwys
yr adroddiad. |
|
Cofnodion: Cytunwyd i gadarnhau cofnodion y cyfarfod a gynhaliwyd ar 1 Hydref 2021 yn rhai cywir.
Nid oedd dim materion yn codi
ohonynt. |
|
Ystyried Rhaglen Flaen Trosolwg a Chraffu PDF 343 KB Dogfennau ychwanegol: Cofnodion: Cytunodd yr Aelodau i nodi’r
Flaenraglen fel y’i cyflwynwyd yn amodol ar
wahodd Swyddog o Dŵr Cymru i un o gyfarfodydd
y dyfodol. Nodwyd y byddai eitem ynglŷn â Chasglu Sbwriel yn cael
ei hystyried yng nghyfarfod y Pwyllgor ar 20 Ionawr 2022. Gofynnodd Lisa Evans i’r Aelodau i gysylltu
â hi pe byddai ganddynt unrhyw faterion penodol y byddent yn dymuno
eu trafod yn y cyfarfod hwnnw.
Cytunwyd i gynnwys Llifogydd / Afonydd fel eitem
i’w hystyried yn un o gyfarfodydd
y dyfodol. Serch hynny, ni
phennwyd dyddiad ar gyfer yr
eitem hon. |